ခါမ်းပါတ်နှင့်တမူးနယ်စပ်တိုက်ပွဲဖြစ်ပြီး စစ်တပ်က​လေ​ကြောင်းမှပစ်ကူ​ပေးတိုက်ခိုက်

စစ်ကိုင်းတိုင်း၊ ခါမ်းပါတ်မြို့နယ်နှင့် တမူးမြို့နယ်အစပ် မလူရွာ၌ ယမန်​နေ့ညနေက တိုက်ပွဲအပြင်းအထန်ဖြစ်ခဲ့ပြီး​နောက် ည ၈ နာရီ ခွဲခန့်တွင် စစ်ကောင်စီက လေကြောင်းမှတိုက်ခိုက်သွားကြောင်း သတင်းရရှိသည်။

“မလူရွာမှာ ညနေ သုံးနာရီလောက်က တိုက်ပွဲဖြစ်တယ်။ တော်တော်လေးပြင်းထန်တယ်။ ဒီည(သြဂုတ် ၁၈ ည) မှာ စစ်တပ်က လေကြောင်းကနေ လာပစ်တယ်။ အိမ်တချို့ထိပြီး အသေးစိတ်တော့ မသိရသေးဘူး”ဟု တမူးမြို့ခံတစ်ဦးကပြောသည်။

မင်းလူရွာ( ဒေသအခေါ် မလူရွာ) သည် ခမ်းပတ်နှင့် တမူးနယ်စပ် ဘုတ်ကန်ရွာအနီး၌ တည်ရှိသည်။

” လမ်မဘေးက‌နေ အတွင်းဘက်ကို နှစ်မိုင်လောက် ဝင်သွားရတဲ့ရွာ။ တိုက်ပွဲက ဖြစ်နေတယ်။ ဖုန်းလိုင်းမရလို့ မသိရသေးဘူး”ဟု တမူးမြို့မှ ပြည်သူ့ကာကွယ်ရေးထောက်ပို့ရဲဘော်တစ်ဦးကပြောသည်။

Public Service Announcement

မလူရွာကို တံတားဦးလေတပ်မှ တက်သွားသော ဂျက်ဖိုက်တာဖြင့် ပစ်ခတ်တိုက်ခိုက်သွားခြင်းဖြစ်ကြောင်း သိရသည်။

သြဂုတ် ၁၈ ရက် နေ့လယ်ကတိုက်ပွဲမှာစစ်ကောင်စီတပ် သေဆုံးထိခိုက်မှုများ​သော​ကြောင့် လေကြောင်းမှတိုက်ခိုက်ခဲ့ခြင်းဖြစ်ကြောင်းလည်းPDF အချို့က​ပြောသည်။

ဇူလိုင် ၂၈ ရက်ကလည်း ဘုတ်ကန်ရွာတွင်တိုက်ပွဲ ဖြစ်ပွားခဲ့​ပြီး စစ်ကောင်စီတပ်က ထိုစဥ်ကလည်း​လေ​ကြောင်းမှ တိုက်ခိုက်ခဲ့​သေးသည်။

မြန်မာ-အိန္ဒိယနယ်စပ်ရှိ ခါမ်းပါတ်မြို့​ပေါ်နှင့် မြို့နယ်ခွဲ အတွင်းဇူလိုင်လ ၂၂ ရက်ညမှစ၍တိုက်ပွဲအပြင်းအထန်ဖြစ်ခဲ့ခြင်းဖြစ်သည်။ စစ်​ကောင်စီတပ်က ထိခိုက်​သေဆုံးမှုများပြီး အထိနာလာသဖြင့် ဇူလိုင် ၂၃ ရက်မှစ၍ ရဟတ်ယာဥ်အသုံးပြု၍ က​လေးမြို့မှစစ်ကူများပို့​ဆောင်ခဲသလို ဇူလိူင် ၂၅ ရက်မှစ၍ ခါမ်းပါတ်မြို့နှင့် အနီး ဝန်းကျင်ကို ​လေ​ကြောင်းမှတိုက်ခိုက်ခဲ့သည်။ရက်​ပေါင်းများစွာတိုက်ပွဲများဖြစ်ပွားပြီး စစ်​တပ်စစ်​ကြောင်းမှာ ခါမ်းပါတ်မြို့ ​မြောက်ဘက်သို့ စစ်​ကြောင်းထိုးလာရာ လမ်းတစ်​လျှောက်တိုက်ပွဲများဆက်ဖြစ်​နေခြင်းဖြစ်သည်။

စစ်​ကောင်စီတပ်ကို ခါမ်းပါတ်မြို့နယ်က PDF များ၊တမူး PDF ၊က​လေး PDF ၊ချင်းလက်နက်ကိုင်အဖွဲ့အချို့နှင့် ​ဒေသတွင်း​တော်လှန်​ရေးအင်အားစုများကပူး​ပေါင်းတိုက်ခိုက်​နေခြင်းဖြစ်သည်။ခါမ်းပါတ်မြို့နယ်ခွဲ၏ ​​နေရာအများစုကို ​တော်လှန်​ရေးအဖွဲ့များက ထိန်းချုပ် စိုးမိုးထားခြင်းဖြစ်​ကြောင်း​ဒေသခံအချို့က​ပြောသည်။

တိုက်ပွဲများ​ကြောင့် ခါမ်းပါတ်မြို့​ပေါ်နှင့် အနီးဝင်ကျင်ရှိ​ကျေးရွညများမှ ပြည်သူ​ထောင်​ပေါင်းများစွာထွက်​ပြေးခဲ့ရပြီး သြဂုတ် လဆန်းမှာ မြို့​ပေါ်က ပြည်သူအချို့ ​နေရပ်ပြန်​နေကြဟု​ဒေသခံအချို့က​ပြောသည်။