ထားမြတ်/People’s Spring
နိုဝင်ဘာ ၁၆ရက်မှ ၁၈ရက်အတွင်း စစ်ကောင်စီနှင့် PDF အဖွဲ့များအကြား ရေနံချောင်းမြို့နယ်အတွင်းထိတွေ့တိုက်ပွဲဖြစ်ခဲ့ကြောင်း ကနဦး သတင်းအသိပေးထားပြီး တိုက်ပွဲဖြစ်ပွားမှု အခြေအနေအသေးစိတ်ကို ဖော်ပြမထားပေ။
ထို့ပြင် စစ်ကောင်စီ ဝါဒဖြန့် တယ်လီဂရမ်တွင် ဖော်ပြထားသကဲ့သို့ ကာကွယ်ရေးတပ်ဖွဲ့များ၏ လက်နက် ၁လက်နှင့် ကျည်များ စစ်ကောင်စီက သိမ်းရသည်ဆိုသည်မှာ လုံး၀ မဟုတ်မှန်ဟုလည်း ရေနံချောင်း PDFက ရှင်းလင်းခဲ့သည်။
သုံးရက်ကြာဖြစ်ပွားခဲ့သည့် ထိတွေ့ တိုက်ပွဲသတင်း အသေးစိတ်အား ဆက်လက်ထုတ်ပြန်သွားမည်ဟုလည်း ရေနံချောင်း PDFက အသိပေးသည်။
Public Service Announcement
ရေနံချောင်း PDFသည် ဒေသတွင်း ကာကွယ်ရေးတပ်ဖွဲ့အချို့နှင့် ပူးပေါင်းပြီး ရေနံချောင်းမြို့နယ်အတွင်း စစ်ရေးလှုပ်ရှားလာသည့် စစ်ကောင်စီတပ်များကို တိုက်ခိုက်ခဲ့ရာ စက်တင်ဘာနှင့် အောက်တိုဘာအတွင်းကလည်း တိုက်ပွဲအချို့ ဖြစ်ခဲ့သည်။
အောက်တိုဘာ ၂၁ရက်က ရေနံချောင်းမြို့နယ် မကျည်းကန်အုပ်စု ရွှေကျင်ကန်ရွာအနီး၊ အောက်တိုဘာ ၂၂ရက်တွင် အလယ်ကုန်းရွာအနီးတွင် ဒေသကာကွယ်ရေးပူးပေါင်းတပ်က စစ်ကောင်စီတပ်ကို တိုက်ခိုက်ခဲ့သည်။
