Connect with us

Hi, what are you looking for?

သတင်း

စစ်​ကောင်စီစစ်​ကြောင်းတစ်​ကြောင်းလုံးပြုတ်ခဲ့​သော ဘုတလင်တိုက်ပွဲကို NUG ထုတ်ပြန်

ဘုတလင်တိုက်ပွဲတွင် ဗိုလ်မှူးဦးဆောင်သည့် ၈၅ ဦးပါ စစ်ကောင်စီစစ်ကြောင်း​တွင် သုံးဆယ်​ကျော်​သေဆုံပြီး ဗိုလ်ကြီးနှစ်ဦးပါ စစ်သုံ့ပန်း ၄၃ ဦး ဖမ်းမိကာလက်နက်မျိုးစုံ (၅၆) လက်နှင့် ခဲယမ်းမီးကျောက်များ သိမ်းဆည်းနိုင်ခဲ့ကြောင်းအမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန (MOD)သတင်းထုတ်ပြန်သည်။

စစ်သုံ့ပန်းများနှင့် သိမ်းဆည်းရရှိ​သောလက်နက်ခဲယမ်းများ ။ဓါတ်ပုံ-NUG-MOD

လူအေး/People’s Spring

ဘုတလင်တိုက်ပွဲတွင် ဗိုလ်မှူးဦးဆောင်သည့် ၈၅ ဦးပါ စစ်ကောင်စီစစ်ကြောင်း​တွင် သုံးဆယ်​ကျော်​သေဆုံပြီး ဗိုလ်ကြီးနှစ်ဦးပါ စစ်သုံ့ပန်း ၄၃ ဦး ဖမ်းမိကာလက်နက်မျိုးစုံ (၅၆) လက်နှင့် ခဲယမ်းမီးကျောက်များ သိမ်းဆည်းနိုင်ခဲ့ကြောင်းအမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန (MOD)သတင်းထုတ်ပြန်သည်။

စက်တင်ဘာလ ၃၀ ရက်နေ့က ဘုတလင်မြို့နယ်တွင် စစ်​ကောင်စီတပ်စစ်​ကြောင်းတစ်​ကြောင်းကို ​တော်လှန်​ရေးတပ်ဖွဲ့ တိုက်ခိုက်​အောင်ပွဲရခဲ့​​သော သတင်းကို ကာကွယ်​ရေးဝန်ကြီးဌာနကအောက်တိဘာလ ၃ရက်တွင် တရားဝင်သတင်းထုတ်ပြန်ခြင်းဖြစ်သည်။

Public Service Announcement

Public Service Announcement

စက်တင်ဘာလ ၃၀ရက်နေ့က ဘုတလင်မြို့နယ်၊ ကူတော်ရွာ ရဲကင်းစခန်းမှ ဘုတလင်သို့ပြန်လာသော ဗိုလ်မှူးကျော်တင့် (ခမရ-၁၀၆) ဦးဆောင် ခမရ (၁၀၆၊ ၃၀၉၊ ၁၆)၊ ခလရ ၂၂၉၊ နမခ တိုင်းလက်အောက်ခံ ပူးပေါင်းအင်အား (၈၅) ဦးပါ စစ်ကြောင်းအား စီပါရွာ‌ အနောက်တောင်ဘက်တွင် ပြည်သူ့ကာကွယ်ရေးတပ်မတော် (PDF) နှင့် ပူးပေါင်းတပ်ဖွဲ့များက စောင့်ကြိုတိုက်ခိုက်ခြင်း

ဖြစ်သည်ဟု သိရသည်။

နေ့လည် ၁၂နာရီ၄၃မိနစ်မှ ညနေ ၅နာရီ၄ဝမိနစ်အထိ တိုက်ပွဲ ဖြစ်ခဲ့ပြီး စစ်ကောင်စီဘက်မှ ၃၃ ဦး သေဆုံး(အလောင်းရ) ပြီး လက်နက်ချအညံ့ခံသဖြင့် ဗိုလ်ကြီး နှစ်ဦးပါ စစ်သုံ့ပန်း ၄၃ ဦး ဖမ်းမိခဲ့သည်ဟု ထုတ်ပြန်ထားသည်။ ထို့အပြင်လက်

