Connect with us

Hi, what are you looking for?

သတင်း

စစ်ကောင်စီက လောက်ကိုင်ဆေးရုံကို ဗုံးကြဲ၊ ​ဒေသခံပြည်သူ ဆယ်ဦးထက်မနည်း သေဆုံး

(ဩဂုတ်လ ၁ရက်)ည ၁၁နာရီခွဲခန့်တွင် စစ်ကောင်စီတပ်ကလေကြောင်းမှ ဗုံးကြဲတိုက်ခိုက်ရာ ပြည်သူဆယ်ဦးထက်မနည်းသေဆုံးသွားကြောင်းဒေသခံများကပြောသည်။

မိထက် / People’s Spring

မြန်မာအမျိုးသားဒီမိုကရက်တစ် မဟာမိတ်တပ်မတော်(MNDAA) ထိန်းချုပ်ထားသည့် လောက်ကိုင်မြို့မှ ဒေသခံပြည်သူများတက်ရောက်ကုသနေသည့် ဆေးရုံကို ယမန်နေ့

(ဩဂုတ်လ ၁ရက်)ည ၁၁နာရီခွဲခန့်တွင် စစ်ကောင်စီတပ်ကလေကြောင်းမှ ဗုံးကြဲတိုက်ခိုက်ရာ ပြည်သူဆယ်ဦးထက်မနည်းသေဆုံးသွားကြောင်းဒေသခံများကပြောသည်။

Public Service Announcement

Public Service Announcement

လောက်ကိုင်မြို့ တုံချိန်ရပ်ကွက်ရှိ ဆေးရုံကို စစ်ကောင်စီတပ်ကဗုံးကြဲတိုက်ခိုက်ခြင်းဖြစ်သည်။

“လေကြောင်းကနေ ‌ဗုံးကြဲတာ။ မြို့လည်ခေါင် ဆေးရုံကို ကြဲတာပါ။ သေတာ ဆယ်ဦးကျော်တယ်လို့ ကိုးကန့်ရဲဘက်ကနေသိရတယ်”ဟု လောက်ကိုင်မြို့ခံတဦးကပြောသည်။

ယခုအခါMNDAAက လားရှိုးမြို့သိမ်းတိုက်ပွဲဆင်နွဲနေပြီးလားရှိုးမြို့မှ အရှေ့မြောက်တိုင်းစစ်ဌာနချုပ် (ရမခ) နှင့် လက်ကျန်စ်စ်စခန်းအချို့ကိုအပြီးသတ် ထိုးစစ်ဆင်တိုက်ခိုက်နေသည်။ ထို့ကြောင့် စစ်ကောင်စီက MNDAAထိန်းချုပ်ထားသည့် လောက်ကိုင်မြို့၊ သိန္နီမြို့တို့ကို လေကြောင်းမှပစ်ခတ်တိုက်ခိုက်နေခြင်းဟု ဒေသခံများကပြောသည်။

“လားရှိုးနမခ ကျကာနီးလို့ လောက်ကိုင်ကို ညက လာပစ်တာ။ စစ်တပ်လော်ဘီတွေကတော့ မဲမဲမြင်ရာပစ်ဖို့ အော်နေကြတယ်။ ဒါတွေက စစ်ရာဇဝတ်မှု‌တွေဆိုတာ သိမယ့်ဦးနှောက်တွေရှိမနေဘူး” ဟု ရှမ်းပြည်နယ်မြောက်ပိုင်းမှ စစ်ရေးသတင်းရင်းမြစ်တစ်ဦးကပြောသည်။

စစ်​ကောင်စီတပ်ဝါဒဖြန့် တယ်လီဂရန်များက​လောက်ကိုင် တုံချိန် ရှိ MNDAA တပ်စခန်းရှိရာကို​လေ​ကြောင်းမှ ဗုံးကြဲတိုက်ခိုက်ပြီး MNDAAတပ်ဖွဲ့ဝင်များ ​သေဆုံးမှုများ​ကြောင်း ဝါဒဖြန့်​နေကြသည်။ လားရှိုးတိုက်ပွဲတွင် စစ်​ကောင်စီတပ် အထိနာစဥ်ကတည်းက စစ်တပ်ဝါဒဖြန့်တယ်လီဂရန်ချန်နယ်များက အရပ်သားပစ်မှတ်များကိုပါတိုက်ခိုက်ရန် ဆက်တိုက်လှုံ့​ဆော်ခဲ့ကြခြင်းဖြစ်သည်။

