Connect with us

Hi, what are you looking for?

LuduNwayOo

သတင်း

ကျောက်​ခေတ်က သုံးခဲ့​သောကုန်စည်ဖလှယ်သည့်စနစ်နိုင်ငံတကာနှင့်ကုန်သွယ်မှုတွင် အလုပ်မဖြစ်နိုင်ဟုလုပ်ငန်းရှင်များပြော

နိုင်ငံအနှံဖြစ်ပွား​နေ​သောတိုက်ပွဲများကြောင့် နယ်စပ်ကုန်သွယ်ရေးစခန်းအားလုံးနီးပါး ရပ်တန့်ပြီး စစ်​ကောင်စီအတွက် ဝင်​ငွေရ​ပေါက်ရလမ်းနည်းသွား​စေကာအထိနာ​နေ​ကြောင်းကုန်သည်အချို့က​ပြောသည်။

(ရန်ကုန်မြို့ရှိ နိုင်ငံတကာ ကုန်စည်တင်သ​ဘော်များအတင်အချပြုလုပ်ရာဆိပ်ကမ်းတစ်ခု။ဓါတ်ပုံ-စစ်​ကောင်စီ)
(ရန်ကုန်မြို့ရှိ နိုင်ငံတကာ ကုန်စည်တင်သ​ဘော်များအတင်အချပြုလုပ်ရာဆိပ်ကမ်းတစ်ခု။ဓါတ်ပုံ-စစ်​ကောင်စီ)

စောနွေဦး/People’s Spring

နိုင်ငံတကာနှင့် ကုန်သွယ်ရာတွင် ကုန်ပစ္စည်းအချင်းချင်းဖလှယ်သည့် စနစ်ကို ကျင့်သုံးမည်ဖြစ်ကြောင်း စစ်ကောင်စီက ထုတ်ပြန်ရာ ထိုစနစ်သည့် ငွေကြေးများအပေါ်ပေါက်ခင်က အသုံးပြုခဲ့သည့် စနစ်ဖြစ်ပြီး အလုပ်ဖြစ်မည်မဟုတ်​ကြောင်းစီးပွားရေးလုပ်ငန်းရှင်များက​ပြောသည်။

“ဒီစနစ်က ကျောက်ခေတ်က သုံးနဲ့ စနစ်ပါ။ အခုခေတ်အခြေအနေရ အောင်မြင်မယ့်စနစ်မဟုတ်ပါဘူး။ ပိုသာဆိုးလာမယ့် အလုပ်ဖြစ်မယ့်စနစ်မဟုတ်ပါဘူး”ဟု ရန်ကုန်မြို့အခြေစိုက်စီးပွားရေး လုပ်ငန်းရှင်တစ်ဦးကပြောသည်။

စစ်​ကောင်စီကမူ ထိုစနစ်ကို အသုံးပြုပါကသွင်းကုန်အတွက် နိုင်ငံခြားငွေ ပေးချေမှုကင်းလွတ်ခွင့်ရသည်ဟု မက်လုံး​ပေးထားသည်။ စစ်တပ်အာဏာသိမ်းမှုကြောင့် နိုင်ငံအတွင်း ပို့ကုန်နှင့်သွင်းကုန် ကျဆင်းပြီး ကုန်သွယ်ရေး လုပ်ငန်းများ ရပ်တန့်နေချိန်တွင် စစ်ကောင်စီက ထိုကဲ့သို့ ကုန်စည်ဖလှယ်သည့် စနစ်ကျင့်သုံးခြင်းကို လုပ်ငန်းရှင်က စိတ်ပျက်နေကြသည်။

Public Service Announcement

Public Service Announcement

ကုန်စည်ဖလှယ်သည့် စနစ်(Barter Transaction Arrangement-BAT)သည် ပြည်ပနိုင်ငံနှင့်ကုန်သွယ်ရာတွင် ကုန်သွယ်မှုလိုငွေ မရှိစေရန် ကုန်စည်အချင်းချင်း ဖလှယ်ကြခြင်းဖြစ်သည်ဟု လုပ်ငန်းရှင်တစ်ဦးက​ပြောသည်။

စစ်ကောင်စီက ထိုစနစ်ဖြင့် ကုန်သွယ်ပါက ပို့ကုန်သွင်းကုန်အတွက် နိုင်ငံခြားငွေပေးချေမှုအပေါ် ဗဟိုဘဏ်က ဝင်ရောက်ထိန်းကြောင်းမှုများ ကင်းလွတ်ခွင့်ရမည်ဟုမက်လုံး​ပေးထားခြင်းဖြစ်သည်။လက်ရှိတွင် စစ်ကောင်စီက ပို့ကုန်ရငွေများကို ၁ လအတွင်း ပြည်တွင်းပြန်ယူလာရန် နှင့် ပို့ကုန်ရ​ငွေအားလုံး၏ ၃၅ ရာခိုင်နှုန်းကို တစ်ဒေါ်လာကို ၂၁၀၀ကျပ်ဖြင့် လုပ်ငန်းရှင်များအား မ​ရောင်းမ​နေရ သတ်မှတ်၍ ​စစ်​ကောင်စီကဒေါ်လာရရန် လုပ်ငန်းရှင်များကို ကန့်သတ်ထားသည်။

