ရောင်နီ/People’s Spring
ရန်ကုန်မြို့ရှိ ဈေးဝယ်စင်တာများတွင် ပဲဆီအပါအဝင် စားသုံးဆီများ အရောင်းပြတ်နေကြောင်း စျေးဝယ်သူများက ပြောသည်။
“ဆီတွေကပြတ်နေတာပါ “ဟု စီးတီးမတ်မှ အရောင်းဝန်ထမ်းတစ်ဦးက ပြောသည်။
Public Service Announcement
စီးတီးမတ်များအပါအဝင် ဂမုန်းပွင့် ၊ စိန်ဂေဟာစသည့် ဈေးဝယ်စင်ဝာာများတွင်လည်း ရောင်းချရန် ဆီမရှိသည်ကို တွေ့ရသည်။
“ဆီကရောက်ရင်လည်း ချက်ချင်းကုန်တယ်။ ဒါတောင်တစ်ယောက်ကို နှစ်ဘူးနှုန်းနဲ့ရောင်းပေးတာ”ဟု သမိုင်းစီးတီးမတ်မှ ဝန်ထမ်းတစ်ဦးက ပြောသည်။
လက်ရှိတွင် ဈေးဝယ်စင်တာများသာမက ရပ်ကွက်များအတွင်းရှိ ဈေးဆိုင်များတွင်လည်း အမေထွား ၊ ရန်ကုန်စသည့် ပဲဆီသန့်များဝယ်ယူ၍ မရကြောင်း ကမာရွတ်မြို့နယ်တွင်နေထိုင်သူတစ်ဦးက ပြောသည်။
ထို့အပြင် ဈေးနှုန်းအနေဖြင့်လည်း ဆီအမျိုးအစားအလိုက် တစ်ပိဿာလျှင် ကျပ်ငါးထောင်မှ ရှစ်ထောင်ခန့်အထိ မြင့်တတ်သွားကြောင်း ၎င်းက ဆိုသည်။
ဒေါ်လာဈေးစံချိန်တင်မြင့်တတ်ပြီးနောက်တွင် ဈေးကွက်အတွင်း၌ ဆီအပါအဝင် အစားအသောက်အသုံးအဆောင်များလည်း ဈေးနှုန်းများ မြင့်တတ်လာပြီး ဈေးဝယ်စင်တာများ၌ ခေါက်ဆွဲခြောက်ကဲ့သို့ အခြောက်အခြမ်းများလည်း ရောင်းအားကောင်းသည်ကိုလည်း တွေ့ရသည်။
” အခုက အပြင်မှာထက် စီးတီးမတ်တွေက ပိုတောင်သက်သာချင်တယ်။ မျက်လုံးဆို ရပ်ကွက်ထဲမှာ တစ်ထောင်ဝယ်နေရပြီ။ စီးတီးမတ်မှာက ၇၀၀ ပဲရှိတယ် “ဟု အိမ်ရှင်မတစ်ဦးကပြောသည်။
ဈေးဝယ်စင်တာများတွင်လည်း ကုန်ပစ္စည်းဈေးနှုန်းများသည် ကျပ်ငွေတန်ဖိုးအတတ်အကျအပေါ် မူတည်၍ ပြောင်းလဲနေပြီး အချို့စင်တာများတွင် ပစ္စည်းတစ်မျိုး နှစ်ခုသာဝယ်ယူရန် သတိပေးစာများကပ်ထားသည်ကို တွေ့ရသည်။
