▪︎ပြည်သူပိုင်ပစ္စည်းများခိုးယူ၍ဓားစာခံဖမ်းဆီး
မကွေးတိုင်း၊ စလင်းမြို့နယ်တွင် စစ်ကောင်စီတပ်က ကျေးရွာများသို့ စစ်ကြောင်းထိုးနေပြီး ပြည်သူပိုင်ပစ္စည်းများအား အတင်းအဓမ္မယူဆောင်သည့်အပြင် ပြည်သာအချို့ကို ဓား စာခံအဖြစ် ဖမ်းဆီးနှိပ်စက်မှုများရှိနေကြောင်း ဒေသခံများက လူထုနွေဦးသို့ ပြော သည်။
စစ်ကောင်စီတပ်သားများနှင့် ပျူစောထီးပူးပေါင်းအဖွဲ့မှ အင်အား ၇၀ ခန့်သည်ဒီဇင်ဘာလ ၁၃ ရက်နေ့ကတည်းက စလင်းမြို့နယ်၊ စည်ဆွဲကျေးရွာအုပ်စုရှိ ကျေးရွာများသို့ တစ်ရွာဝင်တစ်ရွာက်ထွက် စစ်ကြောင်းထိုးဝင်ရောက်နေခြင်းဟု ဒေသခံများက ပြောသည်။
စစ်ကောင်စီတပ်များဝင်ရောက်စစ်ကြောင်းထိုးနေသည့် ကျေးရွာများမှာစည်ဆွဲ၊ ကန်ဆွယ်၊ မကျည်းစင်၊ ထူးကြီး၊ သန်းကုန်းနှင့် စမ်းကလေး၊ သမန်းကျင်းနှင့် ဌင်းကျေးရွာတို့ဖြစ်ပြီး ဆည်စွဲရွာမှ အမျိုးသားနှစ်ဦးနှင့် အ မျိုးသမီးတစ်ဦးကို PDF ထောက်ပို့ဟုစွပ်စွဲဖမ်းဆီးထားကြောင်း စုံစမ်းသိရသည်။
Public Service Announcement
“ စည်ဆွဲက ရွာကကြီးတော့ အပိုင်းအပိုင်းတွေဆိုတော့ အိမ်ခြေ ၆၀၀ ဝန်းကျင်လောက်ရှိမယ်ဗျ။ လူဦးရေလည်းများတယ်။လက်ရှိမှာ စကစတွေက စည်ဆွဲမှာအထိုင်ချထားလို့ ဒေသခံတွေ ပိတ်မိနေတယ်” ဟု ဒေသခံ စစ်ရေးသတင်းရင်းမြစ်တစ်ဦးက လူထုနွေဦးသို့ ပြောသည်။
ထို့အပြင် စစ်ကောင်စီတပ်များသည် စည်ဆွဲရွာရှိ ဘုန်းကြီးကျောင်းနှစ်ထပ်ဆောင်အပေါ် ထပ်၌ လက်နက်ကြီးများအထိုင်ချ၍ စမ်းကလေးကျေးရွာဘက်သို့ ရမ်းသမ်းပစ်ခတ်မှုများရှိနေကြောင်း ၎င်းက ဆက်ပြောသည်။
“ ကျတော်တို့ဘက်က ဒရုန်း(ဗုံးသီး)မချလေအောင် သူတို့က အချက်ချာ နေရာယူလိုက်တာဗျ” ဟု ဒေသခံ စစ်ရေးသတင်းရင်းမြစ်က ရှင်းပြသည်။
ဒီဇင်ဘာလ ၁၁ ရက်နေ့က စည်ဆွဲရွာနှင့် စမ်းကလေးကျေးရွာကြားသို့ ရောက်ရှိလာသော စစ်ကောင်စီတပ်စစ်ကြောင်းကို တော်လှန်ရေးပူးပေါင်းအဖွဲ့က မိုင်းဆွဲခြင်း၊ ဒရုန်းဖြင့် ဗုံးသီးချတိုက်ခိုက်ခြင်းအပြင် ပစ်ခတ်တိုက် ခိုက်ခြင်းများလုပ်ဆောင်ခဲ့ရာ စစ်ကောင်စီတပ် စစ်ကြောင်းမှူးအပါအဝင် ခြောက်ဦးသေ၍ ကားနှစ်စီးပျက်စီးခဲ့သည်။
အဆိုပါ စစ်ကောင်စီတပ်စစ်ကြောင်းကြားဖြတ်တိုက်ခိုက်ခံရ၍ အထိနာပြီးနောက် စစ်ကောင်စီတပ်က တိုက်ခိုက်မှုဖြစ်ပွားရာ အနီးဝန်းကျင်မှ ကျေးရွာများသို့ စစ်ကြောင်းထိုးဝင်ရောက်၍ ပြည်သူပိုင်ပစ္စည်းများ ခိုးယူခြင်း၊ ပြည်သူများအား ဖမ်းဆီးနှိပ်စက်ခြင်းနှင့် ကျေးရွာများအတွင်းသို့ ပစ်ခတ်ဝင်ရောက်ခြင်းများ လုပ်ဆောင်နေခြင်း ဖြစ်သည်။
