Connect with us

Hi, what are you looking for?

LuduNwayOo

သတင်း

ပူတာအိုတွင် စစ်ကောင်စီတပ်ရင်းမှူးတစ်ဦးကိုအရှင်ဖမ်းမိ

ပူတာအို KPDF က ပူတာအိုနှင့် ဆွမ်ပရာဘွမ်လမ်းပိုင်းတနေရာ၌ မေလ ၂၇ရက်​နေ့ တွင် ဖမ်းမိခြင်းဟု ကချင်လွတ်လပ်ရေးတပ်မတော်(KIA)နှင့် နီးစပ်သူ People’s Spring ကို ပြောသည်။

(ပူတာအို​ဒေသရှိ ပြည်သူ့ကာကွယ်​ရေးတပ်ဖွဲ့ဝင် (KPDF) တပ်ဖွဲ့ဝသ်အချို့ ။ ပူတာအိုPDF)
(ပူတာအို​ဒေသရှိ ပြည်သူ့ကာကွယ်​ရေးတပ်ဖွဲ့ဝင် (KPDF) တပ်ဖွဲ့ဝသ်အချို့ ။ ပူတာအိုPDF)

‌ဇော်ထိန်/People’s Spring

တိုက်ပွဲများအတွင်း ထွက်ပြေးနေသည့် မချမ်းဘောမြို့နယ်အခြေစိုက်အမှတ် ၁၃၇ ​ခြေလျင်တပ်ရင်း( ခလရ ၁၃၇) ၏တပ်ရင်းမှူးအား KIA၊ KPDF က အရှင်ဖမ်းမိထားကြောင်း သတင်းရရှိသည်။

ခလရ (၁၃၇)တပ်ရင်းမှူးသည် ဆွမ်ပရာဘွမ်မြို့ရှိ အမှတ် ၄၆ ​​ခြေလျင်တပ်ရင်း( ခလရ၄၆)၌ သွားရောက်တိမ်းရှောင်နေရာမှ ခလရ(၄၆)ကိုပါ KIA နှင့် KPDF တို့က ထပ်မံတိုက်ခိုက်ပြီးနောက် ထွက်ပြေးနေခြင်းဖြစ်သည်။

ပူတာအို KPDF က ပူတာအိုနှင့် ဆွမ်ပရာဘွမ်လမ်းပိုင်းတနေရာ၌ မေလ ၂၇ရက်​နေ့ တွင် ဖမ်းမိခြင်းဟု ကချင်လွတ်လပ်ရေးတပ်မတော်(KIA)နှင့် နီးစပ်သူ People’s Spring ကို ပြောသည်။

Public Service Announcement

Public Service Announcement

“လွတ်မလားလို့ပြေးနေရင်းနဲ့ ဖမ်းမိတာ။ တနယ်လုံးကို မြေပြင်ကနေ စိုးမိုးထားတာပါ။ လွတ်လမ်းမရှိပါဘူး” ဟု KIA နှင့် နီးစပ်သူတစ်ဦးက ပြောသည်။

ဆွမ်ပရာဘွမ်မြို့အခြေစိုက် စစ်ကောင်စီ ခလရ(၄၆)ကို KIA၊ခါကာဘိုပြည်သူ့ကာကွယ်ရေးတပ်ဖွဲ့ (KPF) နှင့် KPDF ပူးပေါင်းတပ်ဖွဲ့များက စီးနင်းတိုက်ခိုက်ခဲ့စဉ် ယင်းတပ်ရင်းမှူးအပါအဝင် စစ်ကောင်စီနှင့် ပြည်သူ့စစ်တပ်ဖွဲ့ဝင်အများအပြား ထွက်ပြေး​နေကြခြင်းဖြစ်သည်။

တပ်ရင်းမှူးအပြင် အခြားဖမ်းမိထား​သော စစ်​ကောင်စီတပ်သားများလည်း ရှိကြောင်း သတင်းရရှိသော်လည်း အ‌သေးစိတ်ကိုမူမသိရှိရသေးပေ။ ထွက်ပြေးနေသူများကို လိုက်လံဖမ်းဆီးနေကြောင်းလည်း မြေပြင်သတင်းရင်းမြစ်အချို့ကပြောသည်။

ဖမ်းမိထားသည့် တပ်ရင်းမှူးသည် တစ်လနီးပါးကြား ထွက်ပြေးနေရသေးကြောင့် အစာရေစာပြတ်လပ်နေပြီး ကျန်းမာရေး အခြေအနေဆိုးရွားနေ၍ ဆေးကုပေးနေရကြောင်းလည်း သိရသည်။