“ဒီစနစ်က စစ်ကောင်စီအတွက် ဒေါ်လာသုံးစွဲမှု လျော့ချလိုက်ဖို့ ရေတိုဖြေရှင်းနည်းပါ။ အောင်မြင်မယ်လိုလည်း မထင်ပါဘူး”ဟု စီးပွားရေးပညာရှင်တစ်ဦးကပြောသည်။

ထိုအပြင်စစ်ကောင်စီက ​​ဒေါ်လာကိုသာရယူလိုပြီး ​ဒေါ်လာမကုန်ရန် ​ဒေါ်လာဖြင့် ဝယ်သွင်းရ​သော သွင်းကုန်လိုင်စင်များ အကြီးအကျယ်ကန့်သတ်ထားသည်ဟုလည်း လုပ်ငန်းရှင်များက​ပြောသည်။

စစ်​ကောင်စီက ​ဒေါ်လာကို နိုင်ငံတဝန်းဖြစ်ပွား​နေ​သောတိုက်ပွဲများတွင် ​ အသုံးပြုရန် စစ်လက်နက် နှင့် ​လေယာဥ်ဆီ ဝယ်ယူရန် အတွက်သာအဓိက အသုးပြုပြီး ပြည်သူများအတွက် စား​သောက်ကုန်၊လူသုံးကုန် ​ဆေးဝါးစ​သောသွင်းကုန်ပစ္စည်းများဝယ်ယူတင်သွင်းမှုကိုမူ ​ဒေါ်လာမကုန်ရန် သွင်းခွင့်ကို နည်းမျိုးစုံဖြင့် ကန့်သတ်​နေခြင်းဖြစ်သည်။

စစ်အာဏာသိမ်းပြီး​နောက် ၂၀၂၁ ​ဖေ​ဖော်ဝါရီလမှ ၂၀၂၂ ဒီဇင်ဘာလ အထိ စစ်​ကောင်စီသည် တရုတ်၊ရုရှား ၊အိန္ဒိယ အပါအဝင် နိုင်ငံတကာမှ လက်နက်ခဲယမ်းမျိုးစုံအ​မေရီကန် ​ဒေါ်လာ ၁ ဘီလီယံဖိုးဝယ်ယူတင်သွင်းခဲ့​ကြောင်း ကုလသမဂ္ဂ ၏ ၂၀၂၃ ​မေလကထုတ်ပြန်​သောအစီရင်ခံစာတွင်​ဖော်ပြထားသည်။

ထိုအပြင် နိုင်ငံစီးပွား​ရေးကျဆင်း​နေချိန်တွင် စစ်​ကောင်စီက ဘက်ဂျက်လိုအပ်ချက်အတွက် ကျပ်​ငွေ စက္ကူများကို ဘီလီယံ​ပေါင်းများစွာရိုက်နှိပ်သုံးစွဲထား၍ ကျပ်​ငွေတန်ဖိုး ကျဆင်း​နေသဖြင့် ​ငွေ​ကြေးချမ်းသာသူများ ၊ စစ်တပ်အသိုင်းအဝိုင်းမှ မိသားစုများမှာ ​ကျပ်​ငွေမကိုင်​တော့ဘဲ ​ဒေါ်လာနှင့် ​ရွှေကို လိုက်လံဝယ်ယူစု​ဆောင်း​နေ၍ ​ဒေါ်လာ​မှာ ဝယ်ယူရန်ခက်ခဲပြီး ဆက်တိုက်​တက်​နေ​ကြောင်း လုပ်ငန်းရှင်အချို့က​ပြောသည်။

“အခုလာမယ့် ဘဏ္ဍာနှစ်မှာ ဘတ်ဂျက်လိုငွေက အရမ်းမြင့်တယ်လို့ကြားတယ်။ အခွန်ရငွေကလည်း တော်တော်နည်းသွားတယ်။ ဒါကိုအရင်ကတည်းက ငွေစက္ကူအသစ်ရိုက်ထုတ်ပြီး ဖြည့်နေတာ အခုက အခြေအနေတွေက ထိန်းမရတော့ဘူးဖြစ်နေတယ်။ စစ်အုပ်စုအထဲကပဲ သူတို့ကို မယုံ

ကြည်တော့ အခုလို ရွှေနဲ့ နိုင်ငံခြားငွေစုတာတွေဖြစ်လာတာ”ဟုလုပ်ငန်းရှင်တစ်ဦးကပြောသည်။

လက်ရှိတွင် နိုင်ငံခြားငွေလဲနှုန်းမြင့်တက်လာပြီး အမေရိကန်တစ်ဒေါ်လာကို ကျပ် ၄၇၀၀ နှင့် ရွှေတစ်ကျပ်သားကို ကျပ် ၄၈ သိန်း​ကျော်အထိ မြင့်တက်လာသည်။