လောက်ကိုင်ဆေးရုံဗုံးကြဲတိုက်ခိုက်ခံရမှုကို MNDAAက သတင်းထုတ်ပြန်ထားခြင်းမရှိသေးပေ။ထို့ကြောင့် အရပ်သားသေဆုံးမှုအခြေအနေအသေးစိတ်ကို မသိရှိရသေးပေ။

MNDAA က လားရှိုးမြို့မှ စစ်တပ်စခန်းများကို ဇူလိုင်လ ၃ရက်မှစ၍ ထိုးစစ်ဆင်တိုက်ခိုက်ခဲ့သည်။ ရမခ ဌာနချုပ်ရှိရာ လားရှိုးရှိစစ်စခန်းများတိုက်ခိုက် ခံရပြီးနောက်ပိုင်း စစ်ကောင်စီကလောက်ကိုင်မြို့၊ သိန္နီမြို့တို့ကို လေကြောင်းမှ မကြာခဏတိုက်ခိုက်နေသည်။ တစ်လခန့်အတွင်း လောက်ကိုင်မြို့ကိုလေကြောင်းတိုက်ခိုက်မှုလေးကြိမ်၊ သိန္နီမြို့ကို လေကြောင်းတိုက်ခိုက်မှုခုနစ်ကြိမ်ထက်မနည်း ပြုလုပ်ခဲ့ခြင်းဖြစ်သည်။

အဆိုပါတိုက်ခိုက်မှုများတွင် ​ဒေသခံပြည်သူစုစု​ပေါင်း ဆယ်ချီ​သေဆုံးခဲ့​ကြောင်း MNDAA နှင့် TNLA ၏ ထုတ်ပြန်ချက်များအရသိရသည်။

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

စစ်ကိုင်းတိုင်း၊ ကလေး၊ ဘုတလင်၊ ရွှေဘိုနဲ့ လက်ပံတောင်းတောင်ဒေသတွေမှာ တော်လှန်သပိတ်အင်အားစုတွေ၊ ဒေသခံပြည်သူတွေက ဘုံတိုဆီမီးသပိတ်လေကြောင်းတိုက်ခိုက်ခံရမှု (၁)နှစ်ပြည့် ဝမ်းနည်းခြင်းအဖြစ် သပိတ်လှုပ်ရှားမှုတွေကို ဒီကနေ့ (အောက်တိုဘာ ၂၅) ပြုလုပ်ခဲ့ပါတယ်။

သတင်း

ချင်းပြည်နယ်၊ ပလက်ဝမြို့နယ်၊ ဒိုင်ရ်ဒေသ အရပ်သားပြည်သူများအပေါ် ပစ်မှတ်ထားတဲ့ စစ်တပ်ရဲ့ လေကြောင်း တိုက်ခိုက်မှု လုပ်ရပ်အပေါ် ကန့်ကွက်ရှုတ်ချကြောင်း ချင်းအမျိုးသားတပ်ဦး(CNF)က သတင်းထုတ်ပြန်ပါတယ်။

သတင်း

စစ်ကိုင်းတိုင်း၊ ဘုတလင်မြို့နယ်၊ ကွမ်းခြံကျေးရွာမှာ အာဏာသိမ်း စစ်တပ်က ဒီ​နေ့ လေကြောင်းတိုက်ခိုက်လို့ ကလေး ၂ ဦးအပါအဝင် ဒေသခံ အမျိုးသမီး ၆ ဦး သေဆုံးပြီး အမျိုးသမီးတစ်ဦး သေဆုံးခဲ့ပါတယ်။

Facebook