ရဲခေါင်/People’s Spring
ကရင်နီပြည်နယ်၊ လွိုင်လင်လေးမြို့အခြေစိုက် စစ်ကောင်စီ၏ ခမရ(၅၃၀)တပ်ရင်းမှ ပစ်ခတ်သည့် လက်နက်ကြီးထိမှန်မှုကြောင့် အသက် (၁၂)နှစ်အရွယ် မိန်းကလေးငယ်နှစ်ဦး သေဆုံးပြီး (၅)လသားအရွယ် ကလေးငယ်တစ်ဦး လက်ပြတ်သွားကြောင်း လွိုင်ကော်မြို့စစ်ဘေးရှောင်ကူညီနေသူအချို့က လူထုနွေဦးသို့ပြောသည်။
ယမန်နေ့(ဇန်နဝါရီ ၉ရက်) နံနက် ၁၁နာရီခန့်က လွိုင်လင်လေးမြို့နယ် အိုင်စန့်ကျေးရွာတွင် စစ်ကောင်စီ၏ လက်နက်ကြီးကျည်များကျရောက်ပေါက်ကွဲခဲ့ခြင်းဟု ဆိုသည်။
“ ဗုံးသုံးလုံးကျတယ်။၁၂ နှစ်အရွယ် မိန်းကလေးနှစ်ဦးကတော့ ပွဲချင်းပြီး ဆုံးသွားတယ်။လေးလသမီးလေးကတော့ ဘယ်လက်ပြတ်သွားတယ်။နောက်အမျိုး သမီးတစ်ယောက်က ရင်ဘက်မှာ အစ မှန်တာ” ဟု လွိုင်ကော်စစ်ရှောင်အရေးကူညီနေသူတစ်ဦးက ပြော သည်။
Public Service Announcement
အိုင်စန့်ကျေးရွာသည် လွိုင်လင်လေးမြို့၏ အနောက်ဘက်တွင်ရှိကာ လီဆူးတိုင်ရင်းသားတွေအများအစုနေထိုင်ပြီး နေအိမ် ၅၀ခန့်သာရှိကြောင်း ၎င်းက ဆက်လက်ပြောသည်။
တိုက်ပွဲ ဖြစ်ပွားသည့်နေရာမဟုတ်ဘဲ လူထုအပေါ်ပစ်မှတ်ထားသည့် စစ်ကောင်စီ၏ တိုက်ခိုက်မှုသည် စစ်ရာဇဝတ်မှုနှင့် လူသားမျိုးနွယ်ပေါ်ကျူးလွန်သည့် စစ်ရာဇဝတ်မှုဟု ကရင်နီပြည်ကြားကာလအုပ်ချုပ်ရေးကောင်စီ IEC အတွင်းရေးမှူးဦးဗညားက မှတ်ချက်ပြုသည်။
နှစ်သစ်ကူး ဒီဇင်ဘာ ၃၁ ရက် ညနေပိုင်းတွင်လည်း လွိုင်ကော်မြို့နယ် အရှေ့ဘက်ခြမ်းရှိ စစ်ရှောင်စခန်းတစ်ခုကို စစ်ကောင်စီက လေကြောင်းတိုက်ခိုက်မှု ပြုလုပ်ခဲ့ရာ တစ်နှစ်ကျော်အရွယ်ကလေးနှင့် ၎င်း၏ မိခင်အပါအဝင် သုံးဦးသေဆုံးခဲ့ရသည်။
ဖယ်ခုံ၊မိုးဗြဲမြို့အပါအဝင် ကရင်နီပြည်နယ်၌ စစ်တပ်အာဏာသိမ်းပြီးနောက်ပိုင်း ၂၀၂၄ ခုနှစ်ကုန်အထိ သတ် ဒဖြတ်ခံရသည့် ပြည်သူ ၅၃၆ ဦးရှိပြီး စစ်ရှောင်စဥ်သေဆုံးသူ ၁၇၃ဦးရှိ ကြောင်း တိုးတက်သောကရင်နီပြည်သူ့အင်အားစုက ထုတ်ပြန်ထားသည်။
