ဇော်ရမ်း/People’s Spring
ဘင်္ဂလားပင်လယ်အော်မှ လေဖိအားနည်းရပ်ဝန်အရှိန်ကြောင့် တိုင်းနှင့်ပြည်နယ်ကိုးခု၌ မိုးကြီးနိုင်ပြီး ရေးဘေးသတိပြုနေထိုင်ကြရန် အမျိုးသားညီညွတ်ရေးအစိုးရ၊ လူသားချင်းစာနာထောက်ထားရေးနှင့်ဘေးအန္တရာယ်ဆိုင်ရာစီမံခန့်ခွဲရေးဝန်ကြီးဌာန(MOHADM)က ယနေ့(စက်တင်ဘာ ၂ရက်) သတိပေးချက်ထုတ်ပြန်သည်။
တနင်္သာရီတိုင်း၊ မွန်ပြည်နယ်၊ ကရင်ပြည်နယ်၊ ကရင်နီပြည်နယ်၊ ရန်ကုန်တိုင်း (ကိုကိုးကျွန်းမြို့နယ်)၊ ဧရာဝတီတိုင်း၊ရခိုင်ပြည်နယ်၊ မကွေးတိုင်း၊ နေပြည်တော်တို့တွင် စက်တင်ဘာ ၅ ရက်မှ ၈ရက်အတွင်း မိုးကြီးနိုင်ကြောင်း သတိပေးထားခြင်းဖြစ်သည်။
Public Service Announcement
စက်တင်ဘာပထမရက်သတ္တပတ်ပတ်အတွင်း အိန္ဒိယနိုင်ငံ အလယ်ပိုင်းတွင် ကုန်တွင်းမုတ်သုံမုန်တိုင်းငယ်ဖြစ်နေကာ ဘင်္ဂလားပင်လယ်အော်မြောက်ပိုင်းတွင် လေဖိအားနည်းရပ်ဝန်းတစ်ခု ဖြစ်ပေါ်နေသည်ဟု MOHADMက ဆိုသည်။
မိုးကြီးခြင်းနှင့် ဆက်စပ်လျက် ရေဘေး၊ မြေပြိုဘေး ထိခိုက်မှု့လျော့ပါးစေရေး ကြိုတင်ပြင်ဆင်အလေးထား နေထိုင်သင့်သည်ဟု သတိပေးထားသည်။
ဩဂုတ်လနှောင်းပိုင်းက ရှမ်းပြည်နယ်အရှေ့ပိုင်းနှင့် မြန်မာနိုင်ငံအောက်ပိုင်းဒေသများမိုးကောင်းခဲ့ပြီး တာချီလိတ်မြို့တွင် ရေကြီးနစ်မြုပ်မှုကြုံတွေ့ခဲ့သည်။ ပဲခူးတိုင်းတွင် စစ်တောင်းမြစ်ရေမြင့်တက်ခြင်းနှင့် နေရာကွက်မူကြီးမှုကြောင့် တောင်ငူမြို့နယ်အတွင်း လူနေရပ်ကွက်များအရေးကြီးနှစ်မြုပ်ခဲ့သည်။
တောင်ငူမြို့တွင် ရေဘေးသင့်ပြည်သူသုံးထောင်ခန့်သည် ရေဘေးကယ်ဆယ်ရေးစခန်းများ၌ ခိုလှုံနေရဆဲဖြစ်သည်။
