Connect with us

Hi, what are you looking for?

LuduNwayOo

သတင်း

လှိုင်သာယာမြို့နယ်စည်ပင်ရုံးကို အဝေးထိန်းမိုင်းဖြင့် ဖောက်ခွဲတိုက်ခိုက်

ပြည်သူ့များ၏ နေအိမ်များကို မတရားသဖြင့် ဖျက်စီးရာတွင် ပါဝင်ခဲ့သောကြောင့် ပစ်မှတ်အနေဖြင့် သတ်မှတ်ပြီး တိုက်ခိုက်ခဲ့ခြင်းဖြစ်ကြောင်း Dark Shadow အဖွဲ့က ထုတ်ပြန်ခဲ့သည်။

လှိုင်သာယာမြို့နယ်စည်ပင်ရုံးကို အဝေးထိန်းမိုင်းဖြင့် ဖောက်ခွဲတိုက်ခိုက်
လှိုင်သာယာမြို့နယ်စည်ပင်ရုံးကို အဝေးထိန်းမိုင်းဖြင့် ဖောက်ခွဲတိုက်ခိုက်

▪️လှိုင်သာယာမှ လူမိုက်အမည်ခံ စစ်ကောင်စီ လက်ကိုင်တုတ်များအား ဆက်လက်ရှင်းလင်းသွားမည်ဟု Dark Shadow သတိပေး

သုည/People’s Spring

ရန်ကုန်မြို့ လှိုင်သာယာမြို့နယ်ရှိ မြို့နယ် စည်ပင်သာယာရေးကော်မတီရုံးကို “Urban Freedom” စစ်ဆင်ရေးအဖြစ် ယမန်နေ့ (မေလ ၂၇ရက်) ညပိုင်းက အဝေးထိန်းမိုင်းဖြင့် နှစ်ကြိမ်တိုင် ဖောက်ခွဲတိုက်ခိုက်ခဲ့ကြောင်း Dark Shadowအဖွဲ့က အသိပေးထုတ်ပြန်သည်။

မေလ ၂၇ရက် ည ၇ နာရီခွဲခန့်တွင် လှိုင်သာယာ အရှေ့ပိုင်းမြို့နယ်၊ (၈)ရပ်ကွက်၊ မကွေးလမ်းရှိ မြို့နယ်စည်ပင်သာယာရေးရုံးကို အဝေးထိန်းမိုင်းဖြင့်တစ်ကြိမ် တိုက်ခိုက်ခဲ့ပြီး ည ၇ နာရီ ၄၇ မိနစ်တွင် ပေါက်ကွဲမှုဖြစ်ရာသို့ ရောက်ရှိလာသော စစ်ကောင်စီဝင်များကိုလည်း အဝေးထိန်းဖြင့် ဒုတိယအကြိမ် တိုက်ခိုက်ခဲ့ကြောင်း Dark Shadow အဖွဲ့က သတင်းထုတ်ပြန်သည်။

“ပြည်သူတွေရဲ့ နေအိမ်တွေကို ကျူးကျော် လို့ ဆိုပြီး ဖျက်ဆီး ဖြိုဖျက်ရာမှာပါဝင်တဲ့ စကစ ထောက်တိုင်စည်ပင်ရုံးကို တိုင်ကြားမှုကြောင့် Dark Shadow (UG) က အရေးယူတိုက်ခိုက်တာပါ။ ဗုံးပေါက်လို့ လာစစ်ဆေးတဲ့ စစ်တပ်အဖွဲ့ဝင်တွေကိုလည်း အဝေးထိန်းနဲ့ ထပ်ဖောက်ခဲ့ပါတယ်”ဟု Dark Shadow အဖွဲ့တာဝန်ခံ ရဲဘော်ပန်ဒါက ဆိုသည်။

Public Service Announcement

Public Service Announcement

အဆိုပါ ဖောက်ခွဲတိုက်ခိုက်မှုကြောင့် မြေပြင်ထိခိုက်သေဆုံးမှုအခြေအနေကို စုံစမ်းနေဆဲဖြစ်သော်လည်း တိုက်ခိုက်မှုဆောင်ရွက်ခဲ့သည့် ရဲဘော်များမှာ ဘေးကင်းစွာ ပြန်လည်ရောက်ရှိခဲ့ပြီ ဖြစ်ကြောင်း Dark Shadow (UG) က ဆိုသည်။

