ရွှေဘိုမြို့နယ် တည်သီးတောပျူရွာအား ဒရုန်းဖြင့် ဗုံးသီးချတိုက်ခိုက်

စစ်ကိုင်းတိုင်း၊ ရွှေဘိုမြို့နယ်ရှိ တည်သီးတော ပျူစောထီးကျေးရွာရှိ ကင်းချရာနေရာများအား ဒရုန်းဖြင့်ဗုံးသီးချ တိုက်ခိုက်ခဲ့ကြောင်း ဗိုလ်ကျားရိုင်း – ရွှေဘို (LPDF)အဖွဲ့၏ ​ပြန်ကြားရေးတာဝန်ခံက ပြောသည်။

သြဂုတ် ၁၉ရက် ည၁၀ နာရီခန့်က ရွှေဘိုမြို့နယ်၊တည်သီးတောပျူစောထီးကျေးရွာရှိ ပျူများ ကင်းချရာနေရာများအား ဒရုန်းဖြင့် (၆၀)မမ ဗုံးသီး လေးလုံးချတိုက်ခိုက်ခဲ့ကြောင်း ဗိုလ်ကျားရိုင်း – ရွှေဘို (LPDF)အဖွဲ့၏ ​ပြန်ကြားရေးတာဝန်ခံက ပြောသည်။

ညပိုင်းစစ်ဆင်ရေးဖြစ်နေ၍ ထိခိုက်မှုအခြေအနေ စုံစမ်းဆဲဟု ဆိုသည်။

“အစစရာရာ သူတို့မလွယ်တော့ဘူး။ကြာလာတာနဲ့အမျှ သူတို့ ခံရမယ်အလှည့်ရောက်နေပြီ”ဟု ဗိုလ်ကျားရိုင်း – ရွှေဘို(LPDF)အဖွဲ့၏ ​ပြန်ကြားရေးတာဝန်ခံက ပြောသည်။

Public Service Announcement

အဆိုပါ စစ်ဆင်ရေးကို ဗိုလ်ကျားရိုင်းပြည်သူ့ကာကွယ်ရေးတပ် – Wild Tiger LPDF ၊ မိတ္ထီလာပြည်သူ့ကာကွယ်ရေးဒရုန်း တပ်ဖွဲ့ Lightning Done Force ( We are Everywhere) ၊ ကျောက်ဆည် နဂါးနီ တပ်ရင်း (၁) ၊ ရွှေဘိုခရိုင်း တပ်ရင်း (၁၅)၊ GOLDEN EAGLE-ZBG LPDF၊ Eagle Brothers Knight Force အရာတော် အဖွဲ့၊ ဗိုလ်ဂျပန်ကြီး – ရွှေဘို LPDF၊ဇေယျာသွေး ရွှေဘို ပြည်သူ့ကာကွယ်ရေးတပ်ဖွဲ့၊ဗိုလ်တစ်‌ထောင် Group ဒီပဲယင်း၊ တောင်သူကြီးများအဖွဲ့ ပြည်သူ့ကာကွယ်‌ရေးတပ်ဖွဲ့၊သ‌‌ပြေညို ပြည်သူ့ကာကွယ်ရေးတပ်ဖွဲ့၊ Bo Ba Taw – SHWEBO LPDF အဖွဲ့ တို့ ပူးပေါင်းတိုက်ခိုက်ခဲ့ကြောင်း အသိပေးထားသည်။

ဗိုလ်ကျားရိုင်းပြည်သူ့ကာကွယ်ရေးတပ် – Wild Tiger LPDF အဖွဲ့သည် ဒေသတွင်းတော်လှန်ရေးအင်အားစုများနှင့်ပူးပေါင်း၍ သြဂုတ် ၁၇ ရက်ကလည်း ရွှေဘိုမြို့အဝင်ရှိ စစ်ကောင်စီတပ်အား တိုက်ခိုက်ခဲ့သေးသည်။