တစ်နိုင်ငံတည်းသားတွေကို ထိုင်းနိုင်ငံထဲ မှောင်ခို ခေါ်သွင်းခဲ့တယ်ဆိုတဲ့ စွပ်စွဲချက်နဲ့ မြန်မာနိုင်ငံသား နှစ်ဦးကို ထိုင်းအာဏာပိုင်တွေက ဖမ်းဆီးခဲ့ပါတယ်။
ပစ်ကပ်ကား တစ်စီးပေါ်မှာ အသက် ၄၄ နှစ်အရွယ် ယာဉ်မောင်း သန်းဝင်း၊ အသက် ၂၇ နှစ်အရွယ် အဖော်ဖြစ်သူ မိုင်တို့ လိုက်ပါလာတာကို ဆန်ခလာဘူရီခရိုင် ရဲတွေက ဇန်နဝါရီ ၁၂ ရက် မနက်ပိုင်းမှာ စစ်ဆေးခဲ့တဲ့အခါ နောက်ခန်းထဲ ဝှက်ပြီး ခေါ်လာသူ ၆ ဦးကို တွေ့ရှိခဲ့တာလို့ ဆိုပါတယ်။
ဒါကြောင့် ရဲတွေက ယာဉ်မောင်း၊ အဖော်ဖြစ်သူတို့ကို ဖမ်းဆီးခဲ့သလို ထိုင်းပိုင်နက်ထဲ တရားမဝင် ဝင်ရောက်လာတဲ့ တခြား မြန်မာနိုင်ငံသား ၆ ဦးကိုပါ ထိန်းသိမ်းခဲ့တယ်လို့ ထိုင်းသတင်းဌာနတွေက ဖော်ပြခဲ့ပါတယ်။
ကားနောက်ခန်းမှာ လိုက်ပါလာပြီး အဖမ်းခံရသူ မြန်မာတွေဟာ အမျိုးသား ၁ ဦးနဲ့ အမျိုးသမီး ၅ ဦး ဖြစ်ပါတယ်။ အဲဒီ ၆ ယောက်စလုံးမှာ လိုအပ်တဲ့ အထောက်အထား စာရွက်စာတမ်းတွေ မပါရှိခဲ့ဘူးလို့ ရဲတွေက ပြောပါတယ်။
Public Service Announcement
ယာဉ်မောင်းက သူဟာ ဆန်ခလာဘူရီမှာ တောလမ်းကနေ တရားမဝင် ဝင်ရောက်လာသူ မြန်မာ ၆ ဦးကို စောင့်ခေါ်ခဲ့ပြီး ကန်ချနာဘူရီဆီ သွား
ရောက်ပို့ဆောင်ဖို့ စီစဉ်ထားကြောင်း၊ အဲဒီအတွက် တစ်ဦးစီကနေ ဘတ် ၃၀၀၀ စီ လက်ခံရရှိခဲ့ကြောင်း ရဲတွေဆီ ထွက်ဆိုခဲ့တယ်လို့လည်း သိရပါတယ်။