“မနေ့ညက ၇ နာရီကျော်လောက်မှာ ဗုံးတွေ ပေါက်တာပါ။ နှစ်ကြိမ်တောင် ကြားလိုက်ရတယ်။ (၈)ရပ်ကွက်ဘက်က စည်ပင်ရုံးမှာ ပေါက်တာလို့ သိရတယ်။ လူထိခိုက်မှု မရှိဘူးလို့တော့ ကြားတယ်။ သေချာတော့ မပြောနိုင်ဘူး။ ညကတော့ (၈)ရပ်ကွက်တစ်ခုလုံးကို လမ်းတွေ ပိတ်ပြီး စစ်သားတွေ ရဲတွေ တောက်လျှောက်စစ်နေတယ်။ ဧည့်စာရင်းလည်း စစ်သွားတယ်လို့ သိရပါတယ်” ဟု လှိုင်သာယာမြို့နယ်နေ ပြည်သူတစ်ဦးက ပြောသည်။

လှိုင်သာယာမြိုနယ် စည်ပင်သာယာရေးရုံးသည် စစ်ကောင်စီအမိန့်နာခံကာ လှိုင်သာယာမြိုနယ် အပြင် ပဒံကျွန်းကြီးကျေးရွာရှိ ပြည်သူ့များ၏ နေအိမ်များကို မတရားသဖြင့် ဖျက်စီးရာတွင် ပါဝင်ခဲ့သောကြောင့် ပစ်မှတ်အနေဖြင့် သတ်မှတ်ပြီး တိုက်ခိုက်ခဲ့ခြင်းဖြစ်ကြောင်း Dark Shadow အဖွဲ့က ထုတ်ပြန်ခဲ့သည်။

ထို့အပြင် ယင်းဖြစ်စဉ်တွင် စစ်ကောင်စီနှင့် ပူးပေါင်းကာ ပြည်သူများကို လက်နက်အားကိုးဖြင့် အကြမ်းဖက်အနိုင်ကျင့်ခဲ့သော လှိုင်သာယာမှ လူမိုက်အမည်ခံ စစ်ကောင်စီ လက်ကိုင်တုတ် များကိုလည်း ဆက်လက်ရှင်းလင်းသွားမည် ဖြစ်ကြောင်း Dark Shadow အဖွဲ့က သတိပေးခဲ့သည်။

ဆက်စပ်သတင်းများ

သတင်း

လှိုင်သာယာနှင့် အင်းစိန်မြို့နယ်တို့တွင် ယနေ့ ပေါက်ကွဲမှုများဖြစ်ခဲ့၍ စစ်ဆေးခြင်းဟုလည်း ဒေသခံအချို့က ပြောသည်။

သတင်း

လက်ရှိ လူထုကြား ​သောကများ​နေကြသည့် စစ်မှုထမ်းကိစ္စကို အထူးအ​လေး​ပေးပြုလုပ်​နေကြသည့် စစ်ကောင်စီအလိုတော်ရိ ဝန်ထမ်းများ၊ ​ထွေအုပ်၊ ရပ်ကွက်အုပ်ကြီးများနှင့် လက်​​ဝေခံ ထောက်တိုင်များလည်း သတိထား​နေကြရန် ရန်ကုန်ပကဖက ပြင်းထန်စွာ သတိ​ပေးသည်။

သတင်း

အဆိုပါတိုက်ခိုက်မှုဖြစ်စဉ်များဖြစ်ခဲ့သည်မှာ မှန်ကန်ပြီး လူထိခိုက်မှုမရှိကြောင်း လှိုင်သာယာကင်းထောက်ချန်နယ်မှ တာဝန်ရှိသူတစ်ဦးက ပြောသည်။

သတင်း

ယင်းပေါက်ကွဲမှုဖြစ်ပွားပြီးနောက် ဝေဘာဂီရပ်ကွက်၊ ၆ ကွေ့နှင့် အောင်မင်္ဂလာကားဝင်းအနီးတို့တွင် စစ်ကားများဖြင့် ပိတ်ဆို့၍ စစ်ဆေးမှုများ ပြုလုပ်နေကြောင်း ဒေသခံပြည်သူအချို့က ပြောသည်။