အိမ်သွင်/People’s Spring
မုန်းမြို့ ရပ်ကွက်(၄)မှ အသက် ၅၀ ခန့်အမျိုးသားတစ်ဦးသည် ၎င်းနေထိုင်ရာတောင်ယာအနီး ယနေ့ (နိုဝင်ဘာလ ၂၂ရက် )နံနက်ပိုင်း၌ မိုင်းနင်းမိ၍ ခြေ ထောက်တစ်ဖက် ဒဏ်ရာအပြင်းအထန်ရရှိသွားခြင်းဖြစ်သည်။
“တောင်ငူကို အချိန်မှီလွှဲနိုင်လိုက်တယ်။အခု ခွဲစိပ်ခန်းဝင်နေရပြီ။ရွာမှာကစစ်ရေးအခြေအနေက တင်းမာနေတဲ့အနေအထားပါ” ဟု မုန်းမြို့ခံတဦးကပြောသည်။
မုန်းမြို့သည် ကရင်အမျိုးသာအစည်းအရုံး(KNU) အုပ်ချုပ်နယ်မြေ ညောင်လေးပင်ခရိုင်တွင်ပါဝင်သည်။
Public Service Announcement
နိုဝင်ဘာ ၂၀ ရက်ကလည်း စစ်ကောင်စီတပ်က လက်နက်ကြီးများဖြင့် ပစ်ခတ်၍ ဒေသခံ ၄ ဦး ဒဏ်ရာရခဲ့သည်ဟု ကရင်အမျိုးသားအစည်းအရုံး( KNU)က သတင်းထုတ်ပြန်ထားသည်။ ထို့အပြင် မုန်းမြို့နယ်တွင် မြေမြုပ်မိုင်းပေါက်ကွဲမှုမကြာခဏဖြစ်ပြီး ဒေသခံများအတွက် မိုင်းအန္တရာယ်ကြီးမားနေသည်။
မြန်မာနိုင်ငံတဝှမ်းတွင် ပြီးခဲ့သည့် ၂၀၂၃ခုနှစ်အတွင်း မြေမြုပ်မိုင်းကြောင့် ထိခိုက်သေဆုံးသူ ၁၀၀၀ကျော်ရှိခဲ့ပြီး ကမ္ဘာပေါ်တွင် အများဆုံးဖြစ်ခဲ့သည်။
ယခင်နှစ်များက အများဆုံးဖြစ်သော ဆီရီးယားနိုင်ငံကို ကျော်လွန်ကာ မြန်မာ နိုင်ငံက ကမ္ဘာပေါ်တွင် အများဆုံးစံချိန်တင်ခဲ့ခြင်းဖြစ်ကြောင်း မြေမြှုပ်မိုင်းအသုံးပြုမှု တားမြစ်ရေး နိုင်ငံတကာစည်းရုံးလှုံ့ဆော်ရေးအဖွဲ့ (ICBL) က နိုဝင်ဘာလ ၂၀ရက် ထုတ်ပြန်သည်။
စစ်ကောင်စီတပ်များသည် ၎င်းတို့စီးနင်းတိုက်ခိုက်ခဲ့သည့် ကျေးရွာများတွင် မြေမြုပ်မိုင်းအများအပြားထောင်ထားခဲ့ပြီး အဆိုပါလုပ်ရပ်ကြောင့် အရပ်သားများထိခိုက်သေဆုံးမှုမကြာခဏကြုံတွေ့နေရသည်ဟု တော်လှန်ရေးအင်အားစုများကပြောသည်။
