Connect with us

Hi, what are you looking for?

LuduNwayOo

သတင်း

ဘီးလင်းမြို့နယ်၌ တိုက်ပွဲဖြစ်နေ၊ ရန်ကုန် – မော်လမြိုင်ကားလမ်း‌ပိုင်းရှိ ကျုံအိတ်တံတား​ မိုင်းခွဲခံရပြီး ထက်ပိုင်းကျိုး

ရန်ကုန် – မော်လမြိုင်ကားလမ်းသည် မွန်ပြည်နယ်၊ ကရင်ပြည်နယ်၊ တနင်္သာရီတိုင်းတို့ကို အဓိကဆက်သွယ်ထားသည့်လမ်းမကြီးဖြစ်သည်။

(မိုင်းခွဲဖျက်ဆီးခံရပြီးနောက် တွေ့ရသော ဘီးလင်းမြို့နယ်ရှိ ကျုံအိတ်တံတား​။ ဓာတ်ပုံ - CJ)
(မိုင်းခွဲဖျက်ဆီးခံရပြီးနောက် တွေ့ရသော ဘီးလင်းမြို့နယ်ရှိ ကျုံအိတ်တံတား​။ ဓာတ်ပုံ - CJ)

ရွှေပြည်စိုး၊ဟန်နွေ/People’s Spring

ရန်ကုန် – မော်လမြိုင်ကားလမ်း၊ ဘီးလင်းမြို့နယ်ရှိ ကျုံအိတ်တံတား​သည် ယနေ့(မေလ ၁၁ရက်) နံနက် အစောပိုင်းက မိုင်းခွဲခံလိုက်ရပြီး တံတားထက်ပိုင်းကျိုးကျသွားသည်။

” ညက တိုက်ပွဲပြင်းပြင်းထန်ထန်ဖြစ်တယ်။ စစ်တပ်က ဆုတ်ခွာသွားတယ်လို့ သိရတယ်။ မနက် မိုးမလင်းခင် ၄နာရီခန့်မှာ ပြင်းထန်တဲ့ပေါက်ကွဲသံကြားရတယ်။ မနက်မိုးလင်းတော့တံတားကျိုးတာကိုသိရတယ်” ဟု ဘီးလင်းမြို့ခံတစ်ဦးက ပြောသည်။

(မိုင်းခွဲဖျက်ဆီးခံရပြီးနောက် တွေ့ရသော ဘီးလင်းမြို့နယ်ရှိ ကျုံအိတ်တံတား​။ ဓာတ်ပုံ - CJ)
(မိုင်းခွဲဖျက်ဆီးခံရပြီးနောက် တွေ့ရသော ဘီးလင်းမြို့နယ်ရှိ ကျုံအိတ်တံတား​။ ဓာတ်ပုံ – CJ)

ကျုံအိတ်တံတားသည် ပြီးခဲ့သည့် ၂၀၂၃ ဇွန်လ ၂၉ ရက်ကလည်း စစ်ကောင်စီတပ်နှင့် ကရင်အမျိုးသားလွတ်မြောက်ရေးတပ်မတော် (KNLA)၊ PDF ပူးပေါင်းတပ်များ​ စစ်ရေးအး တင်းမာနေစဉ် မိုင်းခွဲခံခဲ့ရဖူးသည်။

Public Service Announcement

Public Service Announcement

စစ်ကောင်စီထောက်ပို့လမ်းကြောင်းအဖြစ်အသုံးပြုနေ၍ မိုင်းခွဲခဲ့ခြင်းဟု တော်လှန်ရေးအင်အားစုများက သတင်းထုတ်ပြန်ခဲ့သည်။ ထိုစဉ်က တံတားပျက်စီးမှုကို လာရောက်စစ်ဆေးသည့် စစ်ကောင်စီတပ်ဖွဲ့ဝင်များနှင့် ဌာနဆိုင်ရာများ ဒရုန်းတိုက်ခိုက်ခံခဲ့ရသည်။

သထုံခရိုင်လမ်းဦးစီးမှူးနှင့် ထွေအုပ်စာရေး သေဆုံးခဲ့ပြီး ခရိုင်ရဲမှူး အပါအဝင် ရဲဝန်ထမ်း ၉ ဦး၊ စစ်တပ်အရာရှိတစ်ဦး အပါအဝင် ၁၂ ဦး၊ ဘီးလင်းမြို့နယ် စီမံအုပ်ချုပ်ရေးဝန်ထမ်း ၁ ဦး၊ မီးသတ်တပ်ဖွဲ့ဝင် ၃ ဦးဒဏ်ရာရခဲ့သည်။