နက်မျိုးစုံ (၅၆) လက်နှင့် ခဲယမ်းမီးကျောက်များ သိမ်းဆည်းရမိခဲ့ဟု ​ဖော်ပြထားသည်။

“အလောင်းရတဲ့အထဲ အရာရှိတွေပါ ပါတယ်။ လွတ်နေတာက ကိုးယောက်။ ထွက်ပြေးနေတာ” ဟု ပြည်သူ့ကာကွယ်ရေးတပ်ဖွဲ့ဝင်တစ်ဦးကပြောသည်။

စစ်ကြောင်းတစ်ခုလုံးပြုတ်အောင် တိုက်ခိုက်ခံရပြီးနောက် စစ်ကောင်စီသည် ဘုတလင်မြို့နယ်၊မောင်းထောင်းကျေးရွာရှိ စာသင်ကျောင်းကို အောက်တိုဘာလ ၂ရက်ညနေ၂နာရီခွဲခန့်တွင် ဂျက်ဖိုက်တာနှစ်စီးဖြင့် ဗုံး၁၀ လုံးကြဲခဲ့သည်။ ဒေသခံအများအပြားသည် ဘေးလွတ်ရာသို့တိမ်းရှောင်နေကြ၍ ​ဒေသခံပြည်သူတစ်ဦးသာဒဏ်ရာနည်းငယ်ရခဲ့သည်။

ဖမ်းမိထားသူများကို စစ်သုံ့ပန်းဥပဒေနဲ့အညီထိန်းသိမ်းထားပြီး စစ်ဆေးနေဆဲဟု ဘုတလင်မြို့နယ်ပကဖအဖွဲ့ဝင်တစ်ဦးကပြောသည်။

အဆိုပါ တိုက်ပွဲစတင်ချိန်မှ ပြီးဆုံးချိန်အထိ ၄နာရီ ၅၇မိနစ်တိတိကြာခဲ့သည်။ တိုက်ပွဲအတွင်း စစ်ကောင်စီက ဂျက်ဖိုက်တာဖြင့် ကိုးကြိမ်ဗုံးကြဲတိုက်ခိုက်ခဲ့သည်။ကာကွယ်ရေးရဲဘော်များသည် မြေပြင်စစ်ကြောင်းကို ချေမှုန်းတိုက်ခိုက်နေစဉ် လေကြောင်းအန္တရာယ်ကိုပါ အန်တုတိုက်ခိုက်ခဲ့ကြရခြင်းဖြစ်သည်။

ထိုတိုက်ပွဲကို မုံရွာခရိုင် အမှတ်(၂၀)တပ်ရင်းနှင့်အတူ ULF ယင်းမာပင်တပ် ပေါင်းစုစစ်ကြောင်း၊ ဘုတလင်မြို့နယ် ပကဖ၊ SAF‌ (ကျောင်းသားတပ်)၊BMT(ဘုတလင်မိုဘိုင်းလ်တီးမ်)၊ FRF ၊မုံရွာခရိုင် ဗျူဟာ ‌‌‌‌‌၆၆(၁၉၊၂၁၊၂၆)၊ ‌‌PLA (ကွန်မြူနစ်တပ်)၊ BLDF၊ 96 Soldiers၊ ရွှေဘိုခရိုင် တပ်ရင်း(၉၊၁၂)၊ရေဦး၊ဒီပဲယင်း ပကဖ‌‌များ၊ ဘုတလင်မြို့နယ် ပလဖ၊KUGF(ခင်ဦး)၊ပြည်သူ့လူမိုက် လိုကယ်လ်အဖွဲ့၊မုံရွာခရိုင် တပ်ရင်း(၈)၊ Golden Brothers Local၊ အရာတော်နှင့်မိတ္ထီလာ ဒရုန်း အဖွဲ့များ၊ရွှေဘို ပကဖ ဒရုန်းအဖွဲ့၊UHF ဒရုန်းအဖွဲ့များ၊ SSTF ဒရုန်းအဖွဲ့၊ချင်းတွင်း ဘရားသား ဒရုန်းအဖွဲ့နှင့်အတူ တခြားမဟာမိတ်အဖွဲ့များ ကပူးပေါင်း တိုက်ခိုက်ခဲ့ခြင်းဖြစ်သည်။

