ငွေစက္ကူ ၅၀ တန်နဲ့ ၁၀၀တန်တွေ ဖျက်သိမ်းမယ်ဆိုတဲ့သတင်းတုထွက်လာတဲ့ ဒီနေ့မှာပဲ ပြည်တွင်းရွှေဈေးဟာ ကျပ်ငါးသောင်းဝန်းကျင်ခုန်တက်သွားတယ်လို့ ရွှေလုပ်ငန်းရှင်တွေထံကသိရပါတယ်။
လက်ရှိစက်တင်ဘာလဆန်းပိုင်းစတင်ပြီး တရိပ်ရိပ်ကျလာတဲ့ ရွှေဈေးဟာ ဒီနေ့မနက်ပိုင်း ရွှေဈေးအဖွင့်မှာတင် ကျပ်ငါးသောင်းခုန်တက်သွားတာပါ။
” ဒီနေ့မှခုန်တက်သွားတာ၊ ပိုက်ဆံဖျက်သိမ်းမယ်သတင်းကြောင့်လည်းပါတာပေါ့”လို့ မန္တလေးမြို့ခံ ရွှေလုပ်ငန်းရှင်တစ်ဦးကပြောပါတယ်။
ဒီနေ့မနက်ပိုင်း ရွှေဈေးနှုန်းဟာ အခေါက်ရွှေ တစ်ကျပ်သားကို ကျပ် ၃၄ သိန်း ရှိပါတယ်။ မနေ့ ဈေးကွက်ပိတ်ချိန်မှာ ရွှေဈေးဟာ ၃၃သိန်းခွဲသာရှိခဲ့တာပါ။
Public Service Announcement
ကျပ် ၅၀ တန်နဲ့ ၁၀၀ ကျပ်တန်တွေ ဖျက်သိမ်းမယ်ဆိုတဲ့ ကြေညာချက်အတု ၂ စောင်ဟာ ဒီနေ့မနက် လူမှုကွန်ရက်တွေမှာ ပေါ်ထွက်ခဲ့ပါတယ်။
အဲဒီကြေညာချက်တွေဟာ အတုဖြစ်တယ်လို့ စစ်ကောင်စီရဲ့ပြောရေးဆိုခွင့်ရှိသူက ထွက်ရှင်းထားပါတယ်။
သတင်းတုနဲ့ စီးပွားရေး၊နိုင်ငံရေး ထိုးနှက်မှုကိုအချိန်ကိုက်လုပ်ဆောင်တာလို့လည်း စစ်ကောင်စီပြောရေးဆိုခွင့်ရှိသူက ဆိုထားပါတယ်။