စစ်​ကောင်စီတပ်စခန်းများနှင့် ထွက်​ပြေးစစ်​သားများကိုတိုက်ခိုက်​နေစဥ် ​တော်လှန်​ရေးတပ်များက မြစ်ကြီးနား-ပူတာအိုလမ်းပိတ်ထားခြင်းမှာ ထွက်​ပြေးစစ်သားများက ​တွေ့ရာပြည်သူများကို ဖမ်းဆီးပစ်ခတ်အကြမ်းဖက်​လေ့ရှိသဖြင့် ပြည်သူများအသက်အန္တရာယ်မကျ​ရောက်​စေရန် ဖြစ်​ကြောင်း စစ်​ရေးရင်းမြစ်တစ်ဦးက​ပြောသည်။ ထွက်​ပြေးစစ်​ကောင်စီတပ်သားများကို လိုက်လံဖမ်းဆီးရှင်းလင်း​နေစဥ် လမ်းပိတ်ထားခြင်း​ကြောင့် ကုန်​ဈေးနှုန်းများတက်နေသည့်အ​ပေါ် သည်းခံ​ပေးရန်လည်း ၎င်းကဆက်​ပြောသည်။

ပြီးခဲ့သည့် ဧပြီလအတွင်းကလည်း ကချင်ပြည်နယ်၊ မိုးမောက်နှင့် လွယ်ဂျယ်မြို့ကြားရှိ စိန်လုံဗျူဟာကို KIAနှင့် ပူးပေါင်းတပ်က သိမ်းယူစဉ် ထွက်ပြေးသွားသည့် စစ်ကောင်စီဗျူဟာမှူးကို လမ်းဘေးရှိ ဖရဲသီးစိုက်ခင်းအတွင်း ပြန်လည်ဖမ်းမိခဲ့သည်။ ထိုသို့ဖမ်းမိစဉ် KIA ရဲဘော်များက မေးမြန်းရာ ကြောက်လို့ ထွက်ပြေးနေခြင်းဟု ဗျူဟာမှူးက ပြန်ဖြေခဲ့သည့် ရုပ်သံဖိုင် လူမှုကွန်ရက်၌ ပျံ့နှံ့ခဲ့သည်။

ဆက်စပ်သတင်းများ

သတင်း

မံစီမြို့နယ်ဘက်သို့ ထိုးစစ်ဆင်လာသည့် စစ်ကောင်စီ စစ်ကြောင်းနှင့် KIA တို့ ကောင်ဂျာဟန်ဒေသ၌ တိုက်ပွဲဖြစ်ပွားခဲ့ခြင်းဖြစ်သည်ဟု ဆိုသည်။

သတင်း

စစ်ဆေးခံရမှုအတွင်း လက်ကိုင်ဖုန်းများတွင် VPN ဆော့ဝဲလ်ထည့်သွင်းထား၍ ဖုန်းသိမ်း ဆည်းခံရသည့် ပြည်သူအများအပြားရှိပြီး အချို့မှာ ငွေကြေးတန်ဖိုးတစ်ခုဖြင့် ပြန်လည်ရွေးယူရသည်များလည်းရှိနေကြောင်း ၎င်းက ဆက်ပြောသည်။

သတင်း

သုည/People’s Spring စစ်အာဏာရှင် နှစ်နိုင်ငံဖြစ်​သော ​မြောက်ကိုရီးယားနှင့် မြန်မာ အမျိုးသားလက်​ရွေးစဥ်​ဘောလုံးအသင်းတို့ပွဲစဥ် အပြီး စစ်​ကောင်စီလက်​ရွေးစဥ်အသင်းမှာ စံချိန်သစ်တစ်ခုစိုက်ထူခဲ့သည်။ ၂၀၂၁ ​ဖေ​ဖော်ဝါရီ ၁ ရက်မှစ၍ စစ်အာဏာရှင်နိုင်ငံဖြစ်​နေ​သော မြန်မာ နှင့် ကမ္ဘာ့သိအာဏာရှင်နိုင်ငံ ​မြောက်ကိုးရီးယားတို့၏ လာအိုတွင် ယှဥ်ပြိုင်​သောပွဲစဥ်တွင် စစ်​ကောင်စီ၏လက်​ရွေးစဥ်အသင်းက ၄ ဂိုး...

သတင်း

KNU ညောင်လေးပင်ခရိုင်(ခလယ်လွီထူခရိုင် ) လယ်ဒို မြို့နယ်အတွင်း စစ်ကောင်စီ လက်နက်ကြီးပစ်ခတ်၍ ဇွန်လ ၁၁ရက် နေ့လယ်ပိုင်းတွင် ဟင်္သာဝဲအုပ်စု ဟင်္သာဝဲကျေးရွာအတွင်းကျရောက် ပေါက်ကွဲကာ အမျိုးသားတစ်ဦး ဒဏ်ရာရခဲ့သည်။