'/%3E%3C/svg%3E){kind=small}
သတိုး/People’s Spring
ပြည်သူ့ကာကွယ်ရေးတပ်မတော် ရန်ကုန်တိုင်း စစ်ဌာန ၊ တပ်ရင်း(၅၁၀၂)သို့ စစ်ကောင်စီ၏ ရေတပ်မှတပ်ကြပ်တစ်ဦး လက်နက်မဲ့အလင်းဝင်လာကြောင်း ရန်ကုန်တိုင်းစစ်ဌာနက အသိပေးထားသည်။
အလင်းဝင်လာသူမှာ မော်လမြိုင် အမှတ် (၂) ဗျူဟာစစ်ရေယာဉ်အုပ်စုမှ တပ်ကြပ်ညီညီလွင်ဖြစ်ပြီး လုပ်ထုံးလုပ်နည်းများနှင့်အညီလက်ခံကာ ဂုဏ်ပြုဆုငွေပေးအပ်ခဲ့ကြောင်း ရန်ကုန်တိုင်းစစ်ဌာနက စက်တင်ဘာ ၅ရက်တွင် သတင်းထုတ်ပြန်သည်။
Public Service Announcement
“လက်နက်ချပြီး ပြည်သူနှင့်ပူးပေါင်းလိုသော စစ်ကောင်စီတပ်သားများကို ရန်ကုန်တိုင်းစစ်ဌာနချုပ်မှ လက်ခံကြိုဆိုလျက်ရှိကာ လူ့အခွင့်အရေးအပြည့်အဝရရှိစေပြီး လက်နက်ဖြင့်အလင်းဝင်လာသူများကို ဆုငွေများချီးမြှင့်ပေးသွားမည်ဖြစ်သည်။”ဟု ထုတ်ပြန်ချက်၌ ဖော်ပြထားသည်။
ရန်ကုန်တိုင်းစစ်ဌာန တပ်ရင်း(၅၁၀၂)ကို ပြီးခဲ့သည့် ဇွန်လ ၁ရက်တွင်စတင်ဖွဲ့စည်းခဲ့ခြင်းဖြစ်ပြီး ဩဂုတ်အတွင်းကလည်း တပ်မ (၄၄) လက်အောက်ခံ ခမရ(၂)မှ တပ်သားနှစ်ဦး အလင်းဝင်ခဲ့သည်။
