Connect with us

Hi, what are you looking for?

LuduNwayOo

သတင်း

ဗိုလ်ချုပ်အောင်ဆိုင်းလာအား KIAစစ်ဦးစီးချုပ် ခန့်အပ်ခံရမှု အထူးဝမ်းမြောက်ကြောင်း ကချင်ပြည်နယ်ပညာရပ်စုံတက္ကသိုလ် ထုတ်ပြန်

KSCU ၏အဓိပတိ မှာ KIOအုပ်ချုပ်ရေးအဖွဲ့ဖြစ်သော ကချင်လွတ်လပ်ရေးကောင်စီ(KIC) ၏ ဒုဥက္ကဋ္ဌ ဒု-ဗိုလ်ချုပ်ကြီးဂွန်မော် ဖြစ်သည်။

ဗိုလ်ချုပ်အောင်ဆိုင်းလာအား KIAစစ်ဦးစီးချုပ် ခန့်အပ်ခံရမှု အထူးဝမ်းမြောက်ကြောင်း ကချင်ပြည်နယ်ပညာရပ်စုံတက္ကသိုလ် ထုတ်ပြန်
ဗိုလ်ချုပ်အောင်ဆိုင်းလာအား KIAစစ်ဦးစီးချုပ် ခန့်အပ်ခံရမှု အထူးဝမ်းမြောက်ကြောင်း ကချင်ပြည်နယ်ပညာရပ်စုံတက္ကသိုလ် ထုတ်ပြန်

ဟန်နွေ/People’s Spring

စာရေးဆရာတစ်ဦးဖြစ်သူ ကချင်လွတ်လပ်ရေးတပ်မတော်(KIA) ဒုတိယဗိုလ်ချုပ်ကြီး ဝမ်းခန့်အောင်ဆိုင်းလာအား KIA၏ စစ်ဦးစီးချုပ်အဖြစ်ခန့်အပ်မှုအပေါ်ဝမ်းမြောက်ကြောင်း ကချင်ပြည်နယ် ပညာရပ်စုံတက္ကသိုလ် (KSCU) က ထုတ်ပြန်သည်။

KIA စစ်ဦးစီးချုပ်ဒုဗိုလ်ချုပ်ကြီး ခေါင်လွမ်း မေလ ၁၃ရက်တွင် အသည်းရောဂါဖြင့် ကွယ်လွန်ခဲ့ပြီးနောက် လစ်လပ်နေသည့် စစ်ဦးစီးချုပ်နေရာကို ဒုစစ်ဦးစီးချုပ်ဖြစ်သူ ဗိုလ်ချုပ်အောင်ဆိုင်းလာအား မေလ ၁၈ရက်တွင် အစားထိုး ခန့်အပ်တာဝန်ပေးခဲ့ခြင်းဖြစ်သည်။

ဗိုလ်ချုပ်အောင်ဆိုင်းလာသည် ဝမ်းခန့်အောင် အမည်ဖြင့် စာပေရေးသားနေသူလည်းဖြစ်သည်။

Public Service Announcement

Public Service Announcement

စာရေးဆရာ ဆရာကြီး ဝမ်းခန့်အောင်သည် ကချင်ပြည်နယ်ပညာရပ်စုံတက္ကသိုလ်၏ School of Arts and Sciences (SAS), School of Nursing Science (SNS), School of Technology (SOT) ၊ School of Economics (SOE) တို့၏ ပထမနှစ်သင်တန်းများနှင့် School of Medical Science (SMS)၏ Foundation Yearတို့၌ မြန်မာစာဌာနမှ မြန်မာစာသင်ရိုးအဖြစ် သင်ကြားပို့ချနေသော မြန်မာစကားပြေရွေးချယ်ချက်အတွက် ဟူးကောင်းသိန်းပေါစာအုပ် နှင့် မြန်မာကဗျာရွေးချယ်ချက်အတွက် အလှဘုရင်မအိန်ရော်စာအုပ်တို့ကို ရေးသားခဲ့သူ ဖြစ်သည်ဟု KSCUက အသိပေးသည်။

KSCUသည် အမျိုးသားညီညွတ်ရေး အစိုးရ (NUG)၏ ပညာရေးဝန်ကြီးဌာန မူပါဒနှင့်အညီ ကချင်လွတ်လပ်ရေးအဖွဲ့(KIO)က ဖွဲ့စည်းပေးထားသည့် ကြားကာလနိုင်ငံရေးအတိုင်ပင်ခံအဖွဲ့(KPICT)တို့က ပူးပေါင်းဖွင့်လှစ်ထားပြီး CDM ဆရာ၊ ဆရာမများက ဦးဆောင်သင်ကြားပေးနေသည့် တက္ကသိုလ်ဖြစ်သည်။

