ဖမ်းမိထားသည့် လေယာဉ်မှူး ဗိုလ်မှူးခိုင်သန့်မိုးအား ဥပဒေနှင့်အညီ အရေးယူမည်ဟု ကရင်နီပြည် ကြားကာလ အုပ်ချုပ်ရေးကောင်စီ (IEC)က ယနေ့ အသိပေးထုတ်ပြန်သည်။
‘၁၁၁၁ စစ်ဆင်ရေး’စတင်သည့်နေ့တွင် ကရင်နီပြည် တော်လှန်ရေးတပ်ပေါင်းစုံ တပ်ဖွဲ့ဝင်များ၏ ပစ်ခတ်မှုကြောင့် စစ်ကောင်စီ လေတပ်မှ K-8W အမျိုးအစား တိုက်လေယာဉ်တစ်စင်းသည် နိုဝင်ဘာ ၁၁ ရက်က ပျက်ကျခဲ့ခြင်းဖြစ်သည်။
အဆိုပါ ပျက်ကျခဲ့သည့် တိုက်လေယာဉ်မှ လေ ယာဉ်မှူးနှစ်ဦးမှာ ထွက်ပြေး လွတ်မြောက်ခဲ့ပြီး ထိုအထဲမှ လေယာဉ်မှူးဖြစ်သည့် ဗိုလ်မှူးခိုင်သန့်မိုးအား နိုဝင်ဘာ ၁၉ ရက်တွင် ကရင်နီတပ်ပေါင်းစုကလက်ရဖမ်းဆီး ရမိခဲ့သည်။
“ကျွန်တော်တို့ သိသလောက်တော့ ဗုံးလာကြဲတာ။ ပွိုင့် ၅ထိပြီး ပျက်ကျတယ်။ကျန်တဲ့တစ်ယောက်ကတော့ အခုထိမမိသေးဘူး”ဟု ကရင်နီတပ်ပေါင်းစု တာဝန်ရှိသူက လူထုနွေဦးသို့ ပြောသည်။
Public Service Announcement
လွတ်မြောက်နေသူမှာဗိုလ်ဇာနည်မောင်ဖြစ်ပြီး ဖမ်းဆီးရမိနိုင်ရေး ရှာဖွေနေကြောင်းလည်း IEC က အသိပေးသည်။
