Connect with us

Hi, what are you looking for?

သတင်း

ကမ္ဘာ့အင်အားကြီးနိုင်ငံများ၏လက်ဝေခံ မဖြစ်ရေး နှင့် နိုင်ငံကြီးများ နိုင်ငံခြားရေးကစားကွင်း၌ နယ်ရုပ်မဖြစ်စေရေးကို အလေးအနက်ထားကြရန် အထူးလိုအပ်​ကြောင်း NUG ယာယီသမ္မတ​ပြော

မြန်မာနိုင်ငံ၏ ပြည်တွင်းရေးကိစ္စသည်အင်အားကြီးနိုင်ငံများ၏ အားပြိုင်မှုများ ကြား၌ အမြဲလူးသာလွန်သာအောင် ကြိုးစားရသည့် အခြေအနေဖြစ်ကြောင်း အမျိုးသားညီညွတ်ရေးအစိုးရ (NUG) ယာယီသမ္မတ ဒူဝါလရှီးလက အသိပေးကာ နိုင်ငံ၏ လွတ်လပ်သော အချုပ်အခြာ အာဏာကို အထူးလေးစားကြရန်လိုအပ်ကြောင်း ပြောကြားသည်။

NUG ယာယီသမ္မတ ဒူဝါလရှီးလ။ ဓါတ်ပုံ-NUG

ဟန်နွေ/People’s Spring

မြန်မာနိုင်ငံ၏ ပြည်တွင်းရေးကိစ္စသည်အင်အားကြီးနိုင်ငံများ၏ အားပြိုင်မှုများ ကြား၌ အမြဲလူးသာလွန်သာအောင် ကြိုးစားရသည့် အခြေအနေဖြစ်ကြောင်း အမျိုးသားညီညွတ်ရေးအစိုးရ (NUG) ယာယီသမ္မတ ဒူဝါလရှီးလက အသိပေးကာ နိုင်ငံ၏ လွတ်လပ်သော အချုပ်အခြာ အာဏာကို အထူးလေးစားကြရန်လိုအပ်ကြောင်း ပြောကြားသည်။

စက်တင်ဘာ ၂၄ရက်က ကျင်းပသည့် အစိုးရ အဖွဲ့အစည်းအဝေး၌ ယာယီသမ္မတကပြောကြားခဲ့ခြင်းဖြစ်သည်။

Public Service Announcement

Public Service Announcement

နိုင်ငံ ကြီးသည် ဖြစ်စေ ငယ်သည်ဖြစ်စေ နိုင်ငံတစ်ခုသည် နိုင်ငံတော် ဆိုသည့် ဂုဏ်ဒြပ်နှင့် ထိုက်တန်စွာ ရှိနေရမည်ဟုလည်း ယာယီသမ္မတက ​ပြောသည်။

“ကျွန်တော်တို့အနေနဲ့ တိုင်းပြည်အတွင်းက လူမျိုးအားလုံးရဲ့ ကိုယ့်ကြမ္မာကိုယ် ပြဋ္ဌာန်းခွင့်ကိုအထူးလေးစားသလို၊ ကျွန်တော်တို့ နိုင်ငံရဲ့ လွတ်လပ်သော အချုပ်အခြာအာဏာကိုလည်း အထူးလေးစားကြဖို့ လိုကြောင်း ပြောကြားအပ်ပါတယ်။” ဟု ယာယီသမ္မတက ပြောကြားသည်။

ယခုကဲ့သို့ စစ်ရေး ၊ နိုင်ငံရေး များစွာ အကဲဆတ်သည့် အခြေအနေတွင် နိုင်ငံရေးအရ အကြမ်းနှင့် အနု / အမာနှင့် အပျော့ / အပူနှင့် အအေး ဆိုသည့် ဝိရောဓိများကိုသိမ်မွေ့စွာ ကိုင်တွယ်နိုင်ရေး အလေးထား လုပ်ဆောင်ရန်လိုအပ်ကြောင်း ယာယီသမ္မတက ပြောသည်။

“ဒေသတွင်းနိုင်ငံရေး ရာသီဥတု အခြေအနေတွေဟာ စစ်အာဏာရှင်စနစ် သက်ဆိုးရှည်ရေးအတွက် ဦးတည်စေတာမျိုး လုံးဝ ဖြစ်လို့ မရဘူးလို့ ပြောချင်ပါတယ်။ အကျိုးစီးပွားဟာ လက်တွေ့နိုင်ငံရေးမှာ အရေးတကြီး ထည့်သွင်းစဉ်းစားကြတဲ့ ကိစ္စဖြစ်တာကြောင့်၊ နိုင်ငံကြီးတွေရဲ့ နိုင်ငံခြားရေးအမြင်တွေကို လေ့လာအကဲခတ်တဲ့နေရာမှာ ကျွန်တော်တို့ဟာ reality ကို ချန်လှပ်ထားလို့ မရဘူးလို့ ပြောချင်ပါတယ်။ ကျယ်ပြန့်တဲ့ နိုင်ငံ

