Connect with us

Hi, what are you looking for?

သတင်း

ကျောက်နီမှော်တပ်စခန်းအနီးမှ ပျူစောထီးစုရပ်ကို တော်လှန်ရေးတပ်များ ဝင်စီး

တနင်္သာရီတိုင်း၊ လောင်းလုံးမြို့နယ်၊ ကျောက်နီမှော်ကျေးရွာရှိ စစ်ကောင်စီတပ်စခန်းအနီးမှ ပျူစောထီးအဖွဲ့စုရပ်နေရာကို တော်လှန်ရေးပူးပေါင်းအဖွဲ့များနှင့်အတူ ဝင်ရောက်စီးနင်းတိုက်ခိုက်ခဲ့ကြောင်း လောင်းလုံးမြို့နယ်ပြည်သူ့ကာကွယ်ရေးတပ်ဖွဲ့မှ တာဝန်ရှိသူတစ်ဦးက ပြောသည်။

လောင်းလုံး PDF တပ်ဖွဲ့ဝင်များကို တွေ့ရစဥ်။ဓာတ်ပုံ-ပေးပို့

ကျော်ဇော/People’s Spring

တနင်္သာရီတိုင်း၊ လောင်းလုံးမြို့နယ်၊ ကျောက်နီမှော်ကျေးရွာရှိ စစ်ကောင်စီတပ်စခန်းအနီးမှ ပျူစောထီးအဖွဲ့စုရပ်နေရာကို တော်လှန်ရေးပူးပေါင်းအဖွဲ့များနှင့်အတူ ဝင်ရောက်စီးနင်းတိုက်ခိုက်ခဲ့ကြောင်း လောင်းလုံးမြို့နယ်ပြည်သူ့ကာကွယ်ရေးတပ်ဖွဲ့မှ တာဝန်ရှိသူတစ်ဦးက ပြောသည်။

သြဂုတ်၂၂ ရက်နံနက် ၁၀ နာရီခန့်က ကျောက်နီမှော်ကျေးရွာရှိ စစ်ကောင်စီလက်အောက်ခံ ပျူစောထီးအဖွဲ့စုရာနေရာကို စီးနင်းတိုက်ခိုက်ခဲ့ခြင်းဖြစ်ပြီး အပြန်အလှန်ပစ်ခတ်ချိန် နာရီဝက်ခန့်ကြာမြင့်ကြောင်း သိရသည်။

Public Service Announcement

Public Service Announcement

“ပျူစောထီးအဖွဲ့ကို ၀င်ဝိုင်းတာဗျ။ ထွက်ပြေးလွတ်မြောက်သွားတယ်။ အဝေးတနေရာကနေ ပြန်လည်တိုက်ခိုက်တယ်။ လက်နက်ကြီးတွေနဲ့လည်း ပြန်လည်ပစ်ခတ်တယ်”ဟု လောင်းလုံး PDFမှ တာဝန်ရှိသူက ပြောသည်။

စုရပ်မှထွက်ပြေးသွားသော ပျူစောထီးများမှ ပြန်လည်ပစ်ခတ်သည့်အပြင် ပျူစုရပ်နေရာအနီး စစ်တပ်အထိုင်စခန်းကလည်း လက်နက်ကြီးပူကူပေးခဲ့ရာ ပစ်ခတ်မှုအတွင်း ပျူစောထီးကြယ်ဖြူဆိုသူ၏ဇနီးဖြစ်သူ ကျည်ထိမှန်သေဆုံးသွားကြောင်း ၎င်းက ဆက်ပြောသည်။

စစ်ကောင်စီတပ်နှင့် ပျူစောထီးများ ပစ်ခတ်နေသည့်ကြားမှ တော်လှန်ရေးတပ်ဖွဲ့များ ပြန်ဆုတ်ချိန်တွင် အထက်ပါ ပျူစောထီးများစုရပ်နေရာရှိ အဆောက်အအုံကို မီးရှို့ဖျက်ဆီးခဲ့ကြောင်း လောင်းလုံး PDFထံမှ သိရသည်။

သြဂုတ် ၁၅ ရက်ကလည်း လောင်းလုံးမြို့နယ်ရှိ မောင်းမကန်ရဲစခန်းကို တော်လှန် ရေးပူးပေါင်းတပ်များက ဝင်ရောက်တိုက်ခိုက်ခဲ့သေးသည်။ ထို့နောက် စစ်ကောင်စီတပ်ဘက်မှ အင်အားဖြည့်တင်းကာ မောင်းမကန်အပါအဝင် ကျေးရွာအချို့သို့ စစ်ကြောင်းထိုးလျှက်ရှိသည်။

ဆက်စပ်သတင်းများ

သတင်း

ပဲခူးတိုင်း၊ နတ်တလင်းမြို့နယ်မှာ ကင်းပတ်ထွက်လာတဲ့ စစ်တပ်လက်အောက်ခံ ပျူစောထီးအဖွဲ့ဝင်တွေ တိုက်ခိုက်ခံရပြီး ၂ ဦး သေဆုံးခဲ့တယ်လို့ ပဲခူးတိုင်းစစ်ဌာနက ဒီနေ့ အောက်တိုဘာ ၃၀ ရက် ညပိုင်းမှာ ထုတ်ပြန်ပါတယ်။

သတင်း

မကွေးတိုင်း၊ရေစကြိုမြို့နယ်၊ ဂွေးချိုကျေးရွာက ပျူစောထီးစခန်းကို တိုက်ခိုက်ရာ စစ်တပ်က လေကြောင်းကနေ အပြင်းအထန် ခုခံမှုကြောင့် ဆုတ်ခွာခဲ့ရတယ်လို့ ရေစကြိုမြို့နယ်အထူးလှုပ်ရှားစစ်ကြောင်းက အောက်တိုဘာ ၅ ရက်မှာ ထုတ်ပြန်ပါတယ်။

သတင်း

စစ်ကိုင်းတိုင်း၊ ကသာမြို့အခြေစိုက် စစ်တပ်ရဲ့ အမှတ်(၃၀၉)ခြေမြန်တပ်ရင်း(ခမရ-၃၀၉)က စစ်ကြောင်းထွက်လာတဲ့အတွက် ဒေသခံတွေ လုံခြုံရေးသတိပြုကြဖို့ တော်လှန် ရေးရဲဘော်တွေကသတိပေးပါတယ်။

သတင်း

တနင်္သာရီတိုင်းအတွင်း ရေဘေးသင့်ပြည်သူတွေအနေနဲ့ လိုအပ်တဲ့အကူအညီတွေ ဆက်သွယ်တောင်းခံနိုင်တယ်လို့ တော်လှန်ရေးအင်အားစုတွေကထုတ်ပြန်ထားပြီး ထိန်းချုပ်ဒေသတွေအတွင်း ကူညီကယ်ဆယ်ရေးလုပ်ငန်းတွေမှာပူးပေါင်းဆောင်ရွက်နေတယ်လို့ တော်လှန်ရေးရဲဘော်တွေက ပြောပါတယ်။

Facebook