မန္တလေးမှာ ရေကြီးရေလျှံ

ဒီနေ့မနက်အစောပိုင်းက မန္တလေးမှာ မိုးသည်းပြီးနောက် မြို့ပေါ်က နေရာတွေအပါအဝင် အနိမ့်ပိုင်း ရပ်ကွက်တွေမှာ ရေကြီးရေလျှံမှုဖြစ်နေတယ်လို့ သိရပါတယ်။

မနက် ၃ နာရီခန့်က မိုးရွာပြီးနောက် မန္တလေးမြို့ ထဲက အဓိက လမ်းမကြီးတွေဖြစ်တဲ့ ၆၂ လမ်း ၊ ၃၅ လမ်း ၊ သိပ္ပံလမ်း၊ ၈၄လမ်း၊ ၇၃လမ်း၊ ၇၈ လမ်းနဲ့ မနော်ဟရီလမ်းမကြီးတွေမှာ ရေလွှမ်းခဲ့တာပါ။

” မြို့ထဲအနိမ့်ပိုင်းနေရာတွေတော်တော်ဆိုးတယ် ” လို့ ဒိုင်းမွန်းပလာဇာ အနီး နေထိုင်သူ တစ်ဦးက ပြောပါတယ်။

မနက် ၆ နာရီဝန်းကျင်မှာတော့ မိုးတိတ်သွားပြီး ရေအနည်းငယ်ကျသွားပေမယ့် လမ်းပေါ်မှာ ရေကျော်နေတာရှိတဲ့အတွက် သွားလာရေး ခက်ခဲနေသေးတယ်လို့ ပါဆယ်ပို့ဆောင်ပေးသူတစ်ဦးက ပြောပြပါတယ်။

Public Service Announcement

အောင်မြေသာစံ ၊ ချမ်းမြသာစည် ၊မဟာအောင်မြေ ၊ ချမ်းအေးသာစံ နဲ့ ပြည်ကြီးတံခွန်မြို့နယ်က ရပ်ကွက်အချို့မှာလည်း ရေဝင်နေတယ်လို့ သိရပါတယ်။

ပုသိမ်ကြီးမြို့နယ် နားဋောင်းကျချောင်းရေ ဝင်ရောက်မှုကြောင့် အုန်းချောကျေးရွာနဲ့ အနီးဝန်းကျင် ရွာတွေမှာ ရေကြီးလာလို့ အရေးပေါ် ရွှေ့ပြောင်းပေးရတာတွေ ရှိနေတယ်လို့ မြန်မာနိုင်ငံလူမှုကယ်ဆယ်ရေးအဖွဲ့(မန္တလေးတိုင်းရုံး) က အသိပေးထုတ်ပြန်ပါတယ်။

အုန်းချောကျေးရွာအနီး တောင်ကျချောင်း ရေများပြီး အုန်းချော-ဆည်တော် ရွာချင်းဆက်လမ်းပေါ်ရှိ တံတားတစ်စင်း လည်း ကျိုးကျသွားခဲ့တယ်လို့ သိရပါတယ်။

လာမယ့် ၂၄ နာရီအတွင်း မန္တလေးနဲ့ မြန်မာနိုင်ငံအထက်ပိုင်းတွေမှာ မိုးများနိုင်တယ်လို့ မိုးလေဝသ လေ့လာသုံးသပ်သူ ဦးဝင်းနိုင်ကသူရဲ့ဖေ့ဘွတ်ခ်ကနေ အသိပေးထားပါတယ်။