ခါမ်းပါတ်မြို့မရဲစခန်းနှင့် ဝတုတ်ရွာရှိစစ်တပ်စခန်းကို ​တော်လှန်​ရေးအဖွဲ့များသိမ်းပိုက်

▪︎ရာဇဂြိုလ်ဆည်လမ်းဆုံအနီးရှိစစ်တပ်စခန်းကိုလည်း​တော်လှန်​ရေးအဖွဲ့များတိုက်ခိုက်

▪︎ကလေး-ဂန့်ဂေါကြားရှိ ရန်ကြီးအောင်၊ ဂဘနီစသည့်စစ်ကောင်စီအခြေစိုက်စခန်းများကိုလည်းတစ်ချိန်တည်းတိုက်ခိုက်​နေ

တမူးမြို့နယ်၊ ခမ်းပါတ်မြို့​ပေါ်ရှိ စစ်​ကောင်စီတပ်နှင့် ရဲများပူး​ပေါင်း အထိုင်ချထား​​သောရဲစခန်း နှင့် ဝိတုပ်ကျေးရွာမှ စစ်ကောင်စီ တပ်စခန်းများကို ​တော်လှန်​ရေးအဖွဲ့များကယ​နေ့နံနက်တွင်တိုက်ခိုက်သိမ်းပိုက်လိုက်​ကြောင်း ​ဒေသခံများနှင့် ​တော်လှန်​ရေးအဖွဲ့များက ​ပြောသည်။

ယနေ့( နိုဝင်ဘာလ ၃ရက်) နံနက်လေးနာရီမှ စ၍ခမ်းပါတ်မြို့​ပေါ်ရှိ စစ်တပ်နှင့် ရဲများပူး​ပေါင်းတပ်စွဲထား​​သောခမ်းပတ်မြို့ရဲစခန်းနှင့်ဝိတုတ်ကျေးရွာမှစစ်ကောင်စီတပ်စခန်းများကို င်တိုက်ခိုက်ခဲ့ခြင်းဖြစ်ပြီး နံနက်ရှစ်နာရီတွင် စခန်းသိမ်းနိုင်ခဲ့သည်ဟု PDF များနှင့် ​ဒေသခံများက ပြောသည်။

ထိုအပြင် ရာဇဂြိုလ်လမ်းခွဲတွင်ရှိ​သောစစ်​ကောင်စီတပ်စခန်းကိုလည်း ​တော်လှန်​ရေးအဖွဲ့များကတိုက်ခိုက်​နေသည်။

“ခမ်းပတ်ရဲစခန်းနဲ့ ဝိတုတ်တပ်စခန်းကို PDFတွေ သိမ်းလိုက်ပြီ”ဟုခမ်းပတ်မြို့ခံတစ်ဦးကပြောသည်။

သို့​သော်တိုက်ပွဲများဆက်လက်ဖြစ်ပွားနေကြောင်းလည်း ဒေသခံများကပြောသည်။ဝိတုတ်ရွာသည် အာရှအ​ဝေး​ပြေးလမ်း​ပေါ်တွင်ရှိပြီး ခါမ်းပါတ်မြို့နှင့် ၁၅ မိုင်ခန့်​ဝေးသည်။

Public Service Announcement

“ခရိုင်ကနေဦးစီးပြီးချတာ။ ၁၀၂၇ စစ်ဆင်ရေး လို့ကြားတယ်။စခန်းလည်းသိမ်းနိုင်တယ်။ အခု။ Mi 35 လာနေပြီ” ဟု ပြည်သူ့ကာကွယ်ရေးရဲဘော်တစ်ဦးကပြောသည်။

CDF တွန်းဇံကလည်း “ခမ်းပတ်မြို့ရဲစခန်းနှင့်ဝိတုပ်တပ်စခန်းကို PDF မဟာမိတ်တပ်ပေါင်းစုက တိုက်ခိုက်သိမ်းပိုက်ကြောင်း သတင်းရရှိသည်”ဟု သတင်းထုတ်ပြန်သည်။

