သုည/People’s Spring
စစ်ကိုင်းတိုင်းအတွင်းက သပိတ်အဖွဲ့တွေ၊ ဒေသခံပြည်သူတွေက စစ်အာဏာရှင်ဆန့်ကျင်ရေး သပိတ်စစ်ကြောင်းတွေက ဒီကနေ့ (စက်တင်ဘာ ၂)ချီတက်ဆန္ဒပြခဲ့ပါတယ်။
စစ်ကိုင်းတိုင်း ဆားလင်းကြီးမြို့နယ် ကျေးရွာတစ်ရွာမှာ ၅/ဆလက လူထုသပိတ်စစ်ကြောင်းက “စစ်အာဏာရှင် လက်အောက်လွတ်မြောက်ရေး ၁၀၂၇ စစ်ဆင်ရေးကို ကြိုဆိုအားပေး” စာသားနဲ့အတူ စစ်အာဏာရှင်ဆန့်ကျင်ရေးသပိတ် ချီတက်ခဲ့ပါတယ်။
Public Service Announcement
ယင်းမာပင်မြို့နယ်မှာလည်း ရွာပေါင်းစုံသပိတ်စစ်ကြောင်းနဲ့ တော်လှန်ပုန်ကန်ဒေါင်းတို့အားမာန်သပိတ်စစ်ကြောင်းတို့ ပူးပေါင်းကာ “1027 second wave our future” စာသားနဲ့ တိုင်းရင်းလက်နက်ကိုင်အဖွဲ့အစည်းတွေရဲ့ အလံ၊ PDF အလံတို့ကို ကိုင်စွဲကာ ကြိုဆိုထောက်ခံခဲ့ပါတယ်။
ယင်းမာပင်မြို့နယ် မြောက်ခြမ်းမှာလည်း အောင်လံလွှင့်မည်ရွှေရေကြည် လူထုသပိတ်စစ်ကြောင်း၊ အောင်လံလွှင့်မည် ဒေါင်းသွေးနီ သပိတ်စစ်ကြောင်းတို့က အာဏာသိမ်းစစ်တပ်၊ အကြမ်းဖက်စစ်တပ်ကိုအလိုမရှိကြောင်းနဲ့ မတရားစစ်မှုထမ်းဥပဒေကို ဆန့်ကျင်ကြောင်းဆန္ဒဖော်ထုတ်ခဲ့ပါတယ်။
ဓာတ်ပုံ – ရွာပေါင်းစုံသပိတ်၊ အောင်လံလွှင့်မည်ဒေါင်းသွေးနီသပိတ်