(မိုင်းခွဲဖျက်ဆီးခံရပြီးနောက် တွေ့ရသော ဘီးလင်းမြို့နယ်ရှိ ကျုံအိတ်တံတား​။ ဓာတ်ပုံ - CJ)
(မိုင်းခွဲဖျက်ဆီးခံရပြီးနောက် တွေ့ရသော ဘီးလင်းမြို့နယ်ရှိ ကျုံအိတ်တံတား​။ ဓာတ်ပုံ – CJ)

ဘီလင်းမြို့နယ်အတွင်း ရန်ကုန် – မော်လမြိုင် ကားလမ်းဘေး နေရာအချို့၌ ယနေ့နံနက် တိုက်ပွဲများ ဆက်လက်ဖြစ်ပွားနေပြီး အိမ်စီးကားများ၊ကုန်တင်ကားများနှင့် ခရီးသည်ယာဉ်များ ပိတ်မိနေကြောင်း ခရီးသွားတစ်ဦးက ပြောသည်။

” ကရင်နဲ့ မွန်ပြည်နယ်ဘက်ကိုလာနေတဲ့သူတွေ နောက်ကြောင်းပြန်လှည့်တာကောင်းတယ်။ လမ်းမှာပိတ်မိရင် လုံခြုံရေးအတွက် စိတ်ပူရတယ်” ဟု ဘီလင်းမြို့ခံတစ်ဦးက ပြောသည်။

ယခုတံတားဖောက်ခွဲမှုနှင့်ပတ်သက်၍ အသေးစိတ်မသိရှိရသေးပေ။

စစ်ကောင်စီသည် ပြီးခဲ့သည့် မေလ ရက်၆နှင့် ၉ရက်က ရခိုင်ပြည်နယ်၊ ဘူးသီးတောင်မြို့မှ ပန်ဇင်းချောင်းတံတားနှင့် ကချင်ပြည်နယ် ဝိုင်းမော်မြို့မှ ကဇူးတဘတ်ချောင်းတံတားကို ဖောက်ခွဲဖျက်ဆီးခဲ့ကြောင်း ဒေသခံများကပြောသည်။

ရန်ကုန် – မော်လမြိုင်ကားလမ်းသည် မွန်ပြည်နယ်၊ ကရင်ပြည်နယ်၊ တနင်္သာရီတိုင်းတို့ကို အဓိကဆက်သွယ်ထားသည့်လမ်းမကြီးဖြစ်သည်။

ဆက်စပ်သတင်းများ

သတင်း

ကော်ဘရာစစ်ကြောင်း(၁) စစ်ကြောင်းမှူး ဗိုလ်စောကော်ကလည်း အောင်ဇေယျစစ်ကြောင်းမှ ထွက်ပြေးသည့် စစ်သုံ့ပန်းများအား ဖမ်းမိထားသည်ဟု က People's Springသို့ ပြောထားသည်။သို့​သော် အ​ရေအတွက်ကိုမူ​ပြောကြားခြင်းမရှိ​ပေ။

သတင်း

KNLA နှင့် ပူး​ပေါင်းတပ်များမှာ မြန်မာနိုင်ငံ​မြောက်ပိုင်းမှ KIA နှင့် ပူး​ပေါင်းတပ်များကဲ့သို့ မတ် ၇ ရက်မှစ၍ စစ်​ကောင်စီတပ်စခန်းများအား အရှိန်မြှင့် ထိုးစစ်ဆင်တိုက်ခိုက်ခဲ့ခြင်းဖြစ်ပြီး ဧပြီလတွင်လည်း စခန်းသိမ်းတိုက်ပွဲများစွာပြုလုပ်ခဲ့သည်ကို​တွေ့ရသည်။

သတင်း

ပြီးခဲ့သည့် ဖေဖော်ဝါရီက အဆိုပါကျေးရွာ၌ ယောဒေသကာကွယ်ရေးတပ်ဖွဲ့မှ ရဲဘော်နှစ်ဦးကို စစ်ကောင်စီတပ်နှင့် ပျူစောထီးများက မီးရှို့သတ်ဖြတ်ခဲ့သည်။

သတင်း

နှစ်ရက်တာတိုက်ခိုက်မှုအတွင်း စစ်ကောင်စီဘက်က ထိခိုက်သေဆုံးသူမှုများပြီး PDFရဲဘော် ၁၅ဦးခန့်လည်း မစိုးရိမ်ရ ထိခိုက်ဒဏ်ရာရရှိခဲ့ကြောင်း ဗိုလ်မိုက်ခဲက ပြောသည်။