တကာဆက်ဆံရေး နယ်ပယ်မှာ ကမ္ဘာ့အင်အားကြီးနိုင်ငံတွေရဲ့ လက်ဝေခံ အဖြစ်မခံရေးနဲ့ နိုင်ငံကြီးတွေရဲ့ နိုင်ငံခြားရေးကစားကွင်းမှာ နယ်ရုပ်မဖြစ်စေရေးကို အလေးအနက်ထားကြဖို့ အထူးလိုအပ်ပါတယ်” ဟု ယာယီသမ္မတက ပြောသည်။

ပြည်ထောင်စုဝန်ကြီးချုပ်မန်းဝင်းခိုင်သန်းကလည်း တော်လှန်ရေးအဖွဲ့များ အချင်းချင်းအကြား နားလည်မှု ပိုအားကောင်းလေ စစ်အုပ်စုကို အမြန်ဖယ်ရှားနိုင်ပြီး ရည်မှန်းချက် ပန်းတိုင် ရောက်ရှိမည်ဖြစ်၍ အချိတ်အဆက်မိစွာဖြင့် တော်လှန်ရေးအပေါ် အကျိုးသက်ရောက်မှု ကောင်းအောင် အားစိုက် လုပ်ဆောင်ကြရန် တိုက်တွန်းခဲ့သည်။

ဆက်စပ်သတင်းများ

သတင်း

လူမျိုးပေါင်းစုံ ချစ်ကြည်ရေး၊လွတ်မြောက်ရေးအတွက် တနိုင်ငံလုံးအတိုင်းအတာနဲ့ ဟန်ချက်ညီညီချိတ်ဆက်ဖို့ အမျိုးသားညီညွတ်ရေးအစိုးရ၊ ယာယီသမ္မတ ဒူ၀ါလရှီးလအပါအ၀င် တော်လှန်ရေးခေါင်းဆောင်တွေ ဆွေးနွေးခဲ့တယ်လို့ ကယန်းအမျိုးသားတပ်မတော် (KNA)ရဲ့အတွင်းရေးမှူး ခွန်းရဲခေါင်က ပြောပါတယ်။

သတင်း

တော်လှန်ရေးအင်အားစုတွေ ညီညွတ်ဖို့၊ စစ်ရေးအရဟန်ချက်ညီဖို့၊ ဗျူဟာမြောက်ပူးပေါင်းမှု ပိုမြှင့်တင်ဖို့ NUG တိုက်တွန်း

သတင်း

နိုင်ငံတော်ရဲ့ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ သားဖြစ်သူ ကိုထိန်လင်းတို့ ဖုန်းနဲ့ဆက်သွယ်ပြောဆိုခွင့်ရရှိခဲ့တဲ့အပေါ် အမျိုးသားညီညွတ်ရေးအစိုးရ(NUG)က သဘောထား ထုတ်ပြန်ခဲ့ရာ မိသားစုဝင်တွေ၊ မြန်မာပြည်သူတွေနဲ့ထပ်တူ ဝမ်းမြောက်ကြောင်း ဖော်ပြပြီး ဖြစ်စဉ်တခုလုံးကို အလေးအနက်ထား စောင့် ကြည့်လျက်ရှိဟု ထုတ်ပြန်ပါတယ်။

သတင်း

လက်နက်ကိုင်တပ် ၁၉ဖွဲ့နဲ့ စုဖွဲ့ထားတဲ့ နွေဦးတော်လှန်ရေးမဟာမိတ်တပ်ပေါင်းစု(SRA)ရဲ့ ဒုတိယအကြိမ်ညီလာခံ ဖွင့်ပွဲအခမ်းအနားကို ဖက်ဒရယ်ဒီမိုကရေစီပြည်ထောင်စုပေါ်ထွန်းရေးဦးဆောင်ကောင်စီ (SCEF) တာဝန်ရှိသူတွေ တက်ရောက်ခဲ့ကြောင်း SCEFက အောက်တိုဘာ ၁၀ရက်ညပိုင်းမှာ ထုတ်ပြန်ပါတယ်။

Facebook