သုည/People’s Spring
စစ်ကိုင်းတိုင်းမှာ သပိတ်အဖွဲ့တွေ၊ ဒေသခံပြည်သူတွေက (၇၉)ကြိမ်မြောက် ကုလသမဂ္ဂမှာ သံအမတ်ကြီး ဦးကျော်မိုးထွန်းကို ဆက်လက်ထားရှိဖို့အတွက် ထောက်ခံကြောင်း ဒီကနေ့ (အောက်တိုဘာ ၁၅)မှာ အသီးသီး ဆန္ဒထုတ်ဖော်ခဲ့ပါတယ်။
စစ်ကိုင်းတိုင်း ဆားလင်းကြီးမြို့နယ်မှာ လက်ပံတောင်းတောင်ပင်မသပိတ်က ပြည်သူ့ကာကွယ်ရေး(ပ.က.ဖ) နဲ့ အတူ ပူးပေါင်းပြီး မြန်မာနိုင်ငံရဲ့ သံအမတ်ဦးကျော်မိုးထွန်းကို ကုလသမဂ္ဂမှာ ဆက်လက်ထားရှိရေး ထောက်ခံကြိုဆိုပွဲ ပြုလုပ်ခဲ့ပါတယ်။
Public Service Announcement
လက်ပံတောင်းတောင်ဒေသမှာလည်း စစ်အာဏာရှင်ဆန့်ကျင်ရေး သပိတ်အင်အားစုက သံအမတ်ကြီးဦးကျော်မိုးထွန်းကို ထောက်ခံကြောင်း “Our Ambassador Myanmars Voice ငါတို့သံအမတ်ကြီးသည် ငါတို့မြန်မာပြည်ရဲ့အသံ ဖြစ်သည်” စတဲ့ စာသားကိုင်ဆောင်ပြီး ဆန္ဒထုတ်ဖော်ခဲ့ကြပါတယ်။
ယင်းမာပင်မြောက်ခြမ်းမှာလည်း နောက်ပြန်မလှည့်ကြေး ဒီတော်လှန်ရေး သပိတ်စစ်ကြောင်း၊ အောင်လံလွှင့်မည်ဒေါင်းသွေးနီ သပိတ်စစ်ကြောင်းတို့က “Our Ambassador Myanmars Voice” စာသားကိုင်ဆောင်ပြီး သံအမတ်ကြီးဦးကျော်မိုးထွန်းကို ထောက်ခံကြောင်း ပြသခဲ့ပါတယ်။
စစ်ကိုင်းတိုင်းအတွင်း သပိတ်အင်အားစုတွေဟာ ဦးကျော်မိုးထွန်းကို သံအမတ်အဖြစ် ဆက်လက်နေရာရရှိဖို့ နေ့စဥ်ရက်ဆက်ဆိုသလို ဆန္ဒပြတောင်းဆိုနေကြပါတယ်။
ဓာတ်ပုံ – ရွာပေါင်းစုံသပိတ်၊ လက်ပံတောင်းသပိတ်အင်အားစု၊ ဆားလင်းကြီးလူထုသပိတ်
