ထားမြတ်/People’s Spring
ပြည်သူ့ကာကွယ်ရေးတပ်မတော်၊ တောင်ပိုင်းစစ်ဒေသ၊ စစ်ဒေသခွဲအမှတ်(၃)၊ ဒေါနတပ်ရင်း အမည်သုံးပြီး ငွေကြေးကောက်ခံမှုများရှိနေ၍ ထိုသို့ပြုလုပ်မှုများတွေ့ရှိပါက တိုင်ကြားနိုင်ကြောင်း ဒေါနစစ်ကြောင်းက ကြေညာချက် ထုတ်ပြန်သည်။
ဒေါနတပ်ရင်းအနေဖြင့် ပြည်သူလူထုထံမှ ငွေကြေးကောက်ယူခြင်း၊ငွေညှစ်ခြင်း၊လောင်းကစားဝိုင်းများခွင့်ပြုခြင်း၊အခွန်/ဆက်ကြေးကောက်ခံခြင်းများ စသည့် ပြည်သူလူထုပေါ် အကျင့်ပျက်အနိုင်ကျင့်သည့် လုပ်ရပ်များကို အဖွဲ့အစည်းစတင်တည်ထောင်ချိန်မှစ၍ ယခုအချိန်ထိ ပြုလုပ်ခဲ့ခြင်းမရှိဟု အသိပေးပြီး နောက်နောင်တွင်လဲ လုံးဝပြုလုပ်မည်မဟုတ်ကြောင်း ဖော်ပြသည်။
” စစ်ကြောင်းအမည်နဲ့ တချို့လက်နက်ကိုင်အဖွဲ့တွေ အသုံးချနေတာကြောင့်ဖြစ်ပါတယ်”ဟု ဒေါနစစ်ကြောင်း စစ်ကြောင်းမှူးစောဒါးကိုကကြေညာချက် ထုတ်ပြန်ရခြင်းအပေါ် ပြောပြသည်။
Public Service Announcement
ထို့ကြောင့် ပြည်သူများအနေဖြင့် ဒေါနတပ်ရင်းအမည်သုံး၍သော်လည်းကောင်း ငွေကြေးကောက်ခံမှုလုပ်ရပ်များ ပြုလုပ်ပါက (သို့မဟုတ်) ပြုလုပ်သည်ကိုတွေ့ရှိပါက သက်သေနှင့်တကွ တိုင်ကြားနိုင်ပြီး အကျင့်ပျက်လုပ်ရပ်များအား ထိထိရောက်ရောက်အရေးယူများမည်ဖြစ်ကြောင်း အသိပေးသည်း။
တိုင်ကြားနိုင်သည့် ဖုန်းနံပါတ် ၀၉ ၈၈၄၈၉၆၇၄၅ ကို ထုတ်ပြန်ခဲ့ပြီး ဒေါနတပ်ရင်း၏ တရားဝင် Daw Na Column -P29902 (ဒေါနစစ်ကြောင်း) Facebook Page သို့လည်း သက်သေနှင့်တကွဆက်သွယ်တိုင်ကြားနိုင်သည်ဟု အသိပေးသည်။
ဒေါနစစ်ကြောင်းသည် တနင်္သာရီနှင့် မွန်ဒေသတွင် ဒေသတွင်းတော်လှန်ရေးတပ်များနှင့်ပူးပေါင်းပြီး စစ်ကောင်စီကို တိုက်ခိုက်နေသည့် တပ်ဖွဲ့ဖြစ်သည်။
