စောနွေဦး/People’s Spring
ဆောမြို့မရဲစခန်းမှ ရဲတပ်ကြပ်ကြီးတစ်ဦးသည် စက်ကလေးခေါ် MA-2တစ်လက် ယူဆောင်လာပြီး ဂန့်ဂေါခရိုင်၊ အမှတ်(၃)တပ်ရင်းထံအလင်းဝင်လာကြောင်း အဆိုပါတပ်ရင်းက ထုတ်ပြန်ထားသည်။
အဆိုပါ တပ်ကြပ်ကြီးသည် လက်နက်ခဲယမ်းများယူဆောင်လာ၍ ထိုက်ထိုက်တန်တန် ဆုချီးမြှင့်ခဲ့သည်ဟု အဆိုပါတပ်ရင်းက ဆိုသည်။
Public Service Announcement
“ရဲစခန်းကနေ မြို့လယ်ခေါင်မှာလေ ဘယ်မှမထွက်ရဲကြဘူး။ ဒါကြောင့်အခုလို တစ်ယောက်ပြီးတစ်ယောက် အလင်းဝင်လာကြတာပါ”ဟုဆောမြို့ခံတစ်ဦးက ပြောသည်။
လက်ရှိအချိန်တွင် စစ်ကောင်စီတပ်ပြုတ်ကျရေးအတွက် စစ်ရေးအရှိန်မြင့်တင်နေသည့် ကာလဖြစ်၍ စစ်ကောင်စီလက်အောက်ခံ စစ်သားများ၊ ရဲများ အသက်အာမခံချက်ရှိစေရန် မင်းအောင်လှိုင် စစ်တပ်ကို စွန့်ခွာပြီး ပြည်သူ့ရင်ခွင်ခိုလှုံကြရန်လည်း ဂန့်ဂေါခရိုင်၊အမှတ်(၃)တပ်ရင်းက ထုတ်ပြန်ထားသည်။
မတ်လ ၁၈ရက်ကလည်း စစ်ကောင်စီတပ်သားတစ်ဦးသည် အဆိုပါတပ်ရင်းသို့ လက်နက်ဖြင့် အလင်းဝင်ရောက်ခဲ့သေးသည်။