ရာဇဂြိုလ်လမ်းခွဲတွင်ဖြစ်ပွား​သောတိုက်ပွဲအ​ခြေအ​နေကိုမူ မသိရ​သေး​​ပေ။

စစ်​ကောင်စီတပ်စခန်းများကို PDF ခရိုင်တပ်ရင်းများ၊ABSDF၊ KIA နှင့် အခြား​တော်လှန်​ရေးအဖွဲ့များကပူး​ပေါင်းတိုက်ခိုက်​နေခြင်းဖြစ်သည်။

ခါမ်းပါတ်မြို့ နှင့်အနီးဝန်းကျင်တွင် ဇူလိုင်လနှင့် သြဂုတ်လတွင်တိုက်ပွဲအပြင်းအထန်ဖြစ်ခဲ့ပြီး မြို့ခံများ ထွက်​ပြေးတိမ်း​ရှောင်ခဲ့ရသည်။ယခုအကြိမ်တွင်လည်း မြို့ခံများမှာနီးစပ်ရာရွာများသို့ထွက်​ပြေး​နေကြရ​​ကြောင်း​ဒေသခံများက​ပြောသည်။

ပထမအကြိမ်တိုက်ပွဲတွင် ​ဒေသခံ​တော်လှန်ရးအဖွဲ့များက ဦး​ဆောင်တိုက်ခဲ့ပြီး ရဲစခန်းရလုနီးတွင် စစ်​ကောင်စီစစ်ကူ​ရောက်လာကာ ၊တိုက်ပွဲရက်ရှည်လာပြီး ကျည်နှင့်ခဲယမ်းနည်းပါးလာ၍ စခန်းမသိမ်းနိုင်ခဲ့ခြင်းဖြစ်​ကြောင်း​တော်လှန်​ရေးအဖွဲ့များက​ပြောသည်။

“ပထမအကြိမ် တိုက်တုန်းကဒေသခံPDFတပ်တွေက၀င်တိုက်တာ။ အခုကြိမ်က NUGbလက်အောက်ကPDFတွေက၀င်တိုက်တာဖြစ်တယ်”ဟု​ဒေသခံတစ်ဦးက​ပြောသည်။

တမူးမြို့​ပေါ်တွင်တိုက်ပွဲမဖြစ်​သေး​သော်လည်း စစ်​ကောင်စီတပ်ကအစစ်အ​ဆေးကြမ်း​နေပြီး ယ​နေ့မနက်မှာပင် က​လေး-တမူး အာရှအ​ဝေး​ပြေးလမ်းကို စစ်တပ်ကပိတ်လိုက်သည်။တိုက်ပွဲများသည် အာရှအ​ဝေး​ပြေးလမ်းတစ်​လျှောက်ဖြစ်ပွား​နေခြင်းဖြစ်သည်။

ထိုအပြင် ကလေး-ဂန့်ဂေါကြားရှိ ရန်ကြီးအောင်၊ ဂဘနီစသည့် စစ်ကောင်စီအခြေစိုက်စခန်းများကိုလည်း ယနေ့နံနက် ၅နာရီခွဲခန့်က PDFနှင့် မဟာမိတ်များက တပြိုက်နက်တိုက်ခိုက်ခဲ့ကြောင်းလည်း ကာကွယ်ရေးတပ်များထံမှသိရသည်။

ထပ်မံရရှိ​သော သတင်းအရ ကလေးမြို့တောင်ပိုင်းရှိ စစ်ကောင်စီစခန်းများကို ​တော်လှန်​ရေးအဖွဲ့များကတိုက်ခိုက်သိမ်းဆည်းနိုင်ခဲ့ကြောင်း ကာကွယ်ရေးတပ်သတင်းအရင်းအမြစ်များကပြောသည်။