Connect with us

Hi, what are you looking for?

LuduNwayOo

သတင်း

ပေါက်မြို့နယ်ရှိ ရေပြာရွာစစ်ဆေးရေးဂိတ်အား ဒေသတွင်း PDFများ တိုက်ခိုက်

တိုက်ခိုက်မှုမှာ မိနစ် ၂၀ ကျော်ကြာမြင့်ခဲ့ပြီး ရဲတစ်ဦးသေဆုံးပြီး G3 သေနတ်တစ်လက်၊ ကျည် ၁၇၁ တောင့်၊ ဖုန်းတစ်လုံးနှင့် ဆိုင်ကယ်၂စီးနှင့် စစ်အသုံးအဆောင်ပစ္စည်းများ သိမ်းဆည်းနိုင်ခဲ့ကြောင်း မြိုင်(ပကဖ)အဖွဲ့က အသိပေးသည်။

(သိမ်းဆည်းရမိခဲ့သော သေနတ်တစ်လက်နှင့်ကျည်များအား တွေ့ရစဥ်။ ဓာတ်ပုံ - မြိုင်ပကဖ)
(သိမ်းဆည်းရမိခဲ့သော သေနတ်တစ်လက်နှင့်ကျည်များအား တွေ့ရစဥ်။ ဓာတ်ပုံ - မြိုင်ပကဖ)

မကွေးတိုင်း၊ ပခုက္ကူခရိုင်၊ ပေါက်မြို့နယ်ရှိ ရေပြာကျေးရွာစစ်ဆေးရေးဂိတ်ကို အနီးကပ်ဝင်ရောက်တိုက်ခိုက်ရာ ရဲတစ်ဦးသေဆုံးပြီး သေနတ်တစ်လက်နှင့် ကျည်များ သိမ်းဆည်းနိုင်ခဲ့ကြောင်း ဒေသတွင်းတော်လှန်ရေးအင်အားစုများက သတင်းထုတ်ပြန်သည်။

ယနေ့ (သြဂုတ်၂၂ ရက်)နံနက် ၇ နာရီခွဲခန့်က ပေါက်မြို့နယ်၊ ရေပြာကျေးရွာစစ်ဆေးရေးဂိတ်အား “နောင်ရိုး စစ်ဆင်ရေး”အဖြစ် အနီးကပ်ဝင်ရောက်တိုက်ခိုက်ခဲ့ကြောင်း မြိုင်(ပကဖ)အဖွဲ့က ပြောသည်။

တိုက်ခိုက်မှုမှာ မိနစ် ၂၀ ကျော်ကြာမြင့်ခဲ့ပြီး ရဲတစ်ဦးသေဆုံးပြီး G3 သေနတ်တစ်လက်၊ ကျည် ၁၇၁ တောင့်၊ ဖုန်းတစ်လုံးနှင့် ဆိုင်ကယ်၂စီးနှင့် စစ်အသုံးအဆောင်ပစ္စည်းများ သိမ်းဆည်းနိုင်ခဲ့ကြောင်း မြိုင်(ပကဖ)အဖွဲ့က အသိပေးသည်။

Public Service Announcement
Public Service Announcement

“စကစလာရင် များများသေတယ်။ အရင်က ခြောက်ဦး၊ ခုမနက်က သုံးဦးတည်းလာတာ။ ညတွေဘာတွေမအိပ်ဘူး။ ရေပြာစခန်းပြန်တာ။ နှစ်ကောင်ကပြေးတယ်။ တစ်ကောင်သေတာ ခုညအထိ အလောင်းမကောက်ဘူး။”ဟု မြိုင်(ပကဖ)အဖွဲ့ခေါင်းဆောင် ဗိုလ်လက်ယျာက ပြောသည်။

Public Service Announcement

Public Service Announcement

ထို့အပြင် ကျန်ရဲများလည်း ထိခိုက်ဒဏ်ရာများဖြင့် ထွက်ပြေးသွားကြောင်း သိရသည်ဟု ဆိုသည်။

