Connect with us

Hi, what are you looking for?

သတင်း

တောင်သာမြို့နယ် ဇဂျမ်းရဲကင်းစခန်းအား တော်လှန်ရေးတပ်များ စီးနင်းတိုက်ခိုက်

တောင်သာမြို့နယ်၊ ဇဂျမ်းတိုက်နယ်ရဲကင်းစခန်းကို ဝင်ရောက်စီးနင်းတိုက်ခိုက်ခဲ့ရာ စစ်ကောင်စီတပ် ထိခိုက်သေဆုံးမှုများကြောင်း မြင်းခြံခရိုင် အမှတ်(၃)တပ်ရင်းက အသိပေးထုတ်ပြန်သည်။

ဇဂျမ်းရဲကင်းစခန်းအား တော်လှန်ရေးရဲဘော်များ စီးနင်းတိုက်ခိုက်နေစဉ်

ကျော်ဇော/People’s Spring

တောင်သာမြို့နယ်၊ ဇဂျမ်းတိုက်နယ်ရဲကင်းစခန်းကို ဝင်ရောက်စီးနင်းတိုက်ခိုက်ခဲ့ရာ စစ်ကောင်စီတပ် ထိခိုက်သေဆုံးမှုများကြောင်း မြင်းခြံခရိုင် အမှတ်(၃)တပ်ရင်းက အသိပေးထုတ်ပြန်သည်။

အဆိုပါ ဇဂျမ်းရဲကင်းစခန်းကို ဒီဇင်ဘာ ၃၁ ရက် နံနက် ၆ နာရီ ၄၅မိနစ်အချိန်ကစ၍ ၈နာရီ ၄၅ မိနစ်အချိန်ထိ မြင်းခြံခရိုင် အမှတ် (၃)တပ်ရင်းမှရဲဘော်များမှ မြေပြင်စစ်ကြောင်း၊ ဝေဟင် စစ်ကြောင်းတို့ဖြင့် စီးနင်းတိုက်ခိုက်ခဲ့ခြင်းဟု ဖော်ပြသည်။

စီးနင်းတိုက်ခိုက်မှုအတွင်း စစ်ကောင်စီဘက်မှ ထိခိုက်သေဆုံးမှုအခြေအနေအား မသိရသေးသော်လည်း ထိခိုက်သေဆုံးမှုများကြောင်း၊ ယနေ့(ဇန်နဝါရီ ၂ ရက်)တွင် စစ်ရေးဖော်ဆောင်မှုတစ်ခု ထပ်မံပြုလုပ်နေဆဲဖြစ် ကြောင်း မြင်းခြံခရိုင်အမှတ်(၃)တပ်ရင်းမှ တာဝန်ရှိသူတစ်ဦးက လူထုနွေဦး၏ဆက်သွယ်မေးမြန်းမှုကို ပြန်လည်ဖြေကြားသည်။

Public Service Announcement

Public Service Announcement

တိုက်ပွဲအတွင်း တပ်ရင်း(၃)မှ ရဲဘော်များနှင့် Drone Teamတို့၏ အရှိန်ပြင်းစီးနင်းမှုတို့ကြောင့် စစ်ကောင်စီတပ်ဘက်မှ အထိခိုက်များသဖြင့် မြေပြင်တပ်ကူများစွာအပြင် ဂျက်ဖိုက်တာ သုံးစီးဖြင့်လာရောက်ပစ်ကူပေးခဲ့ကြောင်း မြင်းခြံခရိုင် တပ်ရင်း(၃)က အသိပေးသည်။

ဇဂျမ်းရဲကင်းစခန်းစီးနင်းတိုက်ခိုက်မှုနှင့် စပ်လျဥ်း၍ မြင်းခြံခရိုင် တပ်ရင်း(၃)မှ ရုပ်သံမှတ်တမ်းထုတ်ပြန်ဖော်ပြခဲ့ရာ တော်လှန်ရေးရဲဘော်များက ရဲစခန်းအတွင်းသို့ တရပ်စပ်ပစ်ခတ်တိုက်ခိုက်ခဲ့သည်ကိုတွေ့ရသည်။

ဇဂျမ်းရဲကင်းစခန်းအား စီးနင်းတိုက်ခိုက်မှုအတွင်း စခန်းအဝင်ဂိတ်ဝမှ ထွက်ပြေးလာသော နယ်ထိန်းတစ်ဦး၏ ဇနီးဖြစ်သူကို ဖမ်းဆီးနိုင်ခဲ့ကြောင်း မြင်းခြံခရိုင် အမှတ်(၃) တပ်ရင်းမှ တာဝန်ရှိသူတစ်ဦးက လူထုနွေဦးသို့ ပြောသည်။

“နယ်ထိန်းရဲ့ ဇနီးပါ။ စခန်းဂိတ်အပေါက်ဝ အ ထွက် ခေါ်လာတာပါ”ဟု ၎င်းက ရှင်းပြသည်။

အလားတူ ဒီဇင်ဘာ ၃၀ ရက် ညနေပိုင်းကလည်း ‌‌‌‌‌‌‌‌‌‌‌‌‌‌‌‌‌‌‌‌တောင်သာမြို့နယ်၊ ဗိဿနိုးတောင်ပေါ်၌ တပ်စွဲထားသော အင်အား ၄၀ ခန့်ရှိစစ်ကောင်စီတပ် စခန်းကို မြင်းခြံခရိုင် အမှတ် (၃)တပ်ရင်း Drone Team မှ Shar Htoo Waw နည်းပညာဖြင့် ပြုလုပ်ထားသော Fixed Wing Drone ဖြင့် ဗုန်းကြဲ ‌‌‌‌‌‌‌‌‌‌‌‌‌‌‌‌‌‌‌‌‌‌တိုက်ခိုက်ခဲ့သေးသည်။

တိုက်ခိုက်မှုအတွင်း စစ်ကောင်စီတပ်သားများရှိနေသည့် ကင်းတဲပေါ်သို့ကျရောက် ပေါက်ကွဲသဖြင့် ထိခိုက်သေဆုံးမှုရှိနိုင်ပြီး အရေအတွက်အတိကျအား မသိရသေးကြောင်း ထုတ်ပြန်ထားသည်။

ဆက်စပ်သတင်းများ

သတင်း

မကွေးတိုင်း၊ရေစကြိုမြို့နယ်၊ ဂွေးချိုကျေးရွာက ပျူစောထီးစခန်းကို တိုက်ခိုက်ရာ စစ်တပ်က လေကြောင်းကနေ အပြင်းအထန် ခုခံမှုကြောင့် ဆုတ်ခွာခဲ့ရတယ်လို့ ရေစကြိုမြို့နယ်အထူးလှုပ်ရှားစစ်ကြောင်းက အောက်တိုဘာ ၅ ရက်မှာ ထုတ်ပြန်ပါတယ်။

သတင်း

စစ်ကိုင်းတိုင်း၊ ကသာမြို့အခြေစိုက် စစ်တပ်ရဲ့ အမှတ်(၃၀၉)ခြေမြန်တပ်ရင်း(ခမရ-၃၀၉)က စစ်ကြောင်းထွက်လာတဲ့အတွက် ဒေသခံတွေ လုံခြုံရေးသတိပြုကြဖို့ တော်လှန် ရေးရဲဘော်တွေကသတိပေးပါတယ်။

သတင်း

တနင်္သာရီတိုင်းအတွင်း ရေဘေးသင့်ပြည်သူတွေအနေနဲ့ လိုအပ်တဲ့အကူအညီတွေ ဆက်သွယ်တောင်းခံနိုင်တယ်လို့ တော်လှန်ရေးအင်အားစုတွေကထုတ်ပြန်ထားပြီး ထိန်းချုပ်ဒေသတွေအတွင်း ကူညီကယ်ဆယ်ရေးလုပ်ငန်းတွေမှာပူးပေါင်းဆောင်ရွက်နေတယ်လို့ တော်လှန်ရေးရဲဘော်တွေက ပြောပါတယ်။

သတင်း

ရန်ကုန် - ပြည်လမ်းပိုင်းက အာဏာသိမ်းစစ်တပ်ဂိတ်စခန်းကို တော်လှန်ရေးတပ်တွေ ၀င်ရောက်စီးနင်း တိုက်ခိုက်ခဲ့တယ်လို့ သာယာ၀တီခရိုင် ပြည်သူ့ကာကွယ်ရေးတပ်တာ၀န်ရှိသူက လူထုနွေဦးကို ပြောပါတယ်။

Facebook