Connect with us

Hi, what are you looking for?

LuduNwayOo

သတင်း

ဒီပဲယင်းနှင့် ရေဦးတွင် စစ်တပ်စစ်ကြောင်းထိုးလာ၍ ကျေးရွာ ၁၀ရွာထက်မနည်းမှ ပြည်သူများ ညတွင်းချင်း ထွက်ပြေးတိမ်းရှောင်ရ

စစ်ဘေးရှောင်ပြည်သူများ‌အနေဖြင့် ဘေးလွတ်ရာနေရာများတွင်သာ ဆက်လက်ရှောင်တိမ်းပေးကြပါရန် ဒီပဲယင်းမြို့နယ်စစ်ရှောင်ထောက်ပံ့ရေးအဖွဲ့က မေတ္တာရပ်ခံထားသည်။

ယမန်နေ့ညက ထွက်ပြေးတိမ်းရှောင်လာရသော ဒီပဲယင်းနယ်အရှေ့ခြမ်းကျေးရွာများမှ‌ ပြည်သူများအား တွေ့ရစဥ်။ ဓာတ်ပုံ-ဒီပဲယင်းမြို့နယ်စစ်ရှောင်ထောက်ပံ့ရေး

▪️ပုလဲမြို့နယ်တွင်လည်း စစ်ဘေးရှောင်များ အကူအညီလိုအပ်နေ

အောင်ဇေယျ၊အမရာ/People’s Spring

စစ်ကိုင်းတိုင်း၊ဒီပဲယင်းနှင့် ရေဦးမြို့နယ်တွင် စစ်ကောင်စီတပ် စစ်ကြောင်းထိုးလာ၍ ကျေးရွာ ၁၀ ရွာထက်မနည်းမှ ဒေသခံပြည်သူများ ညတွင်းချင်း ထွက်ပြေးတိမ်းရှောင်ခဲ့ရကြောင်း သတင်းရရှိသည်။

ယမန်နေ့ (စက်တင်ဘာ ၂၅ ရက်) နံနက်ပိုင်းက ရေဦးတိုင်းရင်းဆေးရုံမှ အင်အား ၁၅၀ ကျော်ပါ စစ်ကောင်စီတပ်သည် ရေဦးနှင့် ဒီပဲယင်းမြို့နယ်စပ်ရှိ ကျေးရွာများမှတဆင့် ညနေပိုင်းတွင် ဒီပဲယင်းနယ်အရှေ့ခြမ်း လက်ယက်ကုန်းကျေးရွာသို့ လက်နက်ကြီး၊ လက်နက်ငယ်များ ပစ်ခတ်ဝင်ရောက်ကာ ညအိပ်တပ်စွဲခဲ့ကြောင်း ဒီပဲယင်းမြို့နယ်စစ်ရှောင်ထောက်ပံ့ရေးအဖွဲ့က ပြောသည်။

အဆိုပါ စစ်ကြောင်းကြောင့် ဒီပဲယင်းနယ်အရှေ့ခြမ်းနှင့် ရေဦးနယ်တောင်ခြမ်း ကျေးရွာ ၁၀ရွာထက်မနည်းရှိ ဒေသခံပြည်သူများမှာ ထွက်ပြေးတိမ်းရှောင်နေရကြောင်း ၎င်းအဖွဲ့က ဆိုသည်။

Public Service Announcement

Public Service Announcement

“လက်နက်ကြီးတွေနဲ့ တအားပစ်တော့ပြေးရတာ။ ရွာထဲဘယ်သူမှမကျန်ဘူး။ သူတို့ကအခုရွာနဲ့ကပ်လျက် မူးခံတွင်းမှာတပ်စွဲထားတော့ ဘယ်သူမှပြန်မဝင်နိုင်သေးလို့ ပျက်စီးမှုတွေမသိရသေးဘူး။”ဟု လက်ယက်ကုန်းကျေးရွာဒေသခံတစ်ဦးက ပြောသည်။

ယနေ့နံနက်ပိုင်းတွင် မူးခံတွင်းရွာသို့ လက်နက်ကြီး၊ လက်နက်ငယ်များ ပစ်ခတ်ဝင်ရောက်နေကြောင်း သိရသည်။

စစ်ဘေးရှောင်ပြည်သူများ‌အနေဖြင့် ဘေးလွတ်ရာနေရာများတွင်သာ ဆက်လက်ရှောင်တိမ်းပေးကြပါရန် ဒီပဲယင်းမြို့နယ်စစ်ရှောင်ထောက်ပံ့ရေးအဖွဲ့က မေတ္တာရပ်ခံထားသည်။