“နာရီနဲ့ချီပြီး အပြတ်ဆော်ခဲ့ကြတဲ့ပွဲ။ ဒါမျိုးကိုနွှဲချင်နေတာကြာပြီ။ ဆက်နွှဲမှာ” ဟုဘုတလင်တိုက်ပွဲ ကိုယ်တိုင်ပါဝင်​ခဲ့​သော PDFတစ်ဦးကပြောသည်။

မုံရွာခရိုင် အမှတ်၂၀ တပ်ရင်း( BOB )မှ တာဝန်ရှိသူကလည်း “အထိအခိုက် နည်းနည်း နဲ့ ချေမှုန်း နိုင်တာ စည်းလုံးမှု၊ စုဖွဲ့မှု ၊ညီညွတ်မှုကြောင့်ပါပဲဗျ”ဟု ​ပြောသည်။

ဆက်စပ်သတင်းများ

သတင်း

လူမျိုးပေါင်းစုံ ချစ်ကြည်ရေး၊လွတ်မြောက်ရေးအတွက် တနိုင်ငံလုံးအတိုင်းအတာနဲ့ ဟန်ချက်ညီညီချိတ်ဆက်ဖို့ အမျိုးသားညီညွတ်ရေးအစိုးရ၊ ယာယီသမ္မတ ဒူ၀ါလရှီးလအပါအ၀င် တော်လှန်ရေးခေါင်းဆောင်တွေ ဆွေးနွေးခဲ့တယ်လို့ ကယန်းအမျိုးသားတပ်မတော် (KNA)ရဲ့အတွင်းရေးမှူး ခွန်းရဲခေါင်က ပြောပါတယ်။

သတင်း

တော်လှန်ရေးအင်အားစုတွေ ညီညွတ်ဖို့၊ စစ်ရေးအရဟန်ချက်ညီဖို့၊ ဗျူဟာမြောက်ပူးပေါင်းမှု ပိုမြှင့်တင်ဖို့ NUG တိုက်တွန်း

သတင်း

နိုင်ငံတော်ရဲ့ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ သားဖြစ်သူ ကိုထိန်လင်းတို့ ဖုန်းနဲ့ဆက်သွယ်ပြောဆိုခွင့်ရရှိခဲ့တဲ့အပေါ် အမျိုးသားညီညွတ်ရေးအစိုးရ(NUG)က သဘောထား ထုတ်ပြန်ခဲ့ရာ မိသားစုဝင်တွေ၊ မြန်မာပြည်သူတွေနဲ့ထပ်တူ ဝမ်းမြောက်ကြောင်း ဖော်ပြပြီး ဖြစ်စဉ်တခုလုံးကို အလေးအနက်ထား စောင့် ကြည့်လျက်ရှိဟု ထုတ်ပြန်ပါတယ်။

သတင်း

လက်နက်ကိုင်တပ် ၁၉ဖွဲ့နဲ့ စုဖွဲ့ထားတဲ့ နွေဦးတော်လှန်ရေးမဟာမိတ်တပ်ပေါင်းစု(SRA)ရဲ့ ဒုတိယအကြိမ်ညီလာခံ ဖွင့်ပွဲအခမ်းအနားကို ဖက်ဒရယ်ဒီမိုကရေစီပြည်ထောင်စုပေါ်ထွန်းရေးဦးဆောင်ကောင်စီ (SCEF) တာဝန်ရှိသူတွေ တက်ရောက်ခဲ့ကြောင်း SCEFက အောက်တိုဘာ ၁၀ရက်ညပိုင်းမှာ ထုတ်ပြန်ပါတယ်။

Facebook