ရှမ်းပြည်နယ် လောက်ကိုင်မြို့တွင် ရွှေ့ပြောင်းမြန်မာလုပ်သား မိခင်တစ်ဦးကို အမျိုးသားနှစ်ဦးက အဓမ္မပြုကျင့် အသတ်ခံရပြီး အလောင်းဖျောက်သည့်ဖြစ်ရပ်ဖြစ်ပွားခဲ့ကြောင်း ဒေသခံများကပြောသည်။
လောက်ကိုင်မြို့၊ ရွှေတြိဂံနယ်မြေအနီးရှိ ကုမ္ပဏီတစ်ခုမှ ဝန်ထမ်းအမျိုးသမီးတစ်ဦးကိုအမျိုးသားနှစ်ဦးက အဓမ္မပြုကျင့်သတ်ဖြတ်ခဲ့မှု ဒီဇင်ဘာ၁ရက်က ဖြစ်ပွားခဲ့ခြင်းဖြစ်သည်။
“ ကုမ္မဏီတစ်ခုတည်းမှာ လုပ်ကြသူတွေလို့သိရပြီး အဓမ္မပြုကျင့်တဲ့အပြင် သတ်ပစ်တာ။ အလောင်းကိုလည်း ဖျောက်ဖို့ ကြိုးစားထားတာတဲ့။ ရေစည်ထဲမှာတွေ့တာ” ဟု လောက်ကိုင်မြို့မှ လူမှုရေးအသင်းတာဝန်ခံတစ်ဦးက ပြောသည်။
သေဆုံးသူသည် အသက်(၃၀)အရွယ်ခန့် အမျိုးသမီးတစ်ဦးဖြစ်သည်။ အိမ်ထောင်သည်ဖြစ်ပြီး ကလေးနှစ်ဦးနှင့်မိသားစု ကျန်ရစ်ခဲ့သည်ဟု ဒေသခံများက ပြောသည်။ ကျူးလွန်သူအမျိုးသားနှစ်ဦးကို ကိုးကန့်ရဲတပ်ဖွဲ့က ဖမ်းဆီးထားပြီး စစ်ဆေးနေဆဲဟု သိရသည်။
Public Service Announcement
လောက်ကိုင်မြို့သည် က်ိုးကန့်ကိုယ်ပိုင်အုပ်ချုပ်ခွင့်ရ ဒေသတွင်ပါဝင်ပြီး တရုတ်နိုင်ငံနှင့် နယ်စပ်မြို့ဖြစ်သည်။
က်ိုးကန့်ကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့သည် စစ်ကောင်စီထောက်တိုင်များဖြစ်ပြီး လောက်ကိုင်မြို့သည် ဥပဒေမဲ့ ပရမ်းပတာမြို့ဖြစ်နေပြီဟု ဒေသခံများက ပြောသည်။