Public Service Announcement
Public Service Announcement

ထို့အပြင် နီးစပ်ရာကျေးရွာများအနေဖြင့် အရေးပေါ်စစ်ဘေးရှောင်များအား ဝိုင်းဝန်းကူညီစောင့်ရှောက်ပေးကြပါရန်နှင့် စစ်ဘေးရှောင်များအတွက် စားနပ်ရိက္ခာများ ကူညီထောက်ပံ့နိုင်ရန် ဆောင်ရွက်နေကြောင်း ဒီပဲယင်းမြို့နယ်စစ်ရှောင်ထောက်ပံ့ရေးအဖွဲ့က ထုတ်ပြန်ထားသည်။

စစ်ကိုင်းတိုင်း ပုလဲမြို့နယ်တွင်လည်း ကျေးရွာအချို့၌ စစ်ကောင်စီစစ်ကြောင်းထိုးတပ်စွဲထား၍ တိမ်းရှောင်နေရာသော ဒေသခံပြည်သူများအတွက် စားနပ်ရိက္ခာ အကူအညီများစွာလိုအပ်နေကြောင်းမြို့နယ်ပြည်သူ့အုပ်ချုပ်ရေးအဖွဲ့က သတင်းထုတ်ပြန်သည်။

အင်အား ၁၅၀ခန့်ပါ စစ်ကောင်စီစစ်ကြောင်းသည် စက်တင်ဘာလဆန်းမှစကာ ပုလဲမြို့နယ် ကန့်ဒေါင့်ရွာ၊ အင်မထီးပျူရွာတို့ကို ဝင်ရောက်လာသဖြင့် အနီးပတ်ဝန်းကျင်ကျေးရွာများမှ ဒေသခံများ ထွက်ပြေးတိမ်းရှောင်နေရခြင်းဟု သိရသည်။

” စစ်ရှောင်ကာလကြာ‌နေလို့ ဒေသခံတွေရဲ့ စားဝတ်နေရေး အခက်ကြုံနေရပါတယ်။ ဒီအတွက် လူထုအားကို လိုအပ်နေပါတယ်ခမျ”ဟု ပုလဲ မြို့နယ်ပြည်သူ့ကာကွယ်ရေးအဖွဲ့မှ တာဝန်ရှိသူ‌တစ်ဦးက ပြောသည်။

မြန်မာနိုင်ငံတစ်ဝန်း ၂၀၂၃ နောက်ဆုံးစာရင်းအရ ပြည်တွင်းနေရပ်စွန့်ခွာသူ ၁ ဒသမ ၉ သန်းကျော် ရှိလာပြီဖြစ်ကြောင်း ကုလသမဂ္ဂလူသားချင်း စာနာမှုဆိုင်ရာညှိနှိုင်းရေးရုံး (UNOCHA) ထုတ်ပြန်ထားသည်။

ဆက်စပ်သတင်းများ

သတင်း

တိုက်ပွဲဝင် တပ်ဖွဲ့တစ်ခုဖြစ်သော ဗမာပြည်သူ့လွတ်မြောက်ရေးတပ်တော်(BPLA) ကွပ်ကဲရေးမှူး မောင်ဆောင်းခကလည်း ဖာပွန်ဒေသစစ်ရေး အခြေအနေကို ယနေ့ (မေလ ၂၃ရက်)တွင် လူမှုကွန်ရက်မှ တဆင့်အသိပေးခဲ့သည်။

သတင်း

ဝိုင်းမော်ဘက်ခြမ်း၌ တိုက်ပွဲပြင်းထန်နေ၍ မြစ်ကြီးနားမြို့ဘက်ခြမ်း၌ အစစ်အဆေးတင်းကြပ်နေ​ကာ ယ​နေ့ ည​နေပိုင်းမှစ၍ မြို့အဝင်အထွက်ကိုပိတ်ထား​ကြောင်းစစ်​ရေးရင်းမြစ်အချို့က ပြောသည်။

သတင်း

အာရက္ခတပ်တော် (AA)က နိုဝင်ဘာလကစပြီး ရခိုင်ပြည်နယ်မှာ စစ်ကောင်စီတပ်​တွေကို ပြန်လည် ထိုးစစ်ဆင် တိုက်ခိုက်လာသလို မြို့နယ်ပေါင်း ၁၀ ခုလောက်ကိုသိမ်းပိုက် ထိန်းချုပ်ထားပြီ ဖြစ်ပါတယ်။

သတင်း

တရုတ်ဟာ အရင်က ထားဝယ်ရေနက်ဆိပ်ကမ်း စီမံကိန်းအတွက် ထဲထဲဝင်ဝင် လေ့လာဆန်းစစ်မှုတွေ လုပ်ဆောင်ခဲ့ပေမယ့် နောက်ပိုင်းမှာတော့ ကျောက်ဖြူဖက်ကို လုံးလုံးလျားလျား အာရုံပြောင်းသွားခဲ့တာ ဖြစ်ပါတယ်။