'/%3E%3C/svg%3E){kind=small}
ဟန်နွေ/People’s Spring
အမျိုးသားညီညွတ်ရေးအစိုးရ(NUG)နှင့် မြန်မာနိုင်ငံလုံးဆိုင်ရာ ကျောင်းသားများဒီမိုကရက်တစ်တပ်ဦး(ABSDF)တို့အကြား နားလည်မှုစာချွန်လွှာချုပ်ဆိုခဲ့ကြောင်း ယနေ့ ထုတ်ပြန်လိုက်ပြီး စစ်ရေး၊ နိုင်ငံရေး၊ ဘဏ္ဍာရေး၊ လူထုစည်းရုံးရေးကဏ္ဍများတွင် ပူးပေါင်းဆောင်ရွက်မည်ဟု အသိပေးသည်။
အဆိုပါနားလည်မှု စာချွန်လွှာချုပ်ဆိုပွဲကို ယနေ့ စက်တင်ဘာ ၁၂ရက်ပြုလုပ်ခဲ့ရာ NUG ယာယီသမ္မတ ဒူဝါလရှီးလ ၊ ပြည်ထောင်စုဝန်ကြီးချုပ် မန်းဝင်းခိုင်သန်း ၊ ကာကွယ်ရေးဝန်ကြီး ဦးရည်မွန် ၊ ပြည်ထဲရေးနှင့်လူဝင်မှုကြီးကြပ်ရေးဝန်ကြီး ဦးလွင်ကိုလတ်အပါအဝင် တာဝန်ရှိသူများ တက်ရောက်ခဲ့ပြီး ABSDFဘက်မှ ဥက္ကဋ္ဌ ရဲဘော် သံခဲ ၊ ဒုဥက္ကဋ္ဌ ရဲဘော်လဆိုင်းတို့ ဦးဆောင်သည့် အဖွဲ့ ဝင်များ တက်ရောက်ခဲ့သည်ဟု NUGက ဖော်ပြသည်။ ABSDFကလည်း ၎င်းတို့၏ Facebookတွင် အသိပေးထားသည်။
” အပြန်အလှန် နားလည်မှု ၊ နိုင်ငံရေးဂုဏ်သိက္ခာ အပြန်အလှန်အသိအမှတ်ပြုမှုတို့ကို အခြေခံပြီး နှစ်ဖက်အဖွဲ့အစည်း နှစ်ခုအကြား ခိုင်မာအားကောင်းသော ဆက်ဆံမှုတည်ဆောက်ရေး ၊ စစ်အာဏာရှင်စနစ် ပပျောက်ရေး နဲ့ အနာဂတ် ဖက်ဒရယ် ဒီမိုကရက်တစ် ပြည်ထောင်စု ပေါ်ထွန်းရေးလုပ်ငန်းများမှာ အတူတကွ လက်တွဲ တိုက်ပွဲဝင် ပူးပေါင်းဆောင်ရွက်ရေးကို ရည်ရွယ်ပြီး နားလည်မှုစာချွန်လွှာ ချုပ်ဆိုခဲ့ကြတာပါ”ဟု NUGက ဖော်ပြသည်။
Public Service Announcement
နားလည်မှုစာချွန်လွှာအရ အမျိုးသားညီညွတ်ရေးအစိုးရ(NUG)နှင့် မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး (ABSDF)တို့အကြား နိုင်ငံရေး ၊ လူထုစည်းရုံးရေး ၊ စစ်ရေး နဲ့ ဘဏ္ဍာရေး ကဏ္ဍရပ်တွေမှာ ပူးပေါင်းဆောင်ရွက်သွားမည်ဖြစ်ကြောင်း အသိပေးထားသည်။
ABSDFသည် ရှစ်လေးလုံးအရေးတော်ပုံကာလက ပေါ်ပေါက်လာသည့် ကျောင်းသားတပ်မတော်ဖြစ်ပြီး ၂၀၂၁ စစ်တပ်အာဏာသိမ်းပြီးနောက် လူငယ်များ ပါဝင်အားဖြည့်ကာ အားကောင်းသည့် တပ်ဖွဲ့တစ်ခုအဖြစ် ရောက်ရှိလာကာ စစ်ကောင်စီကို တိုက်ခိုက်လျက်ရှိသည်။ ထိုသို့ တိုက်ခိုက်ရာတွင် PDF တပ်ရင်းတပ်ဖွဲ့များ၊ အခြားသော တိုင်းရင်းသားတော်လှန်ရေးတပ်များနှင့်ပူးပေါင်းပြီး ကချင်၊ ကရင်၊ စစ်ကိုင်း၊ မကွေး ၊ မွန်၊မန္တလေး စစ်ဆင်ရေးများ၌ ပါဝင်နေသည်။