စစ်​ကောင်စီ စိတ်ကြိုက် ထုတ်ပြန်​သောအချက်အလက်များမှာပင်၂၀၂၂-၂၃ ဘဏ္ဍာ​ရေးနှစ်(၂၀၂၂ ဧပြီမှ ၂၀၂၃ မတ်လကုန်အထိ) တွင် ကုန်သွယ်မှု ပမာဏ အ​မေရီကန် ​ဒေါ်လာ ၃၄ ဘီလီယံရှိရာမှာ ၂၀၂၃-၂၀၂၄ ဘဏ္ဍာ​ရေးနှစ်တွင် အ​မေရီကန်​ဒေါ်လာ ၃၀ ဘီလီယံသာရှိပြီး ၄ ဘီလီယံ​ကျော်​လျော့ကျခဲ့​ကြောင်း​ဖော်ပြထားသည်။

​ရွေး​ကောက်ခံအရပ်သားအစိုးရ လက်ထက် ကမ္ဘာ့ကပ်​ရောဂါ Covid-19 ရင်ဆိုင်​နေခဲ့ရ​သော ၂၀၁၉-၂၀၂၀ ဘဏ္ဍာ​ရေးနှစ် ( ၂၀၁၉ ​အောက်တိုဘာလမှ ၂၀၂၀ စက်တင်ဘာလကုန်အထိ့) မှာပင် ကုန်သွယ်မှု ပမာဏ အ​မေရီကန် ​ဒေါ်လာ ၃၇ ဘီလီယံခန့် (၃၆ ဒသမ ၆၆၅ ဘီလီယံ) ရှိခဲ့သည်။

နိုင်ငံအနှံဖြစ်ပွား​နေ​သောတိုက်ပွဲများကြောင့် နယ်စပ်ကုန်သွယ်ရေးစခန်းအားလုံးနီးပါး ရပ်တန့်ပြီး စစ်​ကောင်စီအတွက် ဝင်​ငွေရ​ပေါက်ရလမ်းနည်းသွား​စေကာအထိနာ​နေ​ကြောင်းကုန်သည်အချို့က​ပြောသည်။

ဆက်စပ်သတင်းများ

သတင်း

မံစီမြို့နယ်ဘက်သို့ ထိုးစစ်ဆင်လာသည့် စစ်ကောင်စီ စစ်ကြောင်းနှင့် KIA တို့ ကောင်ဂျာဟန်ဒေသ၌ တိုက်ပွဲဖြစ်ပွားခဲ့ခြင်းဖြစ်သည်ဟု ဆိုသည်။

သတင်း

စစ်ဆေးခံရမှုအတွင်း လက်ကိုင်ဖုန်းများတွင် VPN ဆော့ဝဲလ်ထည့်သွင်းထား၍ ဖုန်းသိမ်း ဆည်းခံရသည့် ပြည်သူအများအပြားရှိပြီး အချို့မှာ ငွေကြေးတန်ဖိုးတစ်ခုဖြင့် ပြန်လည်ရွေးယူရသည်များလည်းရှိနေကြောင်း ၎င်းက ဆက်ပြောသည်။

သတင်း

သုည/People’s Spring စစ်အာဏာရှင် နှစ်နိုင်ငံဖြစ်​သော ​မြောက်ကိုရီးယားနှင့် မြန်မာ အမျိုးသားလက်​ရွေးစဥ်​ဘောလုံးအသင်းတို့ပွဲစဥ် အပြီး စစ်​ကောင်စီလက်​ရွေးစဥ်အသင်းမှာ စံချိန်သစ်တစ်ခုစိုက်ထူခဲ့သည်။ ၂၀၂၁ ​ဖေ​ဖော်ဝါရီ ၁ ရက်မှစ၍ စစ်အာဏာရှင်နိုင်ငံဖြစ်​နေ​သော မြန်မာ နှင့် ကမ္ဘာ့သိအာဏာရှင်နိုင်ငံ ​မြောက်ကိုးရီးယားတို့၏ လာအိုတွင် ယှဥ်ပြိုင်​သောပွဲစဥ်တွင် စစ်​ကောင်စီ၏လက်​ရွေးစဥ်အသင်းက ၄ ဂိုး...

သတင်း

KNU ညောင်လေးပင်ခရိုင်(ခလယ်လွီထူခရိုင် ) လယ်ဒို မြို့နယ်အတွင်း စစ်ကောင်စီ လက်နက်ကြီးပစ်ခတ်၍ ဇွန်လ ၁၁ရက် နေ့လယ်ပိုင်းတွင် ဟင်္သာဝဲအုပ်စု ဟင်္သာဝဲကျေးရွာအတွင်းကျရောက် ပေါက်ကွဲကာ အမျိုးသားတစ်ဦး ဒဏ်ရာရခဲ့သည်။