KSCU ၏အဓိပတိ မှာ KIOအုပ်ချုပ်ရေးအဖွဲ့ဖြစ်သော ကချင်လွတ်လပ်ရေးကောင်စီ(KIC) ၏ ဒုဥက္ကဋ္ဌ ဒု-ဗိုလ်ချုပ်ကြီးဂွန်မော် ဖြစ်သည်။

ဒုဗိုလ်ချုပ်ကြီး ဂွန်မော်က ဗိုလ်ချုပ်အောင်ဆိုင်းလာရေးသားထားသည့် အလှဘုရင်မ အိမ်ရှောင် စာအုပ်နှင့်ပတ်သက်ပြီး ၎င်း၏ လူမှုကွန်ရက်တွင် ၂၀၂၃ ဇွန်လ ၁၃ရက်က ရေးသားခဲ့ရာ “ ရေးသားသူ ဝမ်းခန့်အောင်က ဂျိန်းဖေါမျိုးနွယ် ခခူးအမျိုးသားတို့၏ ဂန္တဝင်ဇာတ်တော်ဟု ညွှန်းပါသည်။ ကချင်ဇာတ်တော်ကို မြန်မာလိုရေး။ ကချင်လူမျိုးမဟုတ်သူများ နားလည်အောင် ရသပေးနိုင်တာကို သဘောကျလို့ မျှဝေထားတာပါ” ဟု စာအုပ်အညွှန်းရေးသားဖော်ပြထားသည်။

KIA စစ်ဦးစီးချုပ်ဖြစ်လာသည့် ဒုဗိုလ်ချုပ်ကြီး အောင်ဆိုင်းလာသည်တနိုင်းဒေသ၌ ကျောင်းဆရာလုပ်ခဲ့သူဖြစ်ပြီး KIA တပ်ထဲ ဝင်ရောက်အမှုထမ်းခဲ့ရာ စာရေးဆရာ၊ ကျောင်းဆရာ၊ နိုင်ငံရေးသမား၊ ထောက်လှမ်းရေးညွှန်မှူး စသည့် ကဏ္ဍများ၌ ကျင်လည်ခဲ့သူဖြစ်ကြောင်း ကချင်သတင်းရင်းမြစ်က အသိပေးထားပြီး ၎င်းသည် KIA ဒုစစ်ဦးစီးချုပ်အဖြစ်လည်း ၂၀၁၅ နှစ်ကုန်ပိုင်းမှစ၍ ၉နှစ်နီးပါးကြာ အဆင့်လိုက်တာဝန်ထမ်းဆောင်ခဲ့သူဖြစ်သည်။

ဆက်စပ်သတင်းများ

သတင်း

KIA အမှတ်(၁၁)တပ်မဟာကို အူလောင်းပါနှင့် ရွှေကူဒေသတို့ ပါဝင်ပြီး KIA အမှတ် (၁၂) တပ်ရင်း၊အမှတ်(၂၇)များဖြင့် ဖွဲ့စည်းထားကြောင်း အသိပေးသည်။

သတင်း

ဇွန်လ ၇ရက်မှစ၍ မြန်မာ - တရုတ် ရေနံပိုက်လိုင်းတစ်လျှောက် အများပြည်သူအသုံးပြုသည့် အဆိုပါလမ်းပိုင်းတွင် KIAအဖွဲ့က ဖြတ်တောက် ထားခြင်းဖြစ်ကြောင်း ဖော်ပြထားသည်။

သတင်း

KIAနှင့် ပူးပေါင်းတပ်များသည် ဇွန်လ ၁၁ရက် တစ်ရက်တာထိုးစစ်အတွင်း စစ်ကောင်စီတပ် စခန်း၊ ပြည်သူ့စစ်စခန်းနှင့် BGFစခန်းများ စုစုပေါင်း တပ်စခန်း ၁၈ခုသိမ်းယူနိုင်ခဲ့ခြင်းဖြစ်သည်။

သတင်း

KIA သည် မေလ ၂၁ရက်က ဝိုင်းမော်မြို့နယ်ရှိ ခမရ(၃၂၁)တပ်စခန်းသိမ်းပြီးနောက် ယနေ့(ဇွန်လ ၁၁ရက်)တွင် စခန်းသိမ်းထိုးစစ်ဆင်မှု ဆက်လက် လုပ်ဆောင်လာခြင်းဖြစ်သည်။