ရေစကြို – ပခုက္ကူလမ်းပိုင်းတွင် စစ်ကောင်စီတပ် တိုက်ခိုက်ခံရ

မကွေးတိုင်း၊ ရေစကြို – ပခုက္ကူလမ်းပိုင်းတွင် စစ်ကောင်စီတပ်အားတိုက်ခိုက်ရာ ထိခိုက်မှုရှိကြောင်း ပြည်သူ့ကာကွယ်ရေးတပ်ဖွဲ့-ရေစကြို၏ ပြန်ကြားရေးတာဝန်ခံက ပြောသည်။

ယမန်နေ့ (သြဂုတ်၂ ရက်) နံနက် ၇နာရီခန့်က ရေစကြိုမြို့ပေါ်မှ အင်အား၅၀ခန့်ပါ စစ်ကောင်စီစစ်ကြောင်းသည် ဒိုင်နာယာဥ်ဖြင့် ထွက်လာခဲ့သည်။

အဆိုပါ ယာဥ်အား ရေစကြို – ပခုက္ကူလမ်းမပေါ် ငါးမွေးမြူရေးခြံအနီးတွင် မိုင်း သုံးလုံးဖြင့် မိုင်းဆွဲတိုက်ခိုက်ခဲ့ရာ စစ်သား ငါးဦးပြင်းထန်ဒဏ်ရာရရှိသွားကြောင်း ရေစကြို(ပကဖ)အဖွဲ့ ပြန်ကြားရေးတာဝန်ခံက ပြောသည်။

“မြို့ပေါ်ကနေ ပြည်သူ့ကားတစ်စီးကို ချောဆွဲလာတာ။ မိုင်းဆွဲပြီးတော့ ဒီကောင်တွေက လက်နက်ငယ်တွေနဲ့ ပြန်ပစ်တာရှိတယ်။ဒါပေမယ့် ဒီကောင်တွေက ကားမရပ်ဘူး။ တန်းမောင်းတာ။”ဟု အထက်ပါတာဝန်ခံက ဆိုသည်။

Public Service Announcement

ရေစကြို(ပကဖ)အဖွဲ့သည် သြဂုတ် ၁ ရက်ကလည်း ရေစကြို – မန္တလေးလမ်းပိုင်း ဇီးတောကျေးရွာရှိ ပျူစောထီးစခန်းအား မောင်းသူမဲ့လေယာဥ်ငယ် နှစ်စီးဖြင့် ဗုံးချတိုက်ခိုက်ခဲ့သေးသည်။