'/%3E%3C/svg%3E){kind=small}
ရှမ်းပြည်နယ်မြောက်ပိုင်း၊ လောက်ကိုင်မြို့ မှာရှိတဲ့ အွန်လိုင်း ငွေလိမ်ဂိုဏ်းတွေမှာ လုပ်ကိုင်ဖို့ ဖြားယောင်းခံရတဲ့ ထိုင်းနိုင်ငံသား ၁၂၀ ဦးကို နေရပ်ပြန်ခေါ်နိုင်ဖို့ထိုင်းအာဏာပိုင်တွေစီစဉ်နေတယ်လို့ဘန်ကောက်ပို့စ်သတင်းစာကဖော်ပြပါတယ်။
ထိုင်းအမျိုးသား ၉၀ ဦး ၊ ထိုင်းအမျိုးသမီး ၃၀ ဦး တို့ဟာ တရုတ် − မြန်မာ နယ်စပ် လောက်ကိုင်မြို့က ငွေလိမ်ဂိုဏ်းတွေ ထံအလုပ်လုပ်ဖို့ ဖြားယောင်းခံရ ပြီး သားကောင်တွေ ဖြစ်ခဲ့ရတယ်လို့ ဘန်ကောက်ပို့စ်ကဆိုပါတယ်။
သူတို့တွေကို လောက်ကိုင်ကနေ ဘေးကင်းကင်း ခေါ်ထုတ်နိုင်ဖို့အတွက် စစ်ကောင်စီ နိုင်ငံခြားရေးဌာန ၊ လောက်ကိုင် လဝက နဲ့ ပူးပေါင်းဆောင်ရွက်ခဲ့ရတယ်လို့ ရန်ကုန်မြို့မှာရှိတဲ့ ထိုင်းသံအမတ်က ပြောပါတယ်။
လက်ရှိမှာ လောက်ကိုင်မြို့ကနေ ထိုင်းနိုင်ငံသား ၁၂၀ ဦးကို ခေါ်ထုတ်နိုင်ခဲ့ပြီး မြန်မာစစ်ကောင်စီတပ်က အစားအသောက်နဲ့နေထိုင်ရေးစီစဉ်ပေးထားတာကို ရန်ကုန်မြို့ ထိုင်းသံရုံးကအတည်ပြုတယ်လို့ ဘန်ကောက်ပို့စ်ကရေးသားပါတယ်။
Public Service Announcement
ဒါအပြင် နေရပ်ပြန်ပို့ရေးအတွက် စစ်ကောင်စီနဲ့ ထိုင်းသံရုံးတို့ စီစဉ်နေကြပါတယ်။
လောက်ကိုင်မြို့ဟာ တရုတ် နယ်စပ်အနီးမှာတည်ရှိပြီး စစ်ကောင်စီလက်အောက်ခံ ကိုးကန့်ပြည်သူ့စစ်အဖွဲ့က ထိန်းချုပ်ထားပြီး တရားမဝင် လောင်းကစားဝိုင်းတွေကြောင့် နာမည်ဆိုးနဲ့ကျော်ကြားပါတယ်။
