ဇော်ရမ်း/People’s Spring
ရခိုင်ပြည်နယ် မြောက်ဦးမြို့ပေါ်ကို စစ်ကောင်စီက ယနေ့(ဩဂုတ် ၁၀ရက်) နေ့လယ်ပိုင်းတွင် ဗုံးကြဲတိုက်ခိုက်ရာ အရပ်သားခြောက်ဦးသေဆုံးပြီး ခုနစ်ဦးဒဏ်ရာရရှိခဲ့သည်။
မြောက်ဦးမြို့၊ မြောက်ဦးဟိုတယ်လမ်းဆုံနှင့် ဦးဥတ္တမပန်းခြံကို ယနေ့ နေ့လယ် ၁၂နာရီခွဲခန့်တွင် စစ်ကောင်စီက လေကြောင်းမှဗုံးကြဲတိုက်ခိုက် ခြင်းဟု ဒေသခံတစ်ဦးက ပြောသည်။
Public Service Announcement
” ရုတ်တရက်ပစ်ချသွားတာဗျ။ သတိထားချိန်မရလိုက်ဘူး။ လူတွေစည်းကားနေတဲ့အချိန်ပစ်တာ” ဟု ဒေသခံတစ်ဦးက ပြောသည်။
အဆိုပါတိုက်ခိုက်မှုကြောင့် အမျိုးသားခြောက်ဦးသေဆုံးပြီး အမျိုးသမီးအချို့အပါအဝင် ခုနစ်ဦး ဒဏ်ရာရရှိသည်ဟု သတင်းရရှိသည်။
မြောက်ဦးမြို့သည် အာရက္ခတပ်တော်(AA) ထိန်းချုပ်ထားသည့်မြို့ဖြစ်သည်။
AAထိန်းချုပ်ထားသည့်မြို့များကို စစ်ကောင်စီက နေကြောင်းမှ တိုက်ခိုက်နေ၍ အရပ်သားပြည်သူများ လေကြောင်းအန္တရာယ်သတိပြုနေထိုင်ကြရန် AAက သတိပေးထားသည်။
ဩဂုတ် ၆ရက်ကလည်း စစ်ကောင်စီသည် မြောက်ဦးမြို့ကို လေကြောင်းမှ ဗုံးကြဲတိုက်ခိုက်ခဲ့သေးသည်။
