သုည/People’s Spring
စစ်ကိုင်းတိုင်းအတွင်းက သပိတ်အဖွဲ့တွေ၊ ဒေသခံပြည်သူတွေက စစ်အာဏာရှင်ဆန့်ကျင်ရေး သပိတ်တွေ ဒီကနေ့ (သြဂုတ် ၁၆) မှာ အသီးသီး ချီတက်ဆန္ဒပြခဲ့ပါတယ်။
စစ်ကိုင်းတိုင်း ယင်းမာပင်မြို့နယ်မြို့နယ် ကျေးရွာတစ်ရွာမှာ အောင်လံလွှင့်မည် ဒေါင်းသွေးနီ သပိတ်စစ်ကြောင်းက ဦးဆောင်ကာ စစ်အာဏာရှင်စနစ်နဲ့ မတရားစစ်မှုထမ်းဥပဒေကို ဆန့်ကျင်ကြောင်း ဆန္ဒပြခဲ့ပါတယ်။
Public Service Announcement
ယင်းမာပင်မြို့နယ်မြောက်ခြမ်းမှာလည်း ကျေးရွာများသပိတ်အင်အားစု၊ အောင်လံလွှင့်မည်ရွှေရေကြည် လူထုသပိတ်စစ်ကြောင်းတို့က စစ်အာဏာရှင်ကို ဆန့်ကျင်ရေး လူထုသပိတ် ချီတက်ခဲ့ပါတယ်။
ဝက်လက်မြို့နယ် ကျေးရွာတစ်ရွာမှာလည်း လူထုသပိတ်တိုက်ပွဲ ဦးဆောင်ကော်မတီက ဒေသခံပြည်သူတွေကို တော်လှန်ရုပ်ရှင်ပြသခြင်း ပြုလုပ်ခဲ့ပြီး စစ်အာဏာရှင်စနစ်ကို ဆန့်ကျင်ရန်နဲ့ ဘူးသပိတ်ဆင်နွှဲရန် လှုံ့ဆော်ခဲ့ပါတယ်။
ဓာတ်ပုံ – ရွာပေါင်းစုံသပိတ်၊ အောင်လံလွှင့်မည်ဒေါင်းသွေးနီသပိတ်၊ ဝက်လက်လူထုသပိတ်
