Connect with us

Hi, what are you looking for?

သတင်း

NUG အပါအဝင် တိုင်းရင်းသားလက်နက်ကိုင်အဖွဲ့များနှင့် တိုက်ရိုက်ထိတွေ့ဆက်ဆံရန် နိုင်ငံတကာကို ကုလအရာရှိတိုက်တွန်း

မြန်မာ့အရေးအဖြေရှာရန် အမျိုးသားညီညွတ်ရေးအစိုးရ NUG၊ တိုင်းရင်းသားလက်နက်ကိုင်အဖွဲ့များ၊ အရပ်ဘက်အဖွဲ့အစည်းများ၊ အမျိုးသမီးများ၊​ လူငယ်များနှင့် တိုက်ရိုက်ထိတွေ့ဆက်ဆံမှတဆင့် နိုင်ငံရေးလုပ်ငန်းစဥ်ကို လုပ်ဆောင်ရန် ကုလသမဂ္ဂလူ့အခွင့်အရေး ဒုတိယမဟာမင်းကြီးက တိုက်တွန်းပြောကြားသည်။

ကုလသမဂ္ဂလူ့အခွင့်အရေးဆိုင်ရာ ဒုတိယမဟာမင်းကြီး Nada Al-Nashif ။ ဓာတ်ပုံ - Iraninternational

အီယိုရီ/People’s Spring

မြန်မာ့အရေးအဖြေရှာရန် အမျိုးသားညီညွတ်ရေးအစိုးရ NUG၊ တိုင်းရင်းသားလက်နက်ကိုင်အဖွဲ့များ၊ အရပ်ဘက်အဖွဲ့အစည်းများ၊ အမျိုးသမီးများ၊​ လူငယ်များနှင့် တိုက်ရိုက်ထိတွေ့ဆက်ဆံမှတဆင့် နိုင်ငံရေးလုပ်ငန်းစဥ်ကို လုပ်ဆောင်ရန် ကုလသမဂ္ဂလူ့အခွင့်အရေး ဒုတိယမဟာမင်းကြီးက တိုက်တွန်းပြောကြားသည်။

လူ့အခွင့်အရေးဆိုင်ရာ မဟာမင်းကြီး၏ ‘မြန်မာနိုင်ငံလူ့အခွင့်အရေးအခြေအနေ အစီရင်ခံစာ’နှင့်ပတ်သက်၍ အပြန်အလှန်ဆွေးနွေးပြောကြားမှုတွင် ဒုတိယမဟာမင်းကြီးက ကုလသမဂ္ဂအဖွဲ့ဝင်နိုင်ငံများနှင့် အာဆီယံအဖွဲ့ဝင်နိုင်ငံများအနေဖြင့် မြန်မာနိုင်ငံတွင် စစ်ကောင်စီကြောင့်ဖြစ်ပေါ်နေသော အကျပ်အတည်းကို အဆုံးသတ်နိုင်ရေး ‘ချဥ်းကပ်မှုအသစ်’ ချမှတ်လုပ်ဆောင်ရန် တိုက်တွန်းသည်။

Public Service Announcement

Public Service Announcement

ကုလသမဂ္ဂလူ့အခွင့်အရေးဆိုင်ရာ ဒုတိယမဟာမင်းကြီးက ၎င်း၏ အစီရင်ခံစာတွင် မြန််မာနိုင်ငံ အခြေအနေမှာ ဆင်းရဲဒုက္ခတွင်းထဲ ဆက်လက်နစ်မြှုပ်နေပြီး စစ်ကောင်စီက အရပ်သားပြည်သူများကို ပစ်မှတ်ထားသည့် လေကြောင်းတိုက်ခိုက်မှု၊ လက်နက်ကြီးပစ်ခတ်မှုများကိုလည်း မီးမောင်းထိုးတင်ပြခဲ့သည်။ ထို့အပြင် တိုင်ဖွန်းရာဂီအတွင်း စစ်ကောင်စီက လူသားချင်းစာနာမှုအကူအညီများကို တားဆီးပိတ်ပင်အမြတ်ထုတ်သည့်အခြေအနေကိုလည်း လူ့အခွင့်အရေးဆိုင်ရာ ဒုတိယမဟာမင်းကြီးက ထည့်သွင်း အစီရင်ခံသည်။

စစ်ကောင်စီကြောင့်ဖြစ်ပေါ်နေသည့် အကျပ်အတည်းကို အဆုံးသတ်နိုင်ရေးအတွက် နည်းလမ်းသုံးခုကိုလည်း အထက်ပါ ဒုတိယမဟာမင်းကြီးက အဆိုပြုတင်ပြသည်။

