ဩဂုတ် ၁၀၊၂၀၂၆၊ကတ်သရင်း/People’s Spring
မန္တလေးမြို့ ၊ဈေးချိုတော်က ငလျင်ကြောင့်ပျက်စီးသွားတဲ့ တိုက်တန်းဖြိုချနေတုန်းမှာ ပြိုကျသွားပြီး လူနဲ့ ကျန်အဆောက်အဦးတွေထိခိုက်မှုမရှိဘူးလို့ မြို့ခံတွေက ပြောပါတယ်။
၂၀၂၅ မတ်လ၂၈ရက်က လှုပ်ခတ်ခဲ့တဲ့ စစ်ကိုင်းငလျင်ကြီးမှာ တိုက်တန်းလေး လို့ခေါ်တဲ့ မန္တလေးမြို့၊၈၄လမ်း၊၂၆လမ်းနဲ့၂၇လမ်းကြားက ဈေးချိုတိုက်ခန်းပါဝင်ပြီး အဲဒီအဆောက်အဦးကို ကုမ္ပဏီတစ်ခုက တာဝန်ယူဖြိုချ နေတာလို့ သိရပါတယ်။
အဲဒီအဆောက်အဦးဟာ ဒီနေ့ ဩဂုတ် ၁၀ရက် နေ့လည်ပိုင်းမှာ အဆောက်အဦးလိုက်ပြိုကျခဲ့ပြီး လူတွေ ဘေးကင်းခဲ့တယ်လို့ သိရပါတယ်။
Public Service Announcement
“အဆောက်အဦးက တော်တော်ယိုင်နေပြီ။ကြောက်စရာကြီး။ဘယ်တော့ ပြိုကျမလဲလို့ စောင့်ကြည့် နေရတာ။အခု ပြိုကျသွားတော့ စိတ်အေးသွားတာ ပေါ့”ဈေးချို ဈေးသည်တစ်ဦးက ပြောပါတယ်။
ယခင်ရက်တွေက အလုပ်သမားတချို့ဖြိုချနေတာ တွေ့ရပြီး ဒီနေ့ပြိုကျချိန်မှာ လူမရှိတာမို့ အထိခိုက်မရှိဘူးလို့ အနီးနားနေထိုင်သူတွေက ပြောပါတယ်။
မန္တလေးမြို့ ငလျင်လှုပ်ခတ်မှုမှာ လူပေါင်း၂၀၀၀ ကျော် သေဆုံးပြီး ငလျင်ကြီးလှုပ်ခတ်ပြီးမှု ၁နှစ် ကျော်ကြာသည်အထိ ငလျင်ငယ်တွေဆက်တိုက်လှုပ်ခတ်နေဆဲဖြစ်ပါတယ်။
