စောနွေဦး/People’s Spring
မကွေးတိုင်း၊ ပွင့်ဖြူမြို့နယ်၊ လယ်မကျေးရွာတွင် ပျူစောထီးခေါင်းဆောင်တစ်ဦး အသတ်ခံရပြီးနောက် စစ်ကောင်စီတပ်က အနီးရှိကျေးရွာများအား စစ်ကြောင်းထိုးရန်ပြင်ဆင်နေကြောင်း ဒေသခံများက ပြောသည်၊၊
လယ်မကျေးရွာမှ ပျူစောထီးခေါင်းဆောင်ရာဇာကို ဒေသကာကွယ်ရေးတပ်များက စက်တင်ဘာ ၈ရက်တွင် ပစ်ခတ်ရှင်းလင်းပြီးနောက် စစ်ကောင်စီတပ်က လယ်မရွာအနီးရှိကျေးရွာများအား စစ်ကြောင်းထိုးရန်ပြင်ဆင်နေခြင်း ဖြစ်သည်။
“ပျူစောထီး နှစ်ယောက်ကို ကာကွယ်ရေးတပ်တွေက သတင်းအရကြိုစောင့်ပြီးပစ်တာ။ တစ်ယောက်က ခေါင်းထိပြီး သေသွားတယ်။ တစ်ယောက်က ဒဏ်ရာရသွားတယ်”ဟု ဒေသခံတစ်ဦးက ပြောသည်။
Public Service Announcement
ထိုသို့ပစ်ခတ်မှုဖြစ်ပြီးနောက် ယစ်ပြင်နှင့် ဆင်လူးကျေးရွာမှ ပျူစောထီးများပါအဝင်သည့် စစ်ကောင်စီစစ်ကြောင်းသည် ကား ၃ စီးဖြင့် လယ်မကျေးရွာထွက်လာစဉ် ကာကွယ်ရေးတပ်များက ဆင်လူးရွာနှင့် မဲဇလီကျေးရွာကြားတွင် စီးကြိုတိုက်ခိုက်ခဲ့သည်ဟုလည်း အခြားဒေသခံတစ်ဦးကလည်း ပြောသည်။
လက်ရှိတွင် စစ်ကောင်စီတပ်က မဲဇလီရွာတွင် အင်အားစုပြီး အနီးရှိ ကျေးရွာများအား စစ်ကြောင်းထိုးရန် ပြင်ဆင်နေသည်ဟု ဆိုသည်။