“ရေပြာက လမ်းဆုံ၊ အချက်အချာကျတဲ့နေရာကို ဝင်တိုက်သွားတာ။”ဟု ဒေသခံတစ်ဦးက ပြောသည်။

ယင်းစစ်ဆင်ရေးအား ASTF (Pauk)တပ်ဖွဲ့၊ မြိုင် ပကဖ ရင်း၁ – စိတ် ၁၈၊ NPRF တပ်ဖွဲ့ ၊ Fire Revolution Group (ခရိုင်ရင်း ၁၆) ၊ ပခုက္ကူမြို့ပြပျောက်ကြားတပ်ဖွဲ့ ၊ ဗိုလ်ဗျတ္တနှင့်နွေဦးလေပွေတပ်ဖွဲ့၊ Justic Fighter တပ်ဖွဲ့၊ကင်ဒိုပြည်သူ့ကာကွယ်ရေးတပ်ဖွဲ့၊ အဆိုတော်တပ်ဖွဲ့ ၊ ဆိုင်ကလုန်းပျောက်ကြားတပ်ဖွဲ့၊ ဗိုလ်လရောင်တပ်ဖွဲ့တို့မှ ပူးပေါင်းပါဝင်တိုက်ခိုက်ခဲ့ကြောင်း အသိပေးထားသည်။

ပြီးခဲ့သည့် ၂၀၂၂ ဖေဖော်ဝါရီ၂၁ ရက်ကလည်း ရေပြာရွာစစ်ကောင်စီစခန်းကို ဝင်ရောက်တိုက်ခိုက်ရာ စစ်အုပ်စု ထိခိုက်သေဆုံးမှုများပြားပြီး ပြည်သူ့ရဲဘော် နှစ်ဦးလည်း ကျဆုံးခဲ့သည်။

ဆက်စပ်သတင်းများ

သတင်း

မန္တလေးတိုင်း၊ မတ္တရာမြို့နယ်တိုက်ပွဲမှ ထွက်ပြေးလာသော စစ်ကောင်စီတပ်သား နှစ်ဦးကို လက်နက်ခဲယမ်းနှင့်အတူ ဖမ်းဆီးရမိကြောင်း ရွှေဘိုခရိုင်အမှတ်(၁၈)တပ်ရင်းက သတင်းထုတ်ပြန်သည်။

ဆောင်းပါး

သစ်ပင်ခြုံနွယ်တွေနဲ့ထူထပ်နေတဲ့ နေအိမ်တစ်လုံးရှေ့မှာ ကိုနွယ်မတ်တပ်ရပ်နေတယ်။ ၃ နှစ်ကျော် နေသူကင်းမဲ့ပြီး ရှင်းလင်းမဲ့သူမရှိတာကြောင့် အိမ်ခြံဝင်းနဲ့ လမ်းကြားထဲမှာကို သစ်ပင်တွေက တောထနေတယ်။ အိမ်ခြံဝင်းထဲမှာလည်း အလေ့ကျအပင်မင်းမူနေတယ်။ သံဝင်းတံခါးပေါ်မှာလည်း အပင်တွေက ရစ်ပတ်နွယ်တက်နေတယ်။

ဗီဒီယို

မန္တလေးတိုင်း ၊မတ္တရာမြို့ နယ်ထဲက စစ်ကောင်စီတပ်စခန်းတွေကို ထိုးစစ်ဆင်ရာမှာ သုံးပတ်တာအတွင်း စခန်း ၃၀ နီးပါး ကို သိမ်းယူပြီးပြီလို့ မန္တလေး PDF က အသိပေးပါတယ်။

သတင်း

စဉ့်ကူးမြို့တိုက်ပွဲတွင် ဧရာဝတီမြစ်အတွင်း ဆီပုံးများဖြင့် ထွက်ပြေးသွားသော ဗိုလ်အဆင့်အရာရှိနှစ်ဦးအပါအဝင် စစ်ကောင်စီတပ်ဖွဲ့ဝင် ခုနစ်ဦးကို ယမန်နေ့(ဇူလိုင် ၁၈ရက်)ညနေက ဖမ်းမိထားသည်။