သံအမတ်ကြီးဦးကျော်မိုးထွန်းအား ကုလမှာ ဆက်လက်ခန့်ထားရေး စစ်ကိုင်းတိုင်းက ပြည်သူတွေ ဆန္ဒပြတောင်းဆို

သုည/People’s Spring

စစ်ကိုင်းတိုင်းမှာ သပိတ်အဖွဲ့တွေ၊ ဒေသခံပြည်သူတွေက သံအမတ်ကြီးဦးကျော်မိုးထွန်းအား ကုလသမဂ္ဂမှာ ဆက်လက်ခန့်ထားရေးအတွက် ဒီကနေ့ (အောက်တိုဘာ ၂၃) မှာ အသီးသီး ဆန္ဒပြတောင်းဆိုခဲ့ကြပါတယ်။

စစ်ကိုင်းတိုင်း ပုလဲမြို့နယ်မှာ ကုလသမဂ္ဂဆိုင်ရာ သံအမတ်အဖြစ် ဦးကျော်မိုးထွန်းကို ဆက်လက်ခန့်ထားရေး လူထုလုပ်ရှားမှု ပြုလုပ်ခဲ့ကြပါတယ်။

Public Service Announcement

ဒါ့အပြင် အတုအယောင် ရွေးကောက်ပွဲပြုလုပ်ဖို့ စစ်ကောင်စီက သန်းခေါင်စာရင်း ကောက်ယူနေမှုကိုလည်း ဆန့်ကျင်ကြောင်း ဆန္ဒထုတ်ဖော်ခဲ့ပါတယ်။

ရွှေဘိုမြို့နယ်မှာလည်း သံအမတ်ကြီး ဦးကျော်မိုးထွန်းကို ထောက်ခံကြောင်း “Our Ambassador Myanmars Voice ငါတို့သံအမတ်ကြီးသည် ငါတို့မြန်မာပြည်ရဲ့အသံ ဖြစ်သည်” စတဲ့ စာသားတွေ ကိုင်ဆောင်ပြီး လူထုဆန္ဒကို ထုတ်ဖော်ခဲ့ကြပါတယ်။

ယင်းမာပင်မြို့နယ် ကျေးရွာတစ်ရွာမှာလည်း အောင်လံလွှင့်မည်ဒေါင်းသွေးနီသပိတ်စစ်ကြောင်းက သံအမတ်ကြီး ဦးကျော်မိုးထွန်းကို ကုလသမဂ္ဂမှာ ဆက်လက်ခန့်အပ်ရေး တောင်းဆိုဆန္ဒပြခဲ့ကြပါတယ်။

ဓာတ်ပုံ – ရွာပေါင်းစုံသပိတ်၊ ရွှေဘိုမြို့နယ်လူထုသပိတ်