သုည/People’s Spring
စစ်ကိုင်းနဲ့ တနင်္သာရီတိုင်းမှာ သပိတ်အဖွဲ့တွေ၊ ဒေသခံပြည်သူတွေက စစ်အာဏာရှင်ဆန့်ကျင်ရေး သပိတ်လှုပ်ရှားမှုတွေ ဒီကနေ့ (စက်တင်ဘာ ၁၈)မှာ အသီးသီး ပြုလုပ်ခဲ့ပါတယ်။
စစ်ကိုင်းတိုင်း ယင်းမာပင်မြို့နယ်မှာ လူငယ့်အားမာန်သပိတ်စစ်ကြောင်းနဲ့ တော်လှန်ပြည်သူတွေ ပူးပေါင်းကာ ၁၀၂၇ ဒုတိယလှိုင်းကို ကြိုဆိုကြောင်း၊ စစ်အာဏာရှင်ကို ဆန့်ကျင်ကြောင်း လူထုသပိတ်တိုက်ပွဲဆင်နွှဲခဲ့ပါတယ်။
Public Service Announcement
အလားတူ ယင်းမာပင်မြို့နယ်မြောက်ခြမ်းမှာလည်း အောင်လံလွှင့်မည် ဒေါင်းသွေးနီ သပိတ်စစ်ကြောင်းက အာဏာသိမ်းစစ်တပ်နဲ့ မတရားစစ်မှုထမ်းဥပဒေကို ဆန့်ကျင်ကြောင်း ဆန္ဒဖော်ထုတ်ခဲ့ပါတယ်။
ရွှေဘိုမြို့နယ်မှာလည်း သပိတ်အင်အားစု ရဲဘော်တွေက တော်လှန်ပြည်သူတွေ၊ ဒေသပြည်သူ အင်အားစုတွေ ပူးပေါင်းကာ တော်လှန်ရုပ်ရှင်ပြသခြင်းနဲ့ စစ်အာဏာရှင်ဆန့်ကျင်ရေးဆန္ဒထုတ်ဖော် ကြွေးကြော်ခြင်းတွေ ပြုလုပ်ခဲ့ပါတယ်။
တနင်္သာရီမြို့နယ်မှာလည်း ကျောင်းသားများသမဂ္ဂ (ဗကသများ အဖွဲ့ချုပ်) က “ရွှေဝါရောင်တော်လှန်ရေးစိတ်ဓာတ်နှိုးကြွားလာရေးဘယ်လိုပါ၀င်ဆောင်ရွက်မလဲ” ခေါင်းစဉ်နဲ့ ဆွေးနွေးခဲ့ကြပြီး ခေတ်အဆက်ဆက် ဒီမိုကရေစီတိုက်ပွဲအတွင်း ကျဆုံးသွားတဲ့ ကျောင်းသား ပြည်သူတို့ကို အလေးပြုခြင်းတွေ လုပ်ဆောင်ခဲ့ပါတယ်။
ဓာတ်ပုံ – ရွာပေါင်းစုံသပိတ်၊ အောင်လံလွှင့်မည်ဒေါင်းသွေးနီသပိတ်၊ DDMSC
