နိုင်ပကောင်း/People’s Spring
တစ်နိုင်လုံးရဲ့ ဆန့်ကျင်တော်လှန်မှုအရှိန်အဟုန်ကြောင့် အာဏာသိမ်းစစ်ကောင်စီရဲ့ အခြေအနေဟာ ပြိုလဲ ကျဆုံးချိန်ရောက်နေပြီလို့ ကရင်အမျိုးသားအစည်းအရုံး(KNU) ဥက္ကဋ္ဌ ပဒိုစောကွယ်ထူးဝင်းက ပြောကြား လိုက်ပါတယ်။
ဒီနေ့ သြဂုတ်လ ၁၂ ရက်မှာကျရောက်တဲ့ (၇၄)နှစ်မြောက် ကရင့်အာဇာနည်နေ့ ကို ပေးပို့တဲ့ သဝဏ်လွှာမှာ KNU ဥက္ကဋ္ဌ က ထည့်သွင်းပြောကြားသွားတာပါ။
Public Service Announcement
လက်ရှိအခြေအနေဟာ “ စစ်အာဏာရှင် ချုပ်ငြိမ်းပျောက်ကွယ်တော့မယ့် အခြေအနေ လည်းဖြစ်ပါတယ် “ လို့ KNU ဥက္ကဋ္ဌ ပဒိုစောကွယ်ထူးဝင်းက ပြောပါတယ်။
စစ်အာဏာရှင် စနစ် ဆုံးခန်းတိုင်ဖို့ ပူးပေါင်းဆောင်ရွက်ရမှာဖြစ်ပြီး နိုင်ငံကို ဖက်ဒရယ် ဒီမို ကရေစီ နိုင်ငံ ထူထောင်မယ်လို့လည်း ဆိုပါတယ်။
ကရင်အမျိုးသားတွေအနေနဲ့လည်း မတူညီမှုတွေ ၊ အမြင်ကွဲလွဲနေမှုတွေကို ဘေးဖယ်ပြီး ကရင်အမျိုး သားအလံတော်အောက်မှာ စည်းစည်းလုံးလုံး ပါဝင်ကြဖို့ ပဒိုစောကွယ်ထူးဝင်းက တိုက်တွန်းပါတယ်။
KNU ရဲ့ ဗဟိုစစ်ဦးစီးဌာနချုပ်ကလည်း ကရင်အမျိုးသားတွေ ငိုက်မြည်းမေ့လျာ့မနေကြဖို့နဲ့ သတိရှိရှိ တိုက်ပွဲဝင် လှုပ်ရှားကြဖို့ကို ဒီနေ့ မှာကျရောက်တဲ့ကရင့်အာဇာနည်နေ့မှာ နှိုးဆော်ပါတယ်။
KNU ဟာ စစ်တပ်အာဏာသိမ်းပြီးနောက် တော်လှန်လူငယ်တွေကို စစ်သင်တန်းပေးတာ ၊ စစ်တပ် ရဲ့ ဖမ်းဆီးမှုကနေ ထွက်ပြေးလာသူတွေကို ခိုလှုံခွင့်ပေးခဲ့ပါတယ်။
ဒါအပြင် စစ်ကောင်စီကို ဦးဆောင်တိုက်ခိုက်နေပြီး KNU လက်အောက်ခံတပ်မဟာ နယ်မြေတွေအားလုံး မှာတိုက်ပွဲတွေ ဖြစ်ပွားခဲ့ပါတယ်။
ပြီးခဲ့တဲ့ ရက်ပိုင်းက စစ်ကောင်စီ ခေါင်းဆောင် မိန့်ခွန်းပြောရာမှာ KNU ဟာ စစ်တောင်းမြစ်ဝှမ်းမှာတိုက် ပွဲဖော်ဆောင်ဖို့ စီစဉ်ထည့်နေတယ်လို့ ထည့်သွင်းပြောသွားခဲ့ပါတယ်။
စစ်တောင်းမြစ်ဝှမ်းဟာ စစ်ကောင်စီရဲ့စစ်ဌာနချုပ်တည်ရှိရာ နေပြည်တော်ဆီ ထိုးဖောက်ဖို့ အနီးဆုံးနေရာ ရှိနေတာပါ။
