(၁၀၂၇)စစ်ဆင်ရေးအား ထောက်ခံကြိုဆိုသည့်အနေဖြင့် တောင်သမန်စစ်ဆင်ရေးဖြင့် ပူး​ပေါင်းတိုက်ပွဲဝင်သွားမည်ဟု မန္တလေးPDF အသိပေး

ရှမ်းပြည်နယ်မြောက်ပိုင်း မဟာမိတ်သုံးဖွဲ့၏ (၁၀၂၇) စစ်ဆင်ရေးအား ထောက်ခံကြိုဆိုသည့်အနေဖြင့် တောင်သမန်စစ်ဆင်ရေးဖြင့် တိုက်ပွဲဝင်သွားမည်ဖြစ်ကြောင်း ပြည်သူ့ကာကွယ်ရေးတပ်မတော်(မန္တလေး)က ထုတ်ပြန်ကြေညာသည်။

ယနေ့(အောက်တိုဘာ၂၇ရက်) နံနက်ပိုင်းက ညီနောင်မဟာမိတ်များဖြစ်ကြသော ကိုးကန့် (MNTJP/MNDAA)၊ တအာင်း(PSLF/TNLA)နှင့် ရက္ခိုင်(ULA/AA)တို့ ပူးတွဲထုတ်ပြန်ခဲ့သော (၁၀၂၇)စစ်ဆင်ရေးအား ပြည်သူ့ကာကွယ်ရေးတပ်မတော်(မန္တလေး)အနေဖြင့် လှိုက်လှိုက်လှဲလှဲထောက်ခံကြိုဆိုကြောင်း မန္တလေး PDFက အသိပေးသည်။

နောင်တော် မြောက်ပိုင်းမဟာမိတ်တပ်ဖွဲ့များနှင့်ထပ်တူ တသားတည်းတည်ရှိပြီး ညီနောင်မဟာမိတ် သုံးဖွဲ့၏ စစ်ဆင်ရေးအောင်မြင်အထောက်အပံ့ဖြစ်စေရေးအတွက် ပြည်သူ့ကာကွယ်ရေးတပ်မတော်(မန္တလေး)သည်လည်း “တောင်သမန်” စစ်ဆင်ရေးအဖြစ် ပူးပေါင်းတိုက်ပွဲဝင်သွားမည်ဖြစ်ကြောင်း ပြည်သူ့ကာကွယ်ရေးတပ်မတော် (မန္တလေး)၏ စစ်ဦးစီးအဖွဲ့က ထုတ်ပြန်ကြေညာသည်။

မဟာမိတ်သုံးဖွဲ့က ကြေညာချက်ထုတ်ပြန်ပြီးနောက် ရှမ်းပြည်နယ်မြောက်ပိုင်းနေရာအနှံ့၌ မြောက်ပိုင်းလက်နက်ကိုင်အဖွဲ့များက စစ်ကောင်စီတပ်အား တပြိုင်နက်စတင်တိုက်ခိုက်ခဲ့ပြီး စစ်အုပ်စုထိခိုက်သေဆုံးမှုများပြားနေကာ လားရှိုး၊ နမ့်ခမ်းနှင့် ချင်းရွှေဟော်ရှိ စစ်ကောင်စီ တပ်စခန်းများအား သိမ်းပိုက်ထားကြောင်း သတင်းရရှိသည်။

Public Service Announcement