အောင်ဇေယျ/People’s Spring
စစ်ကိုင်းတိုင်း၊ မုံရွာမြို့ရှိ ရပ်ကွက်ရုံး၌ တပ်စွဲထားသော စစ်အုပ်စုကို လက်ပစ်ဗုံးဖြင့် ပစ်ခတ်တိုက်ခိုက်ခဲ့ရာ ရဲတစ်ဦးသေဆုံးကြောင်း Golden Eagle Force-Monywa၏ ခေါင်းဆောင် ဗိုလ်လင်းယုန်က ပြောသည်။
ယမန်နေ့ (စက်တင်ဘာလ ၂၅ ရက်) ညနေ ၄ နာရီ ၄၅ မိနစ်ခန့်က မုံရွာမြို့၊ အလယ်ရပ်ကွက်ရုံးတွင် အထိုင်ချတပ်စွဲထားသော စစ်ကောင်စီတပ်၊ ရဲနှင့်ပျူစောထီးများကို လက်ပစ်ဗုံးနှစ်လုံးဖြင့် ပစ်ခတ်တိုက်ခိုက်ခဲ့ကြောင်း Golden Eagle Force-Monywa၏ ခေါင်းဆောင် ဗိုလ်လင်းယုန်က ပြောသည်။
တိုက်ခိုက်မှုကြောင့် ရဲတစ်ဦး သေဆုံးပြီး နှစ်ဦးထိခိုက်ဒဏ်ရာရသွားသည်ဟုဆိုသည်။
“ဒီကောင်တွေရဲ့ရုံးက မြို့အလယ်ခေါင် အထက (၁) စာသင်ကျောင်းနားမှာရှိတာပါ။ အလယ်ရပ် ရက်ကွက်ရုံးမှာတပ်စွဲထားတာပါ။ အပြင် ဘန်ကာဘက်မှာ ထိုင်နေကြတာ။ တစ်ယောက် ကျပြီး တစ်ယောက်က ခြေထောက်ပြတ်
Public Service Announcement
သွားတယ်လို့ကြားတယ်။ ကျန်တစ်ယောက်ကတော့ ခြေထောက်နဲ့လက် နည်းနည်းပဲ ထိတယ်တဲ့။”ဟု ဗိုလ်လင်းယုန်က ပြောသည်။
သို့သော် စစ်အုပ်စု၏ ထိခိုက်သေဆုံးမှုအား လူထုနွေဦးက သီးခြားအတည်ပြုနိုင်ခြင်း မရှိသေးပေ။
“ဗုံးပေါက်ပြီး အလယ်ရပ်ကွက်ကို အိမ်စီးကားတွေနဲ့ သွားတာတွေ့လိုက်တယ်။”ဟု မုံရွာမြို့ခံတစ်ဦးက ပြောသည်။
စစ်အုပ်စုက မြို့ပေါ်ရမ်းသမ်းပစ်ခတ်မှုများပြုလုပ်ခဲ့ပြီး ရဲဘော်များ အထိခိုက်မရှိ ဆုတ်ခွာခဲ့ကြောင်း၊ ထိုစစ်ဆင်ရေးကို Golden Eagle Force-Monywa နှင့် ၅/ဘခက်(မုံရွာ UG ပျောက်ကြားတပ်ဖွဲ့)၊ Ka Naung Min Thar Gyi(Monywa)တို့ ပူးပေါင်းတိုက်ခိုက်ခဲ့ကြောင်း အသိပေးထားသည်။
ထို့အပြင် မုံရွာမြို့ပေါ်ရှိ စစ်အုပ်စုကို အခွင့်အရေးရသည်နှင့် ဝင်ရောက်တိုက်ခိုက်မည်ဖြစ်၍ ပြည်သူများအနေဖြင့် စစ်အုပ်စုနှင့် ဝေးရာတွင် သွားလာနေထိုင်ကြရန် Golden Eagle Force-Monywa၏ခေါင်းဆောင်က သတိပေးသည်။
