မန္တလေးမြို့ မှာ လူသိများတဲ့ ပုဂ္ဂလိက ကိုယ်ပိုင်အထက်တန်းကျောင်း ရဲ့တည်ထောင်သူ ဖမ်းခံရပြီးနောက် ကျောင်းကိုလည်း မနေ့ သြဂုတ် ၁၆ ရက်မှာ စစ်ကောင်စီက ချိတ်ပိတ်လိုက်ပါတယ်။
ချိတ်ပိတ်ခံရတဲ့ကျောင်းဟာ မဟာအောင်မြေမြို့နယ်ထဲက Golden Gate ပုဂ္ဂလိက ကျောင်းဖြစ် စုံစမ်းသိရပါတယ်။
အဲဒီကျောင်းတည်ထောင်သူဟာ NUG ၊ PDF ကို ထောက်ပံံ့တယ်ဆိုတဲ့ စွပ်စွဲချက်နဲ့ စစ်ကောင်စီတပ်ရဲ့အဖမ်းခံရသလို ပိုင်ဆိုင်မှုပါ ချိတ်ပိတ်ခံရတာပါ။
ကျောင်း ချိတ်ပိတ်လိုက်တဲ့ ဓာတ်ပုံတွေနဲ့အတူ ပိုင်ရှင်အမျိုးသားကို ဖမ်းဆီးရမိတဲ့ ပုံတွေ လည်း စစ်ကောင်စီ ကလူမှုကွန်ရက်မှာဖြန့်ဝေထားတာတွေ့ရပါတယ်။
Public Service Announcement
ကျောင်းတည်ထောင်သူနဲ့အတူ ဆရာ ၊ဆရာမအချို့ ဖမ်းဆီးခံရတာကိုကြားသိရပေမယ့် သီးခြားအတည်မပြုနိုင်ပါဘူး။
ပြီးခဲ့တဲ့ ရက်ပိုင်းကလည်း ချမ်းအေးသာစံမြို့နယ် ၊မြို့လယ်ခေါင်က စာရေးကိရိယာ ရောင်းဝယ်ရေးဆိုင်ပိုင်ရှင် အမျိုးသမီးကြီးနဲ့ သမီး ၃ ဦးကို PDF ထောက်ခံအားပေးတယ်ဆိုတဲ့စွပ်စွဲချက်နဲ့ လူတွေကိုဖမ်းပြီး ဆိုင်ကိုပါ စစ်ကောင်စီတပ်က ချိတ်ပိတ်ခဲ့ပါသေးတယ်။
