Connect with us

Hi, what are you looking for?

သတင်း

ရေဘေးကြောင့်ကောလင်းမှာ ၆ဦးသေဆုံး၊၂ဦး​ပျောက်ဆုံး

စစ်ကိုင်းမှာ​ရေ​ဘေ​ကြောင့်​သေဆုံးသူ ၂၀ ဦးရှိလာ

(​ကောလင်းမြို့နယ်မှာ​ရေကြီး​နေစဥ်နဲ့ မူးမြစ်​ရေကြီးလို့ မြစ်တစ်​လျှောက်​ဒေသ​တွေ​ရေလွှမ်းမိုး​နေစဥ်။ ဓါတ်ပုံ- ​ရေဦသတင်းမှန်ပြန်ကြား​ရေး၊​ကောလင်းပကဖ)

ဩဂုတ်-၁၁၊၂၀၂၆။နှင်း/ People’s Spring

စစ်ကိုင်းတိုင်း၊ကောလင်းမြို့နယ်မှာ CDM ကျောင်းဆရာတဦးအပါအဝင် ရေဘေး ကြောင့် သေဆုံးသူ၆ဦးရှိလာပြီး ပျောက်ဆုံး နေသူ ၂ ဦးရှိတယ်လို့ ကောလင်းမြို့နယ်၊ပြည်သူ့ကာကွယ်ရေးအဖွဲ့(ပကဖ) တာဝန်ရှိသူတဦးက​ပြောပါတယ်။

ကောလင်းမြို့နယ်၊နတ်တောင်ရွာက၁ဦး၊တော်မော်ရွာက CDM ကျောင်းဆရာ၁ဦး၊တောင်မော်အင်ပင်သာက ၁ဦး ၊လှည်းပွဲ၁ဦး၊ဝါးရုံခုံး ၁ဦး၊နတ်အင်း၁ဦးတို့ ဖြစ်တယ်လို့ မြို့နယ်ပကဖ တာဝန်ရှိသူတဦးက ပြောပါတယ်။ ဒါ့အပြင်ပျောက်ဆုံး နေသူ၂ဦးလည်းရှိပြီး ရှာဖွေနေကြဆဲဖြစ်တယ်လို့ သိရပါတယ်။

“ယာယီပြောင်းရွှေ့ရတဲ့မိသားစုက ၃, ၀၀၀

Public Service Announcement

Public Service Announcement

လောက် ရှိတယ်။ မြို့နယ် အဖွဲ့တွေက ရပ်ကျေးတွေနဲ့ ချိတ်ဆက် ကူညီနေကြပေမယ့် တနေရာနဲ့တနေရာ ကူးမရတဲ့ပြဿနာတွေလည်း ရှိနေတယ်။ ကောလင်းအ‌​ရှေ့ခြမ်း တောင်မော်နဲ့လှည်းပွဲဘက် က တော်တော်ဆိုးတယ်။အနောက်ခြမ်း ကလည်းတာဘောင်တွေ ကျိုးလို့ တော်‌​တော်ဆိုးတယ်”လို့ မြို့နယ်ပကဖတာ ဝန်ရှိသူက ပြောပါတယ်။

သြဂုတ်၁၀ ရက်ညနေပိုင်းကရေအနည်းငယ်ပြန်ကျ ပေမယ့် ပျက်စီးဆုံးရှူံး မှု တွေ များတယ်လို့ ​ဒေသခံအချို့က​ပြောပါတယ်။

ကျွန်းလှမြို့နယ်၊သဖန်းဆိပ်ရေ လှောင်တမံက နေ ရေထွက်ပေါက် ၁၂ပေါက်ကတဆင့် ရေလွှတ်ခဲ့ပြီး နောက် စစ်ကိုင်းတိုင်းအတွင်းက မြို့နယ်​တွေမှာ ရေမြှုပ်လူသေဆုံးမှု တွေဖြစ် နေတာ ဖြစ်ပါတယ်။

ကနဦးရတဲ့သတင်း​တွေအရ စစ်ကိုင်းတိုင်းအတွင်း ရေဘေးကြောင့် ကောလင်းမြို့နယ်က၆ဦး ၊ဒီပဲယင်းမြို့နယ်၇ဦးနဲ့ တန့်ဆည်မြိုနယ်၄ ဦး၊‌ခင်ဦးမြို့နယ်၁ဦး၊ရွှေဘိုမြို့နယ်၂ဦး စုစု​ပေါင်း သေဆုံးသူ ၂၀ ဦးရှိ​နေပြီဖြစ်ပါတယ်။ဒါအပြင် ​ပျောက်ဆုံး​နေသူ​တွေလည်းရှိတာ​ကြောင့် ​သေဆုံးသူအ​ရေအတွက်ထပ်တိုးလာနိုင်ပါတယ် ။

ဆက်စပ်သတင်းများ

သတင်း

စစ်ကိုင်းတိုင်းအထက်ပိုင်း၊ အင်းတော်၊ ကောလင်း၊ဝန်းသိုနဲ့ မော်လူးမြို့ကို ဝင်ရောက်လာတဲ့ စစ်တပ်စစ်ကြောင်းနဲ့ လေကြောင်း၊လက်နက်ကြီးပစ်ခတ်မှုတွေကြောင့် အရပ်သား သေဆုံးသူ ၂၀ဦးထက်မနည်းရှိနေတယ်လို့ ဒေသခံစစ်ဘေးရှောင်တွေက ပြောပါတယ်။

သတင်း

တနင်္သာရီတိုင်းသရက်ချောင်းမြို့နယ် ကညင်ချောင်းကျေးရွာကို အာဏာသိမ်းစစ်တပ်က လေကြောင်းကနေ ဗုံးကြဲခဲ့လို့ ကလေးငယ်အပါအဝင် ပြည်သူ ၄ဦးသေဆုံးပြီးဒဏ်ရာရသူတွေလည်းရှိခဲ့တယ်လို့ ကရင်အမျိုးသားအစည်းအရုံး(KNU)မြိတ်ထားဝယ်ခရိုင်ကသတင်းထုတ်ပြန်ပါတယ်။

သတင်း

ဧရာဝတီတိုင်းအတွင်း ရေဘေးသင့်ဒေသတွေမှာပျက်စီးသွားတဲ့စပါးခင်းတွေအတွက် စစ်​ကောင်စီကပြန်လည်ထောက်ပံ့တဲ့ မျိုးစပါးတွေ အရည်အသွေးညံ့ပြီး ပျိုးမ‌အောင်တဲ့အတွက်​ရေ​ဘေးသင့်​တောင်သူ​တွေ ဆုံးရှုံးမှုတွေထပ်မံကြုံတွေ့ရတယ်လို့ဒေသခံတောင်သူလယ်သမားတွေကပြောပါတယ်။

သတင်း

ရေဘေးနဲ့ မြေပြိုဘေး ဆိုးရွားစွာကြုံတွေ့ခဲ့ရတဲ့ လောင်းလုံးမြို့နယ်၊ တောကျဲကျေးရွာမှာ ဒီကနေ့ ရုပ်အလောင်း ၁လောင်း ထပ်မံတူးဖော်တွေ့ရှိခဲ့တယ်လို့ ဒေသခံတွေက ပြောပါတယ်။