ဇေအောင်/People’s Spring
စစ်ကိုင်းတိုင်း၊ တန့်ဆည်မြို့နယ်တွင် စစ်ကောင်စီတပ်မှ ဒုတပ်ကြပ်တစ်ဦး လက်နက်ခဲယမ်းနှင့် အလင်းဝင်လာ၍ ကျပ်သိန်း ၅၀ဆုချီးမြှင့်ခဲ့ကြောင်း တန့်ဆည်မြို့နယ်ပြည်သူ့ကာကွယ်ရေးအဖွဲ့(ပကဖ)က ထုတ်ပြန်သည်။
တန့်ဆည်မြို့နယ်တွင် အထိုင်ချတပ်စွဲထားသော စစ်ကောင်စီတပ်မှ ဒုတပ်ကြပ်တစ်ဦးသည် MA 1 တစ်လက်နှင့် ကျည်များယူဆောင်လာကာ အလင်းဝင်လာခဲ့ခြင်းဖြစ်ကြောင်း တန့်ဆည်ပကဖက ယနေ့(စက်တင်ဘာ ၄ ရက်) အသိပေးသည်။
Public Service Announcement
အလင်းဝင်လာသော ဒုတပ်ကြပ်အား ကျပ်သိန်း ၅၀ဆုချီးမြင့်ခဲ့ပြီး ကောင်းမွန်စွာစောင့်ရှောက်ထားကြောင်း တန့်ဆည်ပကဖက ထပ်မံအသိပေးသည်။
အလင်းဝင်လာသော ဒုတပ်ကြပ်နှင့်ပတ်သက်၍ တန့်ဆည်ပကဖထံ ဆက်သွယ်မေးမြန်းထားပြီး ပြန်လည်ဖြေကြားခြင်း မရှိသေးပေ။
အလားတူ ပြီးခဲ့သည့် သြဂုတ် ၂၀ရက်ကလည်း တန့်ဆည်မြို့မရဲစခန်းမှ ရဲဒုတပ်ကြပ်တစ်ဦး Freedom Revolution Force (FRF) နှင့် မင်းကင်းရင်း (၂)ပူးပေါင်းအဖွဲ့ထံသို့ လက်နက်ခဲယမ်းများနှင့်အတူ အလင်းဝင်လာပြီး PDFနှင့်ပူးပေါင်း၍ စစ်ကောင်စီအား ဆက်လက်တော်လှန်နေကြောင်း သတင်းရရှိသည်။