ယင်းနည်းလမ်းသုံးခုမှာ လက်နက်ခဲယမ်းနှင့် စစ်လက်နက်ပစ္စည်းများ၊ လေယာဥ်ဆီများကို ဖြတ်တောက်နိုင်မည့် နည်းလမ်းများကို ရှာဖွေလုပ်ဆောင်ရန်၊ NUG နှင့် တိုင်းရင်းသားလက်နက်ကိုင်အဖွဲ့များနှင့် တိုက်ရိုက်ထိတွေ့ရန်၊ နယ်စပ်ဖြတ်ကျော်နည်းလမ်းများဖြင့် လူသားချင်းစာနာမှုအကူအညီများပေးရန် အချက်များ ဖြစ်သည်။

ကုလသမဂ္ဂလူ့အခွင့်အရေးဆိုင်ရာ မဟာမင်းကြီး၏ အစီရင်ခံစာအပေါ် NUG လူ့အခွင့်အရေးဆိုင်ရာဝန်ကြီး ဦးအောင်မျိုးမင်းက ပြန်လည်ဆွေးနွေးခဲ့ပြီး ကြိုဆိုထောက်ခံကြောင်း ပြောကြားသည်။

လက်နက်ကိုင်ပဋိပက္ခကာလအတွင်း အရပ်သားပြည်သူများအပေါ် လူ့အခွင်းအရေးချိုးဖောက်မှုများကို မလုပ်ဆောင်ဘဲ လေးစားကာကွယ်ပေးရန် တောင်းဆိုချက်ကို NUG အနေဖြင့် အထူးလေးစားလိုက်နာမည်ဟု ထပ်လောင်းကတိပြုကြောင်း ဝန်ကြီးဦးအောင်မျိုးမင်းက ပြောသည်။

ဆက်စပ်သတင်းများ

သတင်း

လူမျိုးပေါင်းစုံ ချစ်ကြည်ရေး၊လွတ်မြောက်ရေးအတွက် တနိုင်ငံလုံးအတိုင်းအတာနဲ့ ဟန်ချက်ညီညီချိတ်ဆက်ဖို့ အမျိုးသားညီညွတ်ရေးအစိုးရ၊ ယာယီသမ္မတ ဒူ၀ါလရှီးလအပါအ၀င် တော်လှန်ရေးခေါင်းဆောင်တွေ ဆွေးနွေးခဲ့တယ်လို့ ကယန်းအမျိုးသားတပ်မတော် (KNA)ရဲ့အတွင်းရေးမှူး ခွန်းရဲခေါင်က ပြောပါတယ်။

သတင်း

တော်လှန်ရေးအင်အားစုတွေ ညီညွတ်ဖို့၊ စစ်ရေးအရဟန်ချက်ညီဖို့၊ ဗျူဟာမြောက်ပူးပေါင်းမှု ပိုမြှင့်တင်ဖို့ NUG တိုက်တွန်း

သတင်း

နိုင်ငံတော်ရဲ့ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ သားဖြစ်သူ ကိုထိန်လင်းတို့ ဖုန်းနဲ့ဆက်သွယ်ပြောဆိုခွင့်ရရှိခဲ့တဲ့အပေါ် အမျိုးသားညီညွတ်ရေးအစိုးရ(NUG)က သဘောထား ထုတ်ပြန်ခဲ့ရာ မိသားစုဝင်တွေ၊ မြန်မာပြည်သူတွေနဲ့ထပ်တူ ဝမ်းမြောက်ကြောင်း ဖော်ပြပြီး ဖြစ်စဉ်တခုလုံးကို အလေးအနက်ထား စောင့် ကြည့်လျက်ရှိဟု ထုတ်ပြန်ပါတယ်။

သတင်း

လက်နက်ကိုင်တပ် ၁၉ဖွဲ့နဲ့ စုဖွဲ့ထားတဲ့ နွေဦးတော်လှန်ရေးမဟာမိတ်တပ်ပေါင်းစု(SRA)ရဲ့ ဒုတိယအကြိမ်ညီလာခံ ဖွင့်ပွဲအခမ်းအနားကို ဖက်ဒရယ်ဒီမိုကရေစီပြည်ထောင်စုပေါ်ထွန်းရေးဦးဆောင်ကောင်စီ (SCEF) တာဝန်ရှိသူတွေ တက်ရောက်ခဲ့ကြောင်း SCEFက အောက်တိုဘာ ၁၀ရက်ညပိုင်းမှာ ထုတ်ပြန်ပါတယ်။

Facebook