ရဲခေါင်/People’s Spring
ကရင်နီပြည်နယ်၊ လွိုင်ကော်မြို့အဝင်မုဒ်ဦးအား အနီရောင်ဆေးသုတ်ထားရာမှ အပြာရောင်အဖြစ် စစ်ကောင်စီက ပြောင်းလဲဆေးသုတ်နေကြောင်း ဒေသခံအချို့က လူထုနွေဦးသို့ ပြောသည်။
ဒီချုပ်အစိုးရလက်ထက်က တည်ဆောက်ခဲ့သောမုဒ်ဦးအား အနီရောင် ဆေးသုတ်ထားမှုအပေါ် စစ်ကောင်စီက ယမန်နေ့ကစ၍ အပြာရောင်အဖြစ်ပြောင်းလဲ ဆေးသုတ်ခဲ့ခြင်းဟု ဆိုသည်။
Public Service Announcement
“မြို့ဝင်ဆိုင်းဘုတ် အသေးရော မုဒ်ဦးကိုပါ အပြာရောင်သုတ်လိုက်တာ။သိရသလောက်တော့ ဝန်ကြီးချုပ်က လွိုင်ကော်မြို့ဘေးကင်းဖို့ ယတြာချေတယ်ကြားတယ်”ဟု လွိုင်ကော်မြို့နေပြည်သူတစ်ဦးက ပြောသည်။
လွိုင်ကော်မြို့သို့ စစ်ခေါင်းဆောင်မင်းအောင်လှိုင် လာရောက်ခဲ့ပြီး တစ်လကျော်အကြာတွင် လုပ်ဆောင်ခြင်းဖြစ်သည်။
ယမန်နှစ်ကုန်ပိုင်းက ၁၁၁၁စစ်ဆင်ရေးနှင့်အတူ လွိုင်ကော်မြို့ကိုပါ ကရင်နီတပ်ပေါင်းစုက ထိုးစစ်ဆင်ခဲ့ပြီး မြို့လယ်ရပ်ကွက်အချို့ကိုပါ လအတန်ကြာ ထိန်းချုပ်နိုင်ခဲ့သည်။
သို့သော် စစ်ကောင်စီ၏ ပင်မအခြေစိုက်တပ်များကို သိမ်းပိုက်နိုင်မှုမရှိခြင်း၊ လေကြောင်းတိုက်ခိုက်မှုများပြားခြင်းနှင့် မြေပြင်စစ်ကူများစွာရောက်ရှိလာ၍ လွိုင်ကော်မြို့ကို ကရင်နီတပ်ပေါင်းစုဘက်က ပြန်လည်ဆုတ်ခွာပေးခဲ့ရသည်။
