ကျော်ဇော/People’s Spring
တနင်္သာရီမြို့နယ်အတွင်းရှိ ကျေးရွာလေးရွာကို တိုက်ပွဲဖြစ်ပွားခြင်းမရှိဘဲ စစ်ကောင်စီက ဗုံးကြဲတိုက်ခိုက်ခဲ့ကြောင်း မြိတ်ခရိုင် ပြည်သူ့ကာကွယ်ရေးပူးပေါင်းစစ် ကြောင်း(၂)ထံမှ စုံစမ်းသိရသည်။
တနင်္သာရီမြို့နယ်တွင်းရှိ ကွင်းသစ်ရွာ၊ သ ကျက်ချောင်းဝဘုရားတောင်၊ မုတ်ဆိပ်ကွင်းရွာ၊ကျောက်မီးကျောင်းရွာနှင့် ကွင်းသစ်ရွာရှိ စာသင်ကျောင်းတို့ကို ဩဂုတ် ၉ ရက် နံနက် ၁၁ နာရီ ၅၄ မိနစ်နှင့် ၁၂ နာရီ ၁၆မိနစ်တို့တွင် K-8W အမျိုးအစား ဂျက်ဖိုက်တာနှစ်စီးဖြင့် လာရောက် ဗုံးကြဲချခဲ့ခြင်း ဖြစ်သည်။
Public Service Announcement
ဗုံးသီးများကြဲချပြီးနောက်တွင် စစ်ကောင်စီတပ်မှ စက်သေနတ်များဖြင့် ရမ်းသမ်းပစ်ခတ်ခဲ့ပြီး ကျေးရွာများ၏ ထိခိုက်ပျက်စီးမှုအခြေအနေကို မသိရသေးဟု မြိတ်ခရိုင် စစ်ကြောင်း(၂) မှ တာဝန်ရှိသူတစ်ဦးက ပြော သည်။
“အလုံး ၂၀ ကျော်မယ်ဗျ။ ရွာထဲကိုရော ရွာရဲ့ အနီးပတ်ဝန်းကျင်ကိုရော ပစ်သွားတာ။ နောက်ဆက်တွဲအခြေအနေကိုတော့ မသိရသေးဘူး”ဟု ၎င်းက ဆက်ပြောသည်။
လေကြောင်းမှ တိုက်ခိုက်ခံရမှုအတွင်း အရပ် သားပြည်သူများ ထိခိုက်မှုကိုစုံစမ်းနေဆဲဖြစ်ပြီးစစ်ကောင်စီက တိုက်လေဘယာဉ်များ အသုံးပြုကာ စစ်ရေးပစ်မှတ်မဟုတ်သည့် ပြည်သူများ နေထိုင်ရာကျေးရွာများကို ပစ်မှတ်ထားတိုက်ခိုက် လာခြင်းဖြစ် ကြောင်း စစ်ကြောင်း(၂)က အသိပေးသည်။
သြဂုတ် ၇ ရက်ကလည်း တနင်္သာရီမြို့နယ် ကရင်အမျိုးသားအစည်းအရုံး (KNU)ထိန်းချုပ်နယ်မြေအတွင်းရှိ သကျက်တောင်ဘိန်၊ ဆင်ခေါင်းဘုရားတောင်၊ ဂဏန်းကွင်းရွာ စသည့်ကျေးရွာများကိုစစ်ကောင်စီက ဂျက်ဖိုက်တာဖြင့် လာရောက်၍ ဗုံးကြဲတိုက်ခိုက်ခဲ့သေးသည်။
တနင်္သာရီမြို့နယ်တွင် နှစ်ဖက်စစ်ရေးပြင်းထန်လျှက်ရှိရာ ဇူလိုင် ၁၈ ရက်ကစပြီး လယ်သစ် ကျေးရွာဘက်သို့ အင်အား၂၀၀ခန့်ဖြင့်စစ်ကြောင်းထိုးလာသော စစ်ကောင်စီပူးပေါင်းတပ်များကို မြိတ်ခရိုင်ပြည်သူ့ကာဘကွယ်ရေးပူး ပေါင်းစစ်ကြောင်း(၂)မှ သြဂုတ် ၄ရက်အထိတိုက်ခိုက်မှုပေါင်း(၁၁)ကြိမ်လုပ် ဆောင်ခဲ့ရာ စစ်ကောင်စီဘက်မှ ထိခိုက်သေဆုံးမှုများခဲ့သည်။
