▪︎”လက်နက်တွေကတော့ ထပ်ရနေတုန်းပါပဲ” အမှတ် (၂ )စစ်ဒေသ၊ ဒုစစ်ဒေသခွဲမှူး ရဲဘော်တင်ဦး
ပဲခူးတိုင်း၊ ကျောက်တံခါးမြို့နယ်၊ သမင်အင်းကုန်းရွာအနီး ယမန်နေ့(ဩဂုတ်လ ၉ရက်)ကတိုက်ပွဲတွင်စစ်ကောင်စီတပ်ဖွဲ့ဝင် ၃၀ ကျော်သေဆုံးကာ လက်နက်ခဲယမ်းအမြောက်အများသိမ်းဆည်းနိုင်ခဲ့ကြောင်းအမှတ် (၂ )စစ်ဒေသ၊ ဒုစစ်ဒေသခွဲမှူး ရဲဘော်တင်ဦးက အတည်ပြုပြောကြားသည်။
“လက်နက်တွေကတော့ ထပ်ရနေတုန်းပါပဲ” ဟု ယနေ့ ညနေ ၄ နာရီခွဲခန့်တွင် People’s Spring မှတစ်ဆင့် အသိပေးပြောကြားသည်။
စစ်ကောင်စီခြေမြန်တပ်ရင်း ၅၈၉ ဦးဆောင်လာသည့် အင်အား ၆၀ခန့်ပါ စစ်ကြောင်းနှင့်KNLA၊ PDF ပူးပေါင်းအထူးကွန်မန်ဒိုတပ်ဖွဲ့သည် သမင်အင်းကုန်းရွာအနီးတွင် သြဂုတ်( ၉ )ရက်နေ့ နေ့လယ် ၁ နာရီခန့်မှ စတင်ကာ တိုက်ပွဲဖြစ်ပွားခဲ့ခြင်းဖြစ်ကြောင်းသိရသည်။
“သမင်အင်းကုန်းရွာအနီးမှာ စစ်ကောင်စီတပ်နဲ့ KNLA၊ မိမိတို့ ရိုးမစစ်ကြောင်း (၂ ) ၊တပ်ခွဲ(၂) ပူးပေါင်းတပ်ဖွဲ့တို့ တိုက်ပွဲဖြစ်ပွားခဲ့ပြီး စစ်ကောင်စီဘက်က အယောက် ၃၀ ကျော်သေဆုံးကာ လက်နက်အများအပြားလည်း သိမ်းဆည်းရမိခဲ့ပါတယ်” ဟု တောင်ပိုင်းတိုင်းအမှတ် (၂ )စစ်ဒေသခွဲ၊ရိုးမစစ်ကြောင်း(၂) ကထုတ်ပြန်ထားသည်။
Public Service Announcement
စစ်ကောင်စီစစ်ကြောင်းလှုပ်ရှားမှုရှိနေ၍ KNLA၊ PDF ပူးပေါင်းတပ်ဖွဲ့က ရွာအပြင်ဖက်တွင် လုံခြုံရေးယူထားစဉ် ထိပ်တိုက်တွေ့ပြီး တိုက်ပွဲအပြင်းထန်ဖြစ်ပွားခြင်းဟုသိရသည်။
“အခုထိရှင်းနေတုန်းပဲ လက်နက်တွေက ထပ်ရသေးတယ်။ မနေ့က ၁၈လက်တစ်ကြိမ်ရရှိပြီး ဒီနေ့မနက် ၆လက် ထပ်မံရရှိပါတယ်။ ဆက်လက်ရှင်းလင်းနေဆဲပါ။ ကျနော်တို့ဘက်ကလည်း ထိခိုက်ကျဆုံးရှိတယ်။ရန်သူသေဆုံးမှုက ၃၀ကျော်ရှိတယ်၊ ဒဏ်ရာတော်တော်များများရသွားတယ်၊ သူတို့အလောင်းတွေကတော့ ပြန်မကောက်သေးဘူး”ဟု လည်းဖာ်ပြထားသည်။
တောင်ပိုင်းတိုင်းအမှတ် (၂ )စစ်ဒေသခွဲ၊အထူးကွန်မန်ဒိုစစ်ကြောင်းမှ ရဲဘော်ကျော်ကြီး ဦးခေါင်း လက်နက်ငယ်ထိမှန်ကာကျဆုံးခဲ့ပြီး ရဲဘော်တစ်ဦးဒဏ်ရာရခဲ့သည်ဟုသိရသည်။
“ကျွန်တော်တို့ နယ်မြေရှင်းလင်းရေးလုပ်နေဆဲ ဖြစ်ပါတယ်။ အဲဒီကာလအတွင်းမှာ မနေ့(သြဂုတ် ၉)က လက်နက် ၁၈ လက်ရထားတယ်။ ဒီကနေ့မနက် ခြောက်လက်ထပ်ရတယ်။ ဆိုတော့ ရန်သူ့ထံက လက်နက် ၂၄ လက်ရထားပါတယ်”ဟု အထူးကွန် မန်ဒိုတပ်ရင်း(တောင်ပိုင်းတိုင်း)မှ ရုံးထိုင်မှူးက People’s Spring သို့ ပြောသည်။
အထက်ပါတိုက်ပွဲသည် နှစ်ဖက်အပြန်အလှန်ပစ်ခတ်မှု ၉ နာရီကြာဖြစ်ပွားခဲ့ပြီးဒဏ်ရာရ ရဲဘော်မှာမစိုးရိမ်ရကြောင်း ၎င်းက ဆက်ပြောသည်။
တိုက်ပွဲအတွင်း စစ်ကောင်စီတပ်ထံမှ စက်လတ်တစ် လက်၊ MA 1 ရှစ်လက်၊ MA 2 တစ်လက်၊ MA3 တစ်လက်၊ MA 4 တစ်လက်၊ မိုင်းရှာစက် တစ်လုံး၊ ဒရုန်းပစ်တစ်လက်၊ ကျည်အိမ် ၁၂ ခု၊ ၆၀ မမ ဗုံးသီးတ ချို့နှင့် ကျည်ဆန်အများအပြားရရှိထားကြောင်း အထူးကွန်မန်ဒိုတပ်ရင်း(တောင်ပိုင်းတိုင်း)က အသိ ပေးသည်။
အထက်ပါတိုက်ပွဲတွင် စစ်ကောင်စီဘက်မှ ပိန်းဇလုပ် အခြေစိုက် ခမရ-၂၆၄ အပြင် ကျောက်တံခါးမြို့နှင့် သူဌေးကုန်းတွင် တပ်စွဲထားသော စစ်ကောင် စီတပ်များက လက်နက်ကြီးပစ်ကူပေးခြင်း၊ လေ ကြောင်းမှ နှစ်ကြိမ်လာရောက်၍ ပစ်ကူပေးခြင်းများရှိခဲ့သည်ဟု သိရသည်။
တိုက်ပွဲဖြစ်ပွားနေချိန် ယမန်နေ့ နံနက်ပိုင်းကစပြီး ကျောက်တံခါးမြို့နယ်အတွင်းရှိ ဗောဓိကွင်း၊ နံဇ၊ သူ ဌေးကုန်း၊ တောင်ခင်၊ ရေတွင်းကုန်းစသည့် ကျေး ရွာအုပ်စုများမှ ပြည်သူများအနေဖြင့် ည ၆ နာရီမှ မနက် ၆ နာရီအတွင်း သမင်အင်းကုန်း-ကျောက်တံခါး၊ သ မင်အင်းကုန်း-သူဌေးကုန်း လမ်းများအား သွားလာခြင်းမပြုကြရန် ကရင်အမျိုးသား လွတ်မြောက်ရေးတပ်မတော်(KNLA)က သတိပေးချက်ထုတ်ပြန်ခဲ့သည်။
ကျောက်တံခါးမြို့နယ် သမင်အင်းကုန်းကျေးရွာသို့ စစ်ကောင်စီတပ်က ယခုလ(သြဂုတ်)၃ ရက်တွင် ပထမအကြိမ်စစ်ကြောင်းထိုးခဲ့စဥ်ကလည်း KNLA၊ PDF ပူးပေါင်းတပ်ဖွဲ့၏ တိုက်ခိုက်မှုကြောင့် စစ်ကောင်စီတပ်မှ လေးဦးသေ၊ လေးဦးထိခိုက်ဒဏ်ရာရခဲ့သေးသည်။
▪︎မှတ်ချက်-သတင်းကို သြဂုတ် ၁၀ ရက်ညနေ ၆ နာရီ ၇ မိနစ်တွင်ထပ်မံပြင်ဆင်ဖြည့်စွက်ထားပါသည်